1 Timöthi 1:13 - Wëël Jwøk

¹³ këël na kwøŋa bëëtö naa caanna eni, naa pääta eni, naa tïïö ki gïï mo reyø bääte. 'Ba aana kønye kiper na kuua mana tïïa na kära jïëy.

1 Timöthi 1:13 Iomraidhean Croise

Odheea 2:23

Jiya ma jø Icriel tietge okëëlla piny ni teek yi ŋöömö. Bäth ec mara onyoodha jï jøøa näk bäth ec kär nyoodhø jïge, ni kööa jï jøøa näk patha jiya, ni ‹Uuna jiy 'moa!› Ni köge jïra, ni ‹Ïïna Jwøk marwa!› »

Ciik Kiper Dïlämme 13:16

'Ba ni näk mo rïŋö mana no ocwäny wøk dëëre odøø piny ni neebuuth ni tar, ŋatøgø wär døø baŋ dïlämi.

Kwään Jiy 15:30

« ‹'Ba ŋat wø bääyi ni di kamø, këël doo naa ena thwønh paac wala jur, eni janynya aani, a na Wuuö Jwøk. Ŋatøgø wär tïme ni tøør yïthakic jø poge.

Luk 12:47

'Ba laŋŋo ŋäc mana many kwääye, ni käre ree jiiŋŋø, ni käre moa many kwääye tïïö, opwöt ki pöödö mo dwøŋ.

Luk 23:34

'Ba Jecu aköö, ni «Wuuö, wëën geni. Kiper gïna tïïcge kucge.» Ni tïïge ki ŋïïce ki ri kwääk ki baw naa abïïk Jecu pääŋge.

Moa Tïïc Nyïïatwieli 22:4

Ni gëëma ki Jöör Lam manøgø, naa nääö ki jiy, naa töö ni kïtha geni øt twöc, ni beege cwøw ki mään bëët.

Moa Tïïc Nyïïatwieli 3:17

«'Ba kawaane, nyïïmera, ŋääa ni gïna tïïyu kar kaaca kuyu, keda mana kuyi ya kwääri mou thuwø.

Moa Tïïc Nyïïatwieli 8:3

'Ba Cøøl acooŋ Jwøk araanynye, ni duunye yïth uudi bëët ni maaŋŋa cwøw ki mään ni kïth geni øt twöc.

Moa Tïïc Nyïïatwieli 9:1

'Ba Cøøl cwïnye poot raac ni manynya man 'näk bääk Wuuö, ni ci baŋ Kwääy Lam Mana Dwøŋ,

Moa Tïïc Nyïïatwieli 9:13

'Ba adwøk Ananaya, ni kööe, ni «Kwäärö, gïï nyenøgø awïnynya dhøk jiy mo thööth, ni gïï mo thööth mo reyø døc ee tïïö dëët jiyï yi Jerucalem.

Moa Tïïc Nyïïatwieli 9:5

Ni kööe, ni «?Ïïna ŋa, Kwäärö?» Ni duu gø, ni «Aana Jecu ni gëëmï ki gøøni enø.

1 Körin 15:9

Kiper thiinhnha kara døc dï nyïïatwieli, naa patha orømø ki man cwøl aani ni nyïïatwiel, kiper aana gëëmö ka acooŋ Jwøk.

1 Körin 7:25

'Ba kawaane mar jøøa näk kär nyöömmö, bäŋ gïn mo okøp Wuue jïra. 'Ba a caana mara ni aana dhaanhø mo maar ka ŋääth ki køør met yi Wuuö.

Galeecia 1:13

Ni ŋäyu bëëtö mara dïkwøŋ na en ri lam jø Juuth, kaa mana gëëma ka acooŋ Jwøk ni raac døc kiree, naa manynya man raanynya gø.

Pilipay 3:6

Nee kiper tïïc mana tïïa ki cwïnya bäre, aana gëëmö ka acooŋ Jwøk. 'Ba ni näk mo beeye kiper bëënynyö man wø en køør Ciik Jwøk, bäŋ ajäla dëëra.

1 Timöthi 1:16

'Ba aana køny, a na näk wïth jø raay, kiper nee Jecu Krictø nee cwïnye na näk ee cïp piny ki kare bäre, nee nyoodhe ki raa, nee tïme na jöö jï jø wø jïëy ni ŋäätha eni kiper kwøw mana näk adïëri mo bäŋ cuŋŋe.

Ibaru 4:16

Kiper manøgønø, beerra man nyiigø buut wäl met ec ni yøø ŋäädhö, kiper nøø jïtø ki bäth ec, ni joodø met ec mano køny øøni kany wø cännø.

1 Piter 2:10

'Ba dïkwøŋ u patha jiy mo nyeŋŋu ŋäc, 'ba kawaane uuna tïmö ni uuna jic Jwøk. Ni dïkwøŋ bäŋ køny mo you joodø, 'ba kawaane uuna jïtö ki køny.