1 Piter 5:3 - Wëël Jwøk

³ Ni ba tïmu ni uuna kwääri bäät jøø ni en ceŋŋu yøø, 'ba bëëdu ni uuna jiy ma wøpe nee bëëtö maru ŋwaal pïïthi.

1 Piter 5:3 Iomraidhean Croise

Edhikiel 34:4

Uuni, moa näk oööl käru wëëk tëënnö, ni käru moa tuu kønyø, ni käru ŋwiili moa en dëëtge bääö, ni käru moa no okeethø cooŋø, ni käru moa no orwäänyö manynyø, 'ba ge kääru ka teek ni ge you caannø.

Mikiya 7:14

Wui Wuuö Jwøk, kwaac jiyï na alaŋkaanynyï ena cerï, man wø koorï geni ki gø, ni beege na thöögï na caal pïïth dïëk moï, geni ni wø bëëdö kur keerge kany mo yie da jenni, mo ŋöömö mana en deŋŋe ciek ki caammi. Beerra man kïthï geni Baacan ki Gelät, nee ge bëëtge ni ge cama caammi mo wø ciek kwöröke, kaawat mana bëëde yïth nïra cääŋŋe cøøn.

Kwään Jiy 18:7

Ni ö ïïni ki wäätï ni tïïyu tïï dïlämme na näk tïïc maru, këël gïï wø manynyi kiper gïn wø cïp olämme bääte, ki tïï kanya en kur keere na pere leth na näk ogëëŋö ka abïï. Tïïe moøgø bëët otïïyu. Tïï dïlämme acïba jïïu na muuy; 'ba noo näk da dhaanhø mør jaak mo nyänhnha buut oduŋkaara, wala manynya tïïc mana en yie nee tïïe, wär eni 'näk.»

Jøøn 13:15

Kiper man beeye nyuudhi mana cïba jïïu, nee tïïyu thuwø kaawat mana tïïa gø jïïu.

Moa Tïïc Nyïïatwieli 20:28

'Ba kawaane gwøgu rou, ni gwøgu pïïth bäre, pïïdha cïp Jwïëc Jwøki na en kur keere ceŋŋu ni uuna dïkuye, na acooŋ Jwøk na joode ki køør remme caammu.

1 Körin 11:11

'Ba këël na näk enøgønø, ki kur Wuuö, doo bäŋ dhaagø onää bäŋ dïcwøø, ni doo bäŋ dïcwøø onää bäŋ dhaagø.

1 Körin 3:5

?Aŋø, Apøla aŋa? ?Ni Pøøl aŋa? Waana jø tïïc ni beege jøøa jïëyu ni ŋäädhu ki køørge, kaawat mana ö Wuue na pääŋ tïïe jï ŋati man nø.

1 Körin 3:9

Kiper waana jø tïïc bëët na aciel jï Jwøk, ni nägu pwöth Jwøk, ni uuna øtø mar Jwøk.

2 Körin 1:24

Ni patha ni ŋäädhe maru bëënna waani, 'ba marwa tïïc ki uuni na aciel nee yïthu mïnge, kiper u cuŋŋi nou teek ki ri ŋäädhe maru.

2 Körin 4:5

Kiper wa ba køp dëëtwa, 'ba wa køpa gø ni Jecu Krictø beeye Kwäärö, ni waani ki dëëtwa waana laaŋe mou kiper nyeŋ Krictø.

Tiet Ciik 32:9

Kiper kure, eni na Wuuö Jwøk, beege jiye ma jø Icriel, ni beege geni na nyïïkwaac Jeekap na dööŋ jïre na moe.

Pilipay 3:17

Nyïïmera, ŋwaallu mara, u bëët. Ni neetu jø wø bëëdö ki teeŋ bëëtö mana jootu baŋwa.

Pilipay 4:9

'Ba tïïyu gïna kwanynyu, ki gïna jootu, ki gïna wïnynyu, ki gïna neennu baŋa. 'Ba Jwø wø cïp bëët-mëër, obëëdö ki uuni.

1 Thecalönika 1:7

Ni tïmu ni uuna nyuudhi jï jøøa näk ojïëy bëët yi Macedönia ki ya Akeea.

2 Thecalönika 3:9

Ni manøgø kärwa tïïö ni ba beer ki mana dewa pëëö, 'ba wa nyootha jöö mar bëëtö marwa nee ŋwaallu.

1 Timöthi 4:12

Ni bäŋe ŋat jøøŋ ïïni kiper thïnhö marï, 'ba tïmï ni ïïna jöö jï jøøa näk ojïëy ki yïth luup moï, ki bëëtö marï, ki mëër marï, ki ŋäädhe marï, niï ciil ki raay bëët.

Tayta 2:7

Ni nyoothï riï ki yïth jammi bëët, nee bëëtö mana beer kwanyge ki køørï. 'Ba kany wø pööï, pööï ki dwøl aciel, na pwöc mo bäŋ tuuk ree,

1 Piter 2:9

'Ba uuni, uuna jiy mo ojierø, ni nägu dïlämme mo tuuŋ kwär, na jiy mo ena kur keerge, na jic Jwøk kiree, kiper nee moa beyø na tïïc ŋata cwöl uuni wøk ki yi muudhö ni kïth uuni yi taye na beer døc, nee køpu.