1 Timöthi 1:15 - Wëël Jwøk

¹⁵ 'Ba luubö man en beeye adïëri møn mo doo jïëö, ni Krictø Jecu aö piny kuna piem jø raay. 'Ba beeye aani na näk wïth jø raay.

1 Timöthi 1:15 Iomraidhean Croise

Jööp 42:6

Kiper manøgønø, aani dëëra ajääla, ni køba raay 'moa naa bëëdö yi tør ki yi bur.»

Edhikiel 16:63

Køøre nø, noo wëënna ïïni ki japa reyø bëët na tïïyï, wïïï oparï ni lää wïïï, ni ba japï dhiï këët kiper lään wïc marï.› » Luummögø caana Kwäärö Wuuö Jwøki.

Mathiew 1:21

Eno lwaar ki nyilaal ma cïïŋŋö; 'ba nyeŋŋe ocwølï ni Jecu, kiper beeye eni noo piem jiye yïth raay moge.»

Mathiew 18:10

«Gwøgu rou døc, nee bäŋe nyilaal aciel røk moi ni therø ii mo taagu. Kiper a cäänna uuni, ni nyïïatwiet maal moge wø bëëdö ni neeta waŋ Wära cooth ni en maal.

Mathiew 20:28

kaawat man bëët Wär Dhaanhø en ni kär öö nee tïnynyi, 'ba eni ööi kaper nee jø møøk tïnynye, ni cïpa jwïëye na wïïdi kiper jiy mo thööth.»

Mathiew 9:13

Cou ni kwanynyu tier gïna caan Jwøki na kööe, na ‹A manynya mëër, ni kaala olämme.› Kiper a ba ööi naa cwøla jøøa beyø, 'ba a öönynya jø raay.»

Maak 2:17

'Ba na wïnynyi ya Jecu ena köö jïge, ni «Jø wø dëëtge jööt ba many akïïm, 'ba beege jø wø tuu. A ba ööi naa cwøla jøøa beyø, 'ba a öönynya jø raay.»

Luk 15:2

'Ba jø Paricith ki dïpööye mo ciik Jwøk gena ŋurö, ni köge, ni «Nyeni jïëy ki jø raay ni cämö ki ge.»

Luk 19:10

Kiper Wär Dhaanhø öönynya kuna many jøøa näk orwäänyö nee pieme.»

Luk 5:32

Aani, a ba ööi naa cwøla jøøa beyø, 'ba a öönynya jø raay nee cwïnyge løkge.»

Jøøn 1:12

'Ba jøøa jïëy ki eni bëët na ŋääth nyeŋŋe, amooe ki teek ki man tïmge na nyïï Jwøk.

Jøøn 1:29

'Ba na tïme na aruunnø man, Jøøn Jecu aneene ni ööa baŋe, ni kööe, ni «Neennu, Nyidier Jwøk ŋato wëën raay mo jø piny.

Jøøn 12:47

'Ba noo dee ŋat mo wïny luup moa caana ni ba gwøk geni, eni ba ŋøla wøk. Kiper a kär ö kuna ŋøla luup mo piny, 'ba a ööa kuna piema piny.

Jøøn 3:36

'Ba ŋat wø jïëy ki Wäädö ni ŋääth gø, ree da kwøw mana näk adïëri mo bäŋ cuŋŋe. 'Ba ŋat wø ba leŋ dwør Wäädö, kwøw ba dee joodø, 'ba ajäla mar Jwøk bëëdö bääte.»

Moa Tïïc Nyïïatwieli 11:1

'Ba kanyøgø awïny nyïïatwieli ki nyïïmëëe moa en Judia, ni juurre luum Jwøk ege jïëö thuwø.

Moa Tïïc Nyïïatwieli 11:18

'Ba na wïnyge luummögø, gena lïŋö ni jiemge Jwøk, ni köge, ni «Këël juurre thuwø awëëk Jwøki løk cwïny nee kwøw jootge.»

Moa Tïïc Nyïïatwieli 3:26

'Ba Jwøk na thïïŋ Wääde, akwøŋ jääŋ baŋu nee u gwïëdhe ni løga u yi rääö maru karubëët.»

Wëëlö Mana Göör Pøølli Baŋ Jø Röm 11:14

kiper nee jø powa ma jø Juuth døøya mo këëö, nee møøk dïge piema ki jöörögø.

Wëëlö Mana Göör Pøølli Baŋ Jø Röm 5:6

Kanya poodø ni røgø ba maarø køny, Krictø athuunh jø raay ki kanya wäŋŋi ni kare.

1 Körin 15:9

Kiper thiinhnha kara døc dï nyïïatwieli, naa patha orømø ki man cwøl aani ni nyïïatwiel, kiper aana gëëmö ka acooŋ Jwøk.

Epeca 3:8

'Ba aani, këël na thiinh kara døc dï jø Jwøk bëët, met ec manøgø awëëk aani, nee gïr kwär mar Krictø na näk bäŋ teeŋe køba jï juurre,

1 Timöthi 1:13

këël na kwøŋa bëëtö naa caanna eni, naa pääta eni, naa tïïö ki gïï mo reyø bääte. 'Ba aana kønye kiper na kuua mana tïïa na kära jïëy.

1 Timöthi 1:19

niï ŋäya ŋäädhe, ni putï bëëtö ki bëëtö ma adïëri. Kiper da jø møøk mo ŋäädhe marge ege nø raanynyø, ni tïïcge gø kaamar thääŋ jääy mo oränynyö, kiper mana kwierge luup moa näk adïëri na ŋäcge ki cwïnyge.

1 Timöthi 3:1

'Ba luummi en beeye adïëri. Ni näk dhaanhø manynya man tïme na ŋat wø raŋ acooŋ Jwøk, tïïc mana manynye wøp.

1 Timöthi 4:9

'Ba luubö manøgø beeye adïëri møn, mo doo jïëyö.

1 Timöthi 6:13

A köömma ïïni nyïm Jwøk, eni ni wø cïp kwøw jï jammi bëët, ki nyïm Krictø Jecu, ŋata käl luubö mare wøk ni beer kanya køp mare nyïm Pøntia Paylat,

2 Timöthi 2:11

Man beeye luubö ma adïëri: Ni näk øøno thøw ki eni, øøno kwøw thuwø ki eni na aciel.

Tayta 3:8

'Ba luummögø beeye adïëri. Naa manynya ïïni man køpï gïïögø døøc, kiper nee jøøgø no ojïëy ki Jwøk yøø, nee dëëtge makge ki man cïpge cwïnyge køør gïïo beyø na dege tïïö. Kiper gïïögø bee gïï ma wøpe døc, mo jiy kønye kønyø.

Ibaru 7:25

Kiper manøgønø, løny jïre ki man køny jø wø nyänh buut Jwøk ki køøre na bäre bäre, kiper mana bëëde ni kwøw cooth, ni kwaaya Jwøk kiperge.

1 Jøøn 3:5

'Ba ŋäyu ni ena ö kuna wëën raay. Ni eni bäŋ raay dëëre.

1 Jøøn 3:8

'Ba ŋat wø bëëdö ni bääö, ena mar anägö, kiper anägö wø bëëdö ni bääö ki kanya täk pinynyi. Ni beeye na ö O Jwøki nee tïïe mo anägö raanynye.

1 Jøøn 5:11

'Ba lïŋ mana køp beeye en, ni øøna mooc Jwøki ki kwøw mana näk adïëri mo bäŋ cuŋŋe, ni kwøwøgø ena ri Wääde.

Mana Nyooth 21:5

Ni ö ŋata en bäät wälu ni kööe, ni «Ennø, a tïïya jammi bëët ni nyärö.» Ni cäŋ köö, ni «Göör gïn. Kiper luup moi ii beege luup mo oŋäädhö ni näkge adïëri.»

Mana Nyooth 22:6

Ni köö nyïïatwiel maal jïra, ni «Luupi ii beege luup mo oŋäädhö ni näkge adïëri. Ni beeye Kwäärö Wuuö Jwøk na näk Jwø jwïëc nyïïkuk Jwøk na jääŋ nyïïatwiel maal mare kun nyuth laage gïïo laar tägö.»

Mana Nyooth 5:9

Ni wärge ki duut mo nyään, ni köge, ni «Røma ïïni ki lwør wëëlö ni japï möönne moe. Kiper ïïna 'näk, ni wïïrï kwör jiy ki remmï kiper Jwøk, jøøa käl røk tuŋi bëët, ki dhøgi, ki wïth juurre, ki yïth mïëri bëët.