1 Timöthi 1:10 - Wëël Jwøk

¹⁰ Ni cïp kaper kääpe, ki cwøw mo wø døø rege ki niine, ki jø wø kwädö ki jiy, ki tööte, ki jø wø kööŋ ko oballe jaak, ki jø wø tïïc teeŋ gïï møøk bëët ni wø män ki pwöc ma adïëri,

1 Timöthi 1:10 Iomraidhean Croise

Wïlöölö 19:5

Ni cøørge Løøt, ni köge jïre, na «?Age jiy moa ö paarï wäär man en? Käl geni wøk baŋwa nee wa butwa ki ge.»

Wïlöölö 37:27

Ööu nø nee gadhø baŋ jø tuuŋ Icmiel, ni ba gudø gø ki ceŋŋø, kiper eni beeye owääø ni rem dëëtø aciel ki gø.» Køøre luummögø aleŋ nyïïmenni ki uutwänni.

Wïlöölö 40:15

Ka adïëri møn, aani a kwalla po jø Ibaru, ni bäŋ gïn mo raac mo yaa tïïö pööthi maa doo kïtha øt twöc kipere.»

Bwøth Wøk 20:7

«Kär nyeŋ Wuuö Jwøk na näk Jwøï cwølï jaak, kiper ŋat wø cwøl nyeŋ Wuuö Jwøk ki jaak ba doo wec Wuuö Jwøki ka ajäla.

Bwøth Wøk 21:16

«Ŋato kwal dhaanhø nee ŋeee wala joota cere jaak, ka adïëri møn, eni doo nääö.

Odheea 10:4

Geni, ge cäänö ki luup mo oballe jaak, ni tutge ki luup, ni kööŋge bäätge ki kööŋ mo bäŋ tiere; kiper manøgønø, bëët bäŋ adïëri marge wø tuula wøk kaamar luum mo ree da cïm mo tuy yi pwödhö mo opuurö.

Ciik Kiper Dïlämme 18:22

« ‹Kärï ci baŋ dïcwøø ni butï ki gø kaawat man wø ci baŋ dhaagø, kiper ena gïn mo ec raac ki gø.

Ciik Kiper Dïlämme 20:13

« ‹Ni näk mo da dhaanhø mo cøøa baŋ dïcwøø nee bute ki gø kaawat man wø ci baŋ dhaagø, ge karge riet gena tïïö ki gïn mo ec raac ki gø. Ka adïëri møn, ge wär put 'näk. Kwör remø marge ena bäätge keerge.

Dhekaraya 5:4

Aani na Wuuö Jwøk na en wïth jammi bëët, pïën manøgø jääŋŋa jääŋŋö wøk, ni døny yïth uudi mo kuuwe ki yïth uudi mo jø wø kööŋ ri nyeŋŋa jaak ki tööt, këël mano thöör wäär ni raanynya uudi mo jøøgø, ni put jenni ki kïte ränynyö moa geer uudi ki ge.»

Dhekaraya 8:17

Kär dee ŋat mo tudö ki luubö mo raac kiper wati, ni ba mëërru ki man kööŋŋu ki luup tööt. Kiper aani, japøge bëët beege jap wø mäna ki ge.» Luummögø caana Wuuö Jwøki.

Milkiya 3:5

Wuuö Jwøk, eni na wïth jammi bëët, aköö, ni «Aano ö baŋu kuna jääla uuni, ni puta mara caan dëët ajuuk ki jø luuy ki jø wø kööŋ ni marge tööt, ki jø wø møt gwet jø tïïc, ni wø thiel määr thuunhnhi ki kïïe piny, ki jø wø daaŋ luum wëëlle mo path ki jöö mo patha kare; ni beege jø wø ba lwäär ki aani thuwø.»

Jøøn 8:44

U käla ri wääu na näk anägö, nou manynya man tïïyu man wø many wääu. Eni, ena dïnääy këël ki kanya täge yie, ni bäŋ gïn manynye ra adïëri, kiper na bäŋe adïëri cwïnye. 'Ba kany wø caan tööt, eni caana gïr bëëtö mare, kiper na näk ena dïtwöt, ni beeye wää tööti.

Wëëlö Mana Göör Pøølli Baŋ Jø Röm 1:26

Kiper manøgønø, gena wec Jwøki ki man bëëtge ni cwïnyge onieŋ ri gïï wø lää wïci ki ge. Ni ö määrge ni wiilge bëëtö mana dege bëëdö ki gø, ni tïïge ki gïï mo ba doo maara tïïc.

Tiet Ciik 24:7

«'Ba ni näk mo da dhaanhø mo ŋat poge ee kwalø røk jø Icriel, ni tïïc gø kaamar laŋŋø wala ŋeewa gø ki dhaanhø mør, kuu manøgø noo maai, wär eni 'näk, nou raanynya gïna raac na en dïïu.

1 Timöthi 4:6

'Ba ni näk luupi ii peedhï nyïm nyïïmëëe, ï tïmö ni ïïna dïpööy mo beer jï Krictø Jecu, ni piidhï yïth luup ŋäädhe, ki pwöc mo beer mana caathï køøre.

1 Timöthi 6:3

'Ba ni näk da dhaanhø mo pöö ki teeŋ pwöc mør, ni ba jïëy ki luup moa näk adïëri mo Kwääyø ma Jecu Krictø, ki pwöc mana en jöör Jwøk,

2 Timöthi 1:13

Caath køør luum pwöc mana näk adïëri na wïnynyï baŋa, niï caatha køør ŋäädhe ki mëër na en ri Krictø Jecu.

2 Timöthi 4:3

Kiper da kany mo öö, kanyo ö jiyi noo ba manyge pwöc ma adïëri, 'ba dëëtge omäänyge ki dïpööye moo caan gïïo mïn yïthge ki ge, kiper ïthge na jel ki man wïnyge luup mo ŋweeth.

Tayta 1:13

'Ba luummögø beeye adïëri. Kiper manøgønø, jook geni ki luubö mo teek, nee putge jïëy na adïëri ni ŋääthge,

Tayta 1:9

Ni eni doo maga luumma näk adïëri keda mana pwönynyi ki gø, kiper nee tïme ni maara pöö ki pwöc ma adïëri, ni pïëme ki jø wø taak pwöc moe thuwø.

Ibaru 13:4

Beerra man tïm nywömmi na gïn mo owøørø jï jiy bëët, ni ba wëëk kar joot dëël mar nywöm ränynyö. Kiper kääpe ki jø lugi, marge oŋøl Jwøki wøk.

Juut 1:7

Kaawat manøgø thuwø, Cødam ki Gømöra ki mïëri moa en deŋge, jøøa cïp dëëtge køør käp ni ge kapa dëëtge na enønø thuwø, atïmö na nyuudhi ki køør mana jääl geni ki maaa näk bäŋ cuŋŋe.

Mana Nyooth 18:13

ki wïth jer wø kïth yi kadø, ki gïï wø jïcge ŋwääi ni met, ki teeŋ mädhi mo wø ŋwääi ni met, ki kwøk nyïïomøki, ki mädhi, ki muunni ma twaye, ki beel, ki dhäk, ki dïëk, ko okwëënyi, ki jïëthe mo wø tut okwëënyi, ki laaŋe, këël jwïëc jiy.

Mana Nyooth 21:27

Ni bäŋe gïn mo raac mo døny yie, wala ŋat mo tïïya gïï mo määnö wala twöt. 'Ba beege jøøa näk nyeŋge ogöör yi Wëël Kwøw mar Nyidiel keerge noo ci yie.

Mana Nyooth 21:8

'Ba mar jøøa lwäyö, ki jøøa näk kär jïëy, ki jøøa näk ocienø, ki dïnäk jiy, ki jø käp, ki jø thïëth, ki jø wø lam juu møøk, ki tööte bëët, marge beeye ciin yi naamo liel ki maa näk jïye keec ni lïëth døc, na näk beeye thøw oen cään.»

Mana Nyooth 22:15

'Ba guu, ki jø thïëth, ki kääpe, ki dïnäk jiy, ki jø wø lam juu møøk, ki jø wø mëër ki caan tööt oen wøk.