1 Timöthi 1:16 - Wëël Jwøk

¹⁶ 'Ba aana køny, a na näk wïth jø raay, kiper nee Jecu Krictø nee cwïnye na näk ee cïp piny ki kare bäre, nee nyoodhe ki raa, nee tïme na jöö jï jø wø jïëy ni ŋäätha eni kiper kwøw mana näk adïëri mo bäŋ cuŋŋe.

1 Timöthi 1:16 Iomraidhean Croise

2 Luup Nyeye 33:19

'Ba lam mar Maneeca, ki kanya ö Jwøki na wïny kwac mare, ki raay moa tïïe bëët, ki mana bëëde ni bääö dëër Wuuö Jwøk, ki kwör lam moa tïïe bäät thuuri, ki jenni moa no ocaa ri jwø wø cwøl na Acara na tïïe, ki gïï wø lam moa no otieŋø moa cwöth piny yïth kwör lam moøgø, kanya poode ni dëëre poot käre dwøk piny nyïm Wuuö Jwøk, ogöör piny yïth luup jø wø joot jammi ki køør man wø nyooth Jwøki jïge.

Bwøth Wøk 34:8

Ni ö Modhe ni put cøŋŋe këël piny ni wøør Wuuö Jwøk.

Aydheea 1:18

Wuuö Jwøk aköö, ni «Ennø, ööu nøø dwätø na aciel ri luubö. Këël na bëëde ni raay mou kwayø kaamar remø, di tïïö ni tar ni caala piiø, këël ge doo kwayø døc, di tïïö ni tar ni caala jïëc røømmø.

Aydheea 43:25

«'Ba bee aani ki dëëra kiree ni wø wëën raay moï bëët kiper nyeŋŋa; ni wïïa ba para ki raay moï këët.

Aydheea 55:7

Beerra man ö ŋata raaci ni wec jöö mare, ni ö ŋata näk bëëtö mare ba tiir ni tiir acaara mare; beerra man ö eni ni duu baŋ Wuuö Jwøk, Wuuö Jwøk bäth ec mare onyoodhe jïgø; beerra man ö eni ni duu baŋ Jwøk marø, kiper Wuuö Jwøk wëënnö mare dwøŋ.

Kwään Jiy 23:3

Køøre Beelam aköö jï Balak, ni «Cuŋŋï buut olämme moï moøgø ni waaŋ yøø. 'Ba aana aay; kanymør Wuuö Jwøk öö ni røømme ki aani; 'ba gïno nyoodhe jïra ocaana jïrï.» Køøre Beelam aput aa bäät thuur mo leer.

Luk 15:10

'Ba a cäänna uuni, ni da met ec ma enønø nyïm nyïïatwiet maal mo Jwøk kiper ŋat raay aciel mo cwïnye ee løø.»

Luk 23:43

Ni løk gø jïgø, na «Adïëri møn, a cäänna ïïni, ni dïcäŋi en, ïïno en kany mo beer ki aani na aciel.»

Luk 7:47

Kiper manøgønø, a caana gø jïrï, ni raaye ni thööth yøø awec, kiper mëër mare okadhø. 'Ba ŋat wø wëënni ki gïn mo thiinh, mëëye thiinh.»

Jøøn 20:31

'Ba moi göör kaper nou jïëyu ni Jecu beeye na Krictø ni näk O Jwøk, kiper nee u jïëyu ki eni ni ŋääthu gø, nou jïtu ki kwøw ki nyeŋŋe.

Jøøn 3:36

'Ba ŋat wø jïëy ki Wäädö ni ŋääth gø, ree da kwøw mana näk adïëri mo bäŋ cuŋŋe. 'Ba ŋat wø ba leŋ dwør Wäädö, kwøw ba dee joodø, 'ba ajäla mar Jwøk bëëdö bääte.»

Jøøn 5:24

Adïëri møn, a caana gø jïïu, ni ŋat wø wïny luumma ni jïëe ki eni na jääŋ aani, ree da kwøw mana näk adïëri mo bäŋ cuŋŋe. Ni eni ba doo cøøa kar ŋøl luup. 'Ba eno nø ö wøk ri thøø ni ci yi kwøw.

Jøøn 6:37

'Ba jiy mo wø cïp Wära jïra bëët ööa baŋa. 'Ba ŋat wø ö baŋa, ba riemma.

Jøøn 6:40

'Ba mana many Wära beeye en, ni ŋato wäro ŋec Wäädö ni jïëe ki eni ni ŋääth gø, jïtö ki kwøw mana näk adïëri mo bäŋ cuŋŋe. 'Ba aani, ŋatøgø otïŋa maal yi cäŋo cuŋ pinynyi yie.»

Jøøn 6:54

Ŋat wø cam dëëra ni maath remma, ree da kwøw mana näk adïëri mo bäŋ cuŋŋe, ni eno tïŋa maal yi cäŋo cuŋ pinynyi yie.

Moa Tïïc Nyïïatwieli 13:39

Ni beeye ki køøre no ö jøw ojïëy bëët ni ŋääthge noo pädi yïth jammi bëët moa ba doo maar lønyø jï ciik Modhe ki man pät uuni.

Wëëlö Mana Göör Pøølli Baŋ Jø Röm 15:4

Kiper gïïa kwøŋ göör nïr acääŋŋe, göör kaper nee ø pwönyge, nee ø jïtö ki ŋäädhe ki køør tëënnö ki cøm cwïny man wø joodø yïth weet Jwøk.

Wëëlö Mana Göör Pøølli Baŋ Jø Röm 6:23

Kiper gïï wø mak cer raay beeye thøø, 'ba muuy mana cïp Jwøki beeye kwøw mana näk adïëri mo bäŋ cuŋŋe ki ri Krictø Jecu na näk Kwääyø.

1 Körin 7:25

'Ba kawaane mar jøøa näk kär nyöömmö, bäŋ gïn mo okøp Wuue jïra. 'Ba a caana mara ni aana dhaanhø mo maar ka ŋääth ki køør met yi Wuuö.

2 Körin 4:1

Kiper manøgønø, na tïme ni tïïc man ni tïïcwa en, jootwa ka køør met yi Jwøk, cwïnywa ba wëëkwa pädhö.

Epeca 1:6

nee met yie na bäŋ teeŋe na cïbe jïïø ki bäth ec dëër Omëëye, nee pwøø.

Epeca 2:7

kiper nee met yie na päl na bäŋ teeŋe nee nyoodhe jïïø ki bäth ec ki ri Krictø Jecu yi piny mano ööi.

2 Thecalönika 1:10

dïcäŋo ööe noo jiemi dï jiye, noo tïm yïth jøøa ŋäädhö bëët no orëëm ki mare, kiper mana jïëyu marwa na køpwa jïïu kiper cäŋöce.

1 Timöthi 1:13

këël na kwøŋa bëëtö naa caanna eni, naa pääta eni, naa tïïö ki gïï mo reyø bääte. 'Ba aana kønye kiper na kuua mana tïïa na kära jïëy.

Ibaru 7:25

Kiper manøgønø, løny jïre ki man køny jø wø nyänh buut Jwøk ki køøre na bäre bäre, kiper mana bëëde ni kwøw cooth, ni kwaaya Jwøk kiperge.

1 Piter 3:20

jøøa dhal luubö dïkwøŋ kanya bëët Jwøki ni cwïnye ee cïp piny ni kurö yïth nïr Nöa, kanya tïïc jääy, jääna piem jøøa nøk keerge na näk abära ki thøw pïï.

2 Piter 3:15

Ni ŋäyu gøøni ni koor mar Kwääyø ni bëëdö ni cwïnye ee cïp piny beeye kiper nee ø piem. Ni beeye mana göör cöögø ma Pøøl na näk omëëyø jïïu, ki køør leec wïc mana wëëk eni,

2 Piter 3:9

Kiper Wuuö ba dwiil ki mana buue, keda man wø caan jø møøki ni dwiil, 'ba eni poot koora uuni ni cwïnye ee cïp piny, ni bäŋ ŋat manynye nee ränynye, 'ba eni manynya jiy bëët nee thumge ri løk cwïny.