1 Piter 3:3 - Wëël Jwøk

³ 'Ba wøp maru kär näk wøp dwøc wïc, ki käär warkey, ki røc abïïe, gïï wø en wøk dëër dhaanhø.

1 Piter 3:3 Iomraidhean Croise

Wïlöölö 24:22

'Ba kanya løny athïrööle ki maath pïï, ŋatøgø akän wøk ki gwel warkey mo peek mare thääŋ rumi, ni kän wøk thuwø ko oguudi ariiø mo warkey mo peek marge jïtö ki rumme apaar, kiper nee kïth ceŋŋe.

Wïlöölö 24:47

«Køøre ena pëënynya, ni kööa, ni ‹?Ïïna nyi ŋa?› «Ni kööe, ni ‹Aana nyi Batuël o Neeyör na nywøle ki cïïe ma Milka.› «Kanyøgø gwelø aputa kïth ume ni kïtha oguudi ceŋŋe,

Wïlöölö 24:53

Køøre ena kän wøk ki jap warkey ka abïïe ni wëëk ge Rebëëka. Ni mooc mii Rebëëka thuwø ki coki ki jammi mo perge leth.

2 Nyeye 9:30

'Ba kanya pïïc Jiyu Jedhriel, gïre awïny Jedhebelli, ni ö Jedhebelli ni rwøth nyeŋŋe ki gïn wø rwøth nyeŋ ki gø, ni tïïc wïïe ni mïërö, ni räŋŋe ki dha awëërnyeŋ.

Acther 5:1

'Ba kanya tïme na ri dää nïne, Acther abïïe mo gwac arøø dëëre ni døny yi kal mar øt nyeya ni cuŋŋe ni dïët ki dhi øtø man wø bëët wälu yie. 'Ba nyeya opï piny bäät wälu mare ni dïët ki dhi øtø.

Bwøth Wøk 3:22

Kiper dhaagø man nø ŋat atut mare, wala dhaaŋŋa bëëtge ki gø na aciel yi øtø mare, di pëënynyö kiper jap warkey, ki jap gwel-bïrö, ka abïïe, ni kïthu ge dëët wäätu ki nyïïu, ni putu jø Ijep twier.»

Bwøth Wøk 32:2

Ni kö Aranni jïge, ni «Tøyu gwet ïdhi mo warkey na en ïth määru ki wäätu ki nyïïu, ni kälu geni baŋa.»

Bwøth Wøk 33:4

'Ba kanya ö jiyi na wïnyge luup moøgø na reyø yøø, cwïnyge apädhö døc, ni bäŋe dhaanhø dïge mo jap mïërö moe ee kïth dëëre.

Bwøth Wøk 35:22

Køøre jiy bëët moa yïthge met ki man cïpge ki muuce ki cwïnyge bäre, ni beege cwøw ki mään bëët, gena put cïpö ki jammi moa näk tïïc ka warkey, ni beege warkey mo cwägi, ki gwet ïdhi, ki gwet lweedi, ko oguudi mo ceŋ; ni ö jøøgø bëët ni cïpge muuce mo warkey moøgø jï Wuuö Jwøk.

Bwøth Wøk 38:8

Køøre Bacaliil gïr lwøk mo caala thecet ki gïre man wø cïbi bäät gø atïïe ki nywïënyö ma jwïël mana näk cïläälcae mo wø neen dëël ki ge mo määr wø tïïö dho oduŋkaany røømmø mana dïkwøŋ.

Aydheea 52:1

Wui Dhayan, päyï, päyï nø, ni røøï teek marï dëërï! Wui Jerucalem, ï na päänya en kur keere, røø abïïgï dëërï moa beyø; kiper jøøa näk kär daŋø ki jøøa näk ba waany, ge ba duny yiï këët.

Aydheea 61:10

Aani yia amïnnö døc ki ri Wuuö Jwøk, jwïëya ajïtö ki met ec ri Jwøk mara; kiper pïëm man wø piem jiy ki gø, ki bëënynyö arøø dëëra kaamar abïï, ni tïma kaamar cø dhaagø thiinh mo wïïe ee kïthö ki jap mïërö, naa caala dhaagø thiinh mo dëëre ee jiiŋŋø ni mïërö ki nyeŋ tii mo perge leth.

Jeremaya 2:32

?Aŋø, nyakøø wïïe wø wïl ki jap mïërö moe? ?A dhaagø thiinh wïïe wø wïl ka abïïk nywöm moe? 'Ba jiya wïthge awïl ki aani ki nïne mo thööth mo ba kwaan.

Jeremaya 4:30

?A ïïni nø, ï na Jerucalem na no oränynyö, agïnaŋø noo tïïyï? Këël na røyï abïï kït, ni døøyï dëërï mo mïërö ki warkey, ni rwøthï buny nyeŋŋï, ï døøya dëërï mo mïërö ki jaak. Cwøw mo wø many ïïni, ïïna kwierge, ni tïmge ni ge manynya man 'näkge ïïni.

Edhikiel 23:40

«Geni thuwø ge jääga baŋ jiy mo kwörge bäyö nee öge. 'Ba kanyo ö jøøgø, dëëtge putge ka lwøk kiper jøøgø, ni rwøthge nyeŋge, ni kïthge dëëtge ki jap mïërö.

Wëëlö Mana Göör Pøølli Baŋ Jø Röm 12:2

Käru bëëdö nou caala jø pinyi en këët, 'ba tïmu nou nyärö ki køør mana døøc cwïnynyu mo nyärö, kiper nee mana many Jwøki nee ŋäyu døøc, ki gïn mo beer ma kare man wø jïëc Jwøki.

1 Piter 3:2

kiper mana neenge bëëtö maru ni beer nou lwäär.