1 Timöthi 1:17 - Wëël Jwøk

¹⁷ 'Ba wödö ka ajiem en jï Nyeny beenhnhe bëët këël na bäre bäre, ŋata näk ba thøw na näk ba neen, ni beeye Jwøk keere. Enøgønø.

1 Timöthi 1:17 Iomraidhean Croise

1 Luup Nyeye 29:11

Wui Wuuö Jwøk, teek, ki dööŋö, ka ajiem, ki böödö, ki wödö en jïrï, kiper jammi bëët moa en maalø ki moa en piny beege moï. Wui Wuuö Jwøk, bura beeye marï, ni bee ï na wïth jammi bëët.

Neemiya 9:5

Køøre jø tuuŋ Libay, ni beege Jëcua, ki Kadmiël, ki Bani, ka Acabeniya, ki Cërëbiya, ko Odiya, ki Cebaniya, ki Petaya, gena köö, ni «Ööu maal ni pwøyu Wuuö Jwøk, Jwøk maru, eni na nut cøøn ni bëëdö na bäre bäre.» Køøre jiy abwøthge ki lam ni köge, ni «Wui Wuuö Jwøk, pwøc en ri nyeŋŋï na näk nyeŋ ajiem na bëëdö ni ena maal ni kaala nyeŋŋi bëët moa näk opwøø.

Dut Pwøc 45:1

Jeremaya 10:10

'Ba Wuuö Jwøk beeye Jwøk mana näk adïëri; ena Jwøa kwøw, ni eni bëëdö na nyeya na bäre bäre. Piny wø tïmö ni kwanynyi kany wø wëëre, ni wëër mare bäŋ wø løny ki jïëny jï wïth juurre.

Daniel 2:44

«'Ba noo tïme na yïth nïr nyeye moeke, Jwø maal da akwöm nyec mo këëlle piny mo ba ränynyi na bäre bäre; na akwöm nyec manøgø ba wëëk jiy møøk. Eni akwöm mo nyec moeke bëët di nyadhø ni dïïr wïthge; 'ba eni ki dëëre keere, bëëdö na bäre bäre.

Daniel 4:34

'Ba kanya thum cwiiri moøgø na abïriiø yøø, a na Nabukedenecör, nyeŋŋa ataa maal, ni ö acaara mara ni put duu baŋa, ni ö Jwøa dwøŋŋi ni en maal ni puta gø pwøc, ni wøøra eni, ni jiema eni, eni ni wø bëëdö na bäre bäre. Teek mare bëëdö na bäre bäre, ni buc nyec mare këëta yïth beenhnhe bëët,

Daniel 4:37

Kawaane a na Nabukedenecör, a pwøya nyeya mar maal, ni tïŋa nyeŋŋe maal, ni jiema eni, kiper tïïe moe bëët beege adïëri, ni jïëth tïïe moe tiir, ni eni løny jïre ki man dwøk jiy piny mo wø bëëdö ni cwïnyge da atöör.

Daniel 7:14

Ni cïp teek jïre ka ajiem ki nyec kiper nee wïth jiy bëët ki wïth juurre, ki wïth dhøgi bëët tïmge ni tïnynya eni. Teek mare mar käär jiy beeye teek mo bëëdö na bäre bäre, mo bäŋ cuŋŋe, ni buc nyec mare ba ränynyi.

Mikiya 5:2

'Ba Wuuö Jwøk aköö, ni «Ï na Bethelem na en Eeparata, këël na bëëdï ni thiinhnha ïïni dï mïëc tuuŋ Juuda, ŋato käär jø Icriel othïïŋa kiper tïïc mara, ni eni ööi ki riï; ni öö mare käla ya acääŋŋe cøøn yïth nïra dïkwøŋ.»

Milkiya 1:14

'Ba acïëni oen bäät ŋata näk jïre da nywø diel mo beer dï pïïth mare, na näk eno kööŋ ki man cïp gø jïra, ni cïp mana raac na kar gø no olämi jïra, ni møta aani, a na Wuuö Jwøk. Kiper aana nyeya mo kare dwøŋ, ni nyeŋŋa di lwäärö dï wïth juurre bëët.» Gïnögø caana Wuuö Jwøki, eni na wïth jammi bëët.

Mathiew 25:34

Kanyøgø eni na nyeya oköö jï jøøa en bäät cwïïe, ni ‹Ööu, u na näk ogwïëth Wära, nee buya käl maal na näk ojiiŋŋø kiperu ki mana täge ki kanya cwääc piny yie ci jïïu.

Mathiew 28:20

Ni pwönynyu geni ki man gwøkge gïïa caana jïïu bëët. 'Ba aani, aano en buutu cooth këël kanyo ŋuut pinynyi yie.»

Mathiew 6:13

Kär wa bwøth kany mo wa di päänynyö yie, 'ba piem wa cer ŋata raac.›

Jøøn 1:18

Bäŋ dhaanhø aciel mo Jwøk ee neenø, 'ba beeye Wäädö mana näk acielø jï Jwøk na en kö Wuuö na nyooth gøøni.

Jøøn 5:44

?Uuno jïëyu nidïï ni näk mou poot caya pwøc dhaanhø mør, nou ba cac pwøc man wø ööi ki baŋ Jwøk na näk aciel keere?

Wëëlö Mana Göör Pøølli Baŋ Jø Röm 1:20

Kiper ki kanya cwääc piny këël kawaane, mo Jwøk na näk ba neen dhaanhe ki waŋe anëënö ni beyø ri gïïa näk ee cwääö, ni beeye teek mare na näk ba cuŋ, ki bëëtö mare ni ena Jwøk. Kiper manøgø nø, røkge ba maarge piem.

Wëëlö Mana Göör Pøølli Baŋ Jø Röm 1:23

ni wiilge ajiem Jwøa näk ba maar thøø, ni tïïge ki gïï mo kïtge caala kït dhaanhø ni bëën thøø en, ki kït weny, ki lääy, ki thwöre.

Wëëlö Mana Göör Pøølli Baŋ Jø Röm 11:36

Kiper beeye eni na ö jammi bëët ki baŋe, ni ööi ka køøre, ni cäätha baŋe. Ajiem en jïre na bäre bäre. Enøgønø.

Wëëlö Mana Göör Pøølli Baŋ Jø Röm 16:27

Ajiem en jï Jwøk na wïïe leer keere na bäre bäre ki køør Jecu Krictø. Enøgønø.

Wëëlö Mana Göör Pøølli Baŋ Jø Röm 2:10

'Ba beeye ajiem ki pwøc ki bëët-mëër noo cïp jï jiy bëët mo wø tïïc gïno beer. Ni tägi ka jø Juuth këël mano këët baŋ jøw mo patha jø Juuth.

Wëëlö Mana Göör Pøølli Baŋ Jø Röm 2:7

Ni eno cïpi ki kwøw mana näk adïëri mo bäŋ cuŋŋe jï jøw wø tïïc gïïa beyø ni cwïnyge ege cïp piny, ni ge caya ajiem, ki wödö, ki kwøw mana näk bäŋ thøø ree.

Köløcia 1:15

'Ba eni na Krictø röömi ka Jwøk na näk ba neen, ni beeye kaa dï jammi bëët moa cwääc.

Ibaru 11:27

Ni beeye ŋäädhe, na ö eni ni wec Ijep ni kär lwäyö ki wëëc nyeya. 'Ba cwïnye ee maa ni tïme keda neeta Jwøk ni wø ba maar neen.

Ibaru 2:7

'Ba eni iï tïïö ni thiinhnha eni ki kany mo thiinh ki nyïïatwiet maal, ni røønyï gø ka ajiem ki wödö,

1 Piter 5:11

'Ba teek oen jïre këël na bäre bäre. Enøgønø.

2 Piter 3:18

'Ba cääthu nyïm nou ŋäya met ec ki ŋäc man ŋäyu Kwääyø na näk Pïëmi ma Jecu Krictø. 'Ba ajiem en jïre en nø, këël na bäre bäre. Enøgønø.

1 Jøøn 4:12

Bäŋ dhaanhø mo oneen Jwøk. Ni näk mo ø mëër ki røgø, Jwøk bëëdö dëëtø, ni mëëye othur kare cwïnynyø.

Juut 1:25

'Ba ajiem, ki rööny, ki teek, ki cuum, opoot en jïre, eni na Jwøa näk aciel enø, na näk Pïëmi marø, ki ri Jecu Krictø na näk Kwääyø, ki mana täge cøøn, këël ennø, këël na bäre bäre. Enøgønø.

Mana Nyooth 15:3

Ni ge wära duut Modhe, na näk laŋ Jwøk, ki duut Nyidiel, ni ge köö, ni «Ï na Kwäärö Wuuö Jwøk na en teeki jïrï, Nyeny piny bäre, tïïe moï døøŋŋø, ni beege gïï mo rëëma ec. Ni luup moï beyø ni näkge adïëri.

Mana Nyooth 17:14

'Ba geno määnynyi baŋ Nyidiel, ni ö geni ni bööti ya Nyidielli, kiper ena Kwääy kwääri, ni ena Nyeny nyeye, ni jøøo en buute, gena jøøa cwøl, na jier, na jiy mo oŋäädhö.»

Mana Nyooth 19:1

Køør gïïögøøni dwøl mør mo päl awïnynya maalø mo keda dwør lwaak mo päl, ni ge köö, ni «Alëluya! Pïëm man piem jiy ki gø, ka ajiem, ki teek, beege mo Jwøk marø.

Mana Nyooth 19:16

'Ba ra abïïne ki ya awaye ogöönnö ki nyeŋ, ni köö, ni «Nyeny nyeye ni näk Kwääc kwääri.»

Mana Nyooth 19:6

Kanyøgø dwøl mør awïnynya mo keda dwør lwaak mo päl, ni caala lwöc pïï mo thööth, ni caala dwør køth mo märö døc, ni köö, ni «Alëluya! Kiper Kwäärö Wuuö Jwøk, eni na Jwøk marø na en teeki jïre, beeye Nyeya man wø bëënni.

Mana Nyooth 7:12

ni köge, ni «Enøgønø. Pwøc ka ajiem ki leec wïc, ki dwøk met ec, ki wödö, ki teek, ki dööŋ-kar, en jï Jwøø këël na bäre bäre. Enøgønø.»