1 Piter 1:3 - Wëël Jwøk

³ Pwøc en jï Jwøk, eni na Wää Kwääyø ma Jecu Krictø; kiper beeye ki køør met yie na dwøŋ na cäŋ ø nywøllø ni ø nyärö, ni jït cwïnynyø ki ŋäädhe mo kwøw ki køør duun Jecu Krictø wøk ki yi thøø.

1 Piter 1:3 Iomraidhean Croise

1 Nyeye 8:15

Ni kööe, ni «Pwøc en jï Wuuö Jwøk, Jwø Icriel, na cäänö ki dhee jï wära ma Deebit, ni put gïna caane wëëk thur kare, ni kööe,

1 Luup Nyeye 29:20

Køøre Deebit aköö jï jø acooŋa bëët, ni «Ennø, pwøyu Wuuö Jwøk, eni na Jwøk maru.» Kanyøgø jø acooŋa bëët Wuuö Jwøk, Jwø kwäcge, aputge pwøc, ni këëlge cøŋge piny ni wøørge Wuuö Jwøk ki nyeya.

2 Luup Nyeye 31:8

'Ba kanya ö Edhekaya ki kwääri moa en tiere na jootge athwöe mo jammi moøgø, Wuuö Jwøk apwøcge ki jiye ma jø Icriel.

Bwøth Wøk 34:6

Køøre eni na Wuuö Jwøk apöödhö ki nyïm Modhe, ni cäänö, ni «Beeye aani na Wuuö Jwøk, Jwøa näk yie bäth ni wø nyooth met ec mare jï jiy, ni wø ba laar wëër, ni mëëye ni wø ba jøøl päl, na adïëri mare okadhø;

Aydheea 26:19

Jiy moï moa thøw geno cäŋ kwøwø, ni ö rïŋ dëëtge ni cäŋge ö maal. Wui, u na näk obutö yïth bwör, päyu ni ööu maal ni kwöŋŋu ki met ec. Kiper Wuuö Jwøk jiy moa no othøw wëëge kwøw, kaa man wø ö thööy wø jwøc bäät piny ka amöölla.

Joona 4:2

Ni läme jï Wuuö Jwøk ni kööe, «?Wui Wuuö Jwøk, aŋø, manøgø patha gïna caana kanya pooda naa ena powa? Beeye tiere na reŋŋa Tarcëc, kiper ŋääa ni ïïna Jwø wø nyooth met ec, ni ïïna Jwø mëër, niï bäŋ wø laar wëër, ni mëër marï päl ni ba jøøl, ni cwïnyï wø warï warø ki gïn mo leth.

Jøøn 1:13

Ni jøøgøøni atïmö na nyïï Jwøk kiper mana tïïc Jwøki ki dëëre, ni paa kiper na nywøl ge na tuuŋ, wala kiper mana cac dëër dhaanhe, wala kiper mana caar dhaanhe nee tïïe ee keere.

Wëëlö Mana Göör Pøølli Baŋ Jø Röm 12:12

'Ba yïthu mïnge ki ri ŋäädhe maru, ni cïbu cwïnynyu piny ki gïïo leth ni wø pïï dëëtu, ni lämu cooth.

Wëëlö Mana Göör Pøølli Baŋ Jø Röm 15:13

'Ba Jwøk ni wø cïp ŋäädhe, cwïnynyu opääŋe ki met ec mo päl ki mëër ki køør mana jïëyu, kiper nee ŋäädhe maru pälle ki køør teek Jwïëc Jwøk na en kur keere.

Wëëlö Mana Göör Pøølli Baŋ Jø Röm 4:25

ŋata wëëk thøø kiper moa dhalø, ni cäŋi tïŋ maal kiper nøø jïëc ni marø beer.

Wëëlö Mana Göör Pøølli Baŋ Jø Röm 5:10

Kiper ni näk kanya poodø ni øøna jø män, øøno cäŋ dwøk kanya ciel ki Jwøk ki køør thøw Wääde, ?a kawaane nø, na cäŋø døø kanya ciel, a teeŋ pïëm mo nyïëdi noo piem øøni ki gø ki køør kwøwe?

Wëëlö Mana Göör Pøølli Baŋ Jø Röm 8:11

'Ba ni näk Jwïëc ŋata tïŋ Jecu maal ki yi thøø bëëdö cwïnynyu, ŋata tïŋ Krictø Jecu maal ki yi thøø, dëëtu ni bëën thøø enø ocäŋ wëëk kwøw thuwø ki køør Jwïëye ni bëëdö cwïnynyu enø.

Wëëlö Mana Göör Pøølli Baŋ Jø Röm 8:24

Kiper beeye ŋääthögø na piem øøni ki køøre. 'Ba gïn mo nëënö ni ŋäädhi, manøgø patha ŋäädhe. ?Aŋa wø ŋääth gïn mo ee nø neen?

1 Körin 13:13

'Ba kawaane, ŋäädhe, ki ŋäädhe mar nyïm, ki mëër, gïï na adäk ii, bëëdö ni nut. 'Ba mana dwøŋŋa eni dï gïïögø beeye mëër.

1 Körin 15:20

'Ba ka adïëri møn Krictø atïŋ maal ki yi thøø, ni beeye ŋata bwödhö ki duun wøk ki yi thøø dï jøøa näk othøw.

2 Körin 1:3

Pwøc en jï Jwøk na näk Wää Kwääyø ma Jecu Krictø, na näk Uun køny, eni na Jwø wø cøm cwïny jiy bëët,

Galeecia 6:16

Bëët-mëër ki met ec obëëdö bäät jø wø bëën luummi en, na näk jø Icriel moa näk adïëri mo Jwøk.

Epeca 1:17

nee Jwøk na näk Jwø Kwääyø ma Jecu Krictø, ni näk Uun ajiem, nee u mooe ki wïdhi mo leer, ki cwïny mou wëëge ka ŋäc eni,

Epeca 1:3

Pwøc en ri Jwøk na näk Wää Kwääyø ma Jecu Krictø, ŋata gwïëth øøni dëër Krictø, ki gwëëthe bëët mo Jwïëc Jwøk mo wø en maal,

Epeca 1:7

Ni beeye ki køøre na wïïl øøni wøk ki køør remme, ni wec moa dhalø ki met yie na dwøŋ

Epeca 2:4

'Ba Jwøk ni wø kunyö døc, këël na bëëdø ni øøno thøw ki køør gïïa dhalø, øøna døøc mo kwøw ki Krictø na aciel ki køør mëër mare na päl na mëëre ki øøni. Kiper beeye met yi Jwøk na piem uuni.

Epeca 3:20

Pwøc en jïre, eni ni wø løny jïre ki man tïïc gïï mo kaala gïï wø pëënynyø wala gïï wø caarø, ki køør teege ni wø tïïö cwïnynyø.

Köløcia 1:23

ni näk mou puta bëëtö ri ŋäädhe man nou ba dääŋi, ni putu bëëtö nou teek, ni ba weyu gïna ŋääthu ri luumma nyään na met na wïnynyu. Ni luummögø beeye mana køp jï moa näk ocwääö bëët dï piny bäre, ni put aani tïïc ni aana ŋat tïï gø, a na Pøøl en.

Köløcia 1:27

'Ba gïna nyooth Jwøki jïge ki met yie, beeye ni moa beyø døc na näk rege da ajiem, na en ri luumma näk tiere okwøŋ kan, awëëk pällö dï juurre; ni luummögø beeye ni Krictø ena cwïnynyu, ŋata näk gïïa beyø na en nyïm ŋääth ka ree.

1 Thecalönika 1:3

Ni wa lääŋŋa tïïc maru nyïm Jwøø na näk Wääø, ni wø tïïyu ki køør ŋäädhe, ni uuno ööl ki køør mëër, nou bëëdö ni dëëtu you maaø ri ŋäädhe mana ŋääthu Kwääyø ma Jecu Krictø.

1 Thecalönika 4:13

'Ba nyïïmera, wa ba many man kuyu gïno tägi kiper jøøa thøw, kiper nou ba kïmmu, kaamar jø møga moa näk jïge bäŋ ŋäädhe mar nyïm.

2 Thecalönika 2:16

'Ba kawaane, Kwääyø ma Jecu Krictø ki dëëre, ki Jwøk na näk Wääø, ŋata mëër ki øøni, na mooc øøni ki cøm cwïny mo bäŋ cuŋŋe, ki ŋäädhe ma wøp mar nyïm ki køør met yie,

1 Timöthi 1:14

Ni ö met eci mar Kwääyø ni tïme ni päl bääta, ki ŋäädhe ki mëër na en jï Krictø Jecu.

Tayta 2:13

kany poodø ni ø koora kanyo gwïëth øøni na ŋäädhø, noo nëën ajiem Jwøø na dwøŋ, ni beeye Pïëmi ma Jecu Krictø,

Ibaru 3:6

'Ba Krictø Øt Jwøk agwøe ni ena wäädö. 'Ba beeye øøni na øde, ni näk mo ø puta bëëtö ni cwïnynyø yøø maa ki mana jïëø ki gø, ni ø jeemma ŋäädhe marø.

Jeemeth 1:18

Ni beeye ki køør mana manynye ki wïïe keere na cwääc øøni ki køør luum adïëri nøø tïmø ni ø caala thwöth beel ri moa cwääe.

1 Piter 1:13

Kiper manøgønø, caarru wïthu døøc ni magu wïthu, ni ŋääthu met ec ki cwïnynyu bäre, mano jootu yi cäŋo nyooth Jecu Krictø yie.

1 Piter 1:21

'Ba beeye ki køøre na tïmu nou ŋäätha Jwøk, eni na duu Krictø wøk ki yi thøø, ni mooc gø ka ajiem. Kiper manøgønø, jïëy maru ki ŋäädhe maru ena ri Jwøk.

1 Piter 1:23

Kiper uuna cäŋ nywøllø nou nyärö, nou ba nywöli ka ri kunh wø ränynyi, 'ba u nywöli ka ri kunh wø ba maar ränynyö, ki køør luum Jwøk na kwøw ni wø bëëdö na bäre bäre.

1 Piter 2:2

Ni tïmu kaamar obwöre mo marr, nou manynya caak, ni beeye caak mana näk luum Jwøk na näk bäŋ gïn mo raac yie, nou døøŋŋu ki gø ki ri pïëm mana piem uuni ki gø,

1 Piter 3:15

'Ba wøørru Krictø ki cwïnynyu, ni beeye Kwäärö. 'Ba cooth bëëdu ni dëëtu you jiiø ki man dwøgu luubö jï ŋat wäro pëëny uuni kiper ŋäädhe manø ni en cwïnynyu enø. 'Ba wär dwøgu jïre nou mwöl ni you wøørø.

1 Piter 3:21

'Ba lwøk na nyuudhi ni caal gïnögø, piema uuni kawaane, ni paa kiper man wø käl cïlö wøk dëël, 'ba beeye kwac nyïm Jwøk ki cwïny mo leer, ki køør duun Jecu Krictø wøk ki yi thøø,

1 Piter 3:5

Kiper ya acääŋŋe määra en kur keerge na wara ŋääth Jwøk, dëëtge atïïcge ni mïërö na enøgønø, ni leŋge luup cwøwge,

1 Jøøn 2:29

Ni näk ŋäyu ni mare beer, dou ŋääö ni jiy bëët mo wø tïïc gïno beer, nywøla eni.

1 Jøøn 3:3

'Ba jiy bëët mo wø ŋääth eni na enønø, dëëtge wø døøcge mo ciil ki raay, kaawat mare na ciil.

1 Jøøn 3:9

Ni bäŋe ŋat mo onywøl Jwøki mo bëëdö ni bääö, kiper bëët Jwøk ena cwïnye, ni eni ba maar bëëdö ni bääö kiper mana nywøli ya Jwøki.

1 Jøøn 4:7

Omëëya, beerra man mëërø ki røgø, kiper mëër a mar Jwøk. Ni ŋat wø mëër nywøla Jwøki ni ŋäc Jwøk.

1 Jøøn 5:1

Jiy bëët mo wø jïëy ni Jecu beeye Krictø, gena nyïï Jwøk, ni jiy bëët mo wø mëër ki wuuö, ge mëër ki nyey thuwø.

1 Jøøn 5:18

Ni ŋääø ni ŋat mo onywøl Jwøki bäŋ wø bëëdö ni bääö, kiper mano gwøgi ya O Jwøki, ni ba guti ya ŋata raaci.

1 Jøøn 5:4

Kiper ŋat wø näk nywøla Jwøki, piny wø bööte böötö. 'Ba gïn wø bööt piny ki gø beeye ŋäädhe marø.