1 Piter 1:2 - Wëël Jwøk

² u na näk ojier Jwøki na näk Wuuö, nou ee miiø, ni cïp uuni kur keeru ki køør Jwïëc Jwøk, nou bëëdu nou leŋa luup Jecu Krictø, ni jør uuni ki remme. Met ec ki bëët-mëër pälle bäätu.

1 Piter 1:2 Iomraidhean Croise

Aydheea 55:7

Beerra man ö ŋata raaci ni wec jöö mare, ni ö ŋata näk bëëtö mare ba tiir ni tiir acaara mare; beerra man ö eni ni duu baŋ Wuuö Jwøk, Wuuö Jwøk bäth ec mare onyoodhe jïgø; beerra man ö eni ni duu baŋ Jwøk marø, kiper Wuuö Jwøk wëënnö mare dwøŋ.

Aydheea 65:22

'Ba uudi moo geerge ba beet jø møøki, ni nyïïjenni moo piithge ba cam jø møøki. Kiper cwiiri mo jiya otïmö ni thööth kaamar cwiic jaath, ni ö jiya na näk yaa jierø ni mïn yïthge ki gïïa tïïcge ki ceŋge.

Aydheea 65:9

'Ba aani, a kännö ki jiy ki røk nyïïkwaac Jeekap ki røk nyïïkwaac Juuda, nee ŋöömö mara na en bäät kïte nee cïba jïge na marge, nee ge na jiya na näk yaa jierø nee ge bëëtge yie, ni tïm kaace na kar bëëtö marge.

Daniel 4:1

Aani na nyeya ma Nabukedenecör, man beeye dwøra kiper wïth jiy, ki wïth juurre, ki wïth dhøgi, jø wø bëëdö bäät piny bäre: Bëët-mëër opälli jïïu.

Daniel 6:25

Køøre nyeya ma Dariöc aput gööt baŋ wïth jiy ki wïth juurre, ki wïth dhøgi, jø wø bëëdö yi ŋöömö bëët, ni kööe, «Bëët-mëër opälli jïïu!

Ciik Kiper Dïlämme 1:5

Køøre eni rwaath manøgø wär ŋaale nyïm Wuuö Jwøk, ni ö dïlämme, wäät Aran, ni lwørge remø ni kønyge gø dëët bööp gïn wø cïp olämme bääte mana en dho oduŋkaany røømmø.

Mathiew 24:22

'Ba doo na nïrögø kär tïïö ni nøk, doo bäŋ dhaanhø mo doo piemø. 'Ba kiper jøøa no ojierø, nïrögø otïïc ni nøk kiperge.

Mathiew 24:24

Kiper Kricte mo patha adïëri ki nyïïkuk Jwøk mo patha adïëri, rege othïïŋge ni tïïge ki ŋïïce mo døøŋŋø ki gïï mo rëëma ec, nee wïth jiy maaŋge; këël wïth jøøa näk ojierø maaŋge maaŋŋø thuwø ni näk mo løny jïge.

Mathiew 24:31

Ni jääŋ nyïïatwiet maal moe ni da tuuŋ mo dwøre dwøŋ mo di koodhø, ni cooŋge jiye moa näk ee jierø, ni kälge ka wïth tuk piny karge ŋweeni, ni beeye bäät piny bäre.

Maak 13:20

'Ba onää Wuuö nïrögø käre døøc mo nøk, doo bäŋ dhaanhø mo doo piemø. 'Ba nïrögø adøøc mo nøk kiper jøøa miek na näk ee jierø.

Maak 13:22

Kiper Kricte mo patha adïëri ki nyïïkuk Jwøk mo patha adïëri, rege othïïŋge ni tïïge ki ŋïïce ki gïï mo rëëma ec ni maaŋge wïth jøøa näk ojierø ni näk mo løny jïge.

Maak 13:27

'Ba kanyøgønø, nyïïatwiet maal ojääŋŋe, ni cooŋ jiye moa näk ee jierø ni käle ka wïth tuk piny karge ŋweeni, ni ge cuuŋe ka yi piny bäre këël yi maalø bäre.

Luk 18:7

?A Jwøk nø, jiye na jiere ba ŋunne, jø wø jwöŋi ïthe ki wärre ki cääŋŋe? ?Dëëre gaale gaalø ki gïrge?

Moa Tïïc Nyïïatwieli 15:18

Luupögø caana Wuuö Jwøki, ŋata døøc jammi bëët mo ŋäc cøøn.›

Moa Tïïc Nyïïatwieli 2:23

Jecu manøgø acïp ceŋŋu keda mana kwøŋi ya Jwøki cooŋ ki cwïnye ni ŋääe cøøn, 'ba acïbu ceŋ jøøa kuc ciik Jwøk, ni guru gø bäät jaadha no odëëdö, ni 'nägu gø.

Moa Tïïc Nyïïatwieli 20:32

'Ba kawaane, uuna wiia cer Jwøk, ki luum met ec mare, ni beeye noo wëëk u tëënnö, ni mëëk olaawi uuni na aciel ki jøøa näk ocïp kur keerge bëët na mo Jwøk.

Wëëlö Mana Göör Pøølli Baŋ Jø Röm 1:5

ŋata jïtwa ki met ec ki køøre ki twiel man tïïcwa jiy nee jïëcge ni ŋääthge, nee nyeŋŋe tïme ni wïnyö dï juurre bëët,

Wëëlö Mana Göör Pøølli Baŋ Jø Röm 1:7

Uuni bëët na mëër Jwøki ki u yi Röm, a göönna baŋu, u na no ocwølø nou tïmu na jø Jwøk. Met ec bëëde bäätu ki bëët-mëër man wø ööi ki baŋ Jwøk na näk Wääø, ki Kwäärö ma Jecu Krictø.

Wëëlö Mana Göör Pøølli Baŋ Jø Röm 11:2

Jwøk jiye käre kwierø, jøøa kwøŋ ŋäc cøøn. ?Aŋø, gïn wø caan Wëël Jwøki kiper Ilaaja kuyu, kanya dwaalle nyïm Jwøk kiper gïna tïïc jø Icrielli?

Wëëlö Mana Göör Pøølli Baŋ Jø Röm 11:28

'Ba ki kur luumma nyään na met, jø Icriel atïmö na nyïïmän Jwøk, kiper nee luumma nyään ni met ci jïïu, u na juurre; 'ba ki kur jïër mare, gena omëëye ki køør kwäcge.

Wëëlö Mana Göör Pøølli Baŋ Jø Röm 15:16

naa tïma naa tïnynya Krictø Jecu jï juurre, naa lama tier luumma nyään na met mar Jwøk, kiper nee juurre cïp na jëëdhi man wø jïëc Jwøki, ni wø en kur keere ki køør Jwïëc Jwøk na en kur keere.

Wëëlö Mana Göör Pøølli Baŋ Jø Röm 16:19

Teeŋ ka man bëët mwölli maru ni ŋäc jø bëëti ni mïn yia ki maru, a doo manynya man bëëdu thuwø ni wïthu leer ki man laaru gïno beer ŋäc, ni kuyu raay.

Wëëlö Mana Göör Pøølli Baŋ Jø Röm 16:26

na nyooth kawaane ni tïïi ni ŋäc wïth juurre bëët ki køør luup moa näk ogöör nyïïkuk Jwøki, ki køør dwør Jwøk ni wø bëëdö na bäre bäre, kiper nee wïth juurre wëëk jïëy ni ŋääthge.

Wëëlö Mana Göör Pøølli Baŋ Jø Röm 8:13

Kiper ni näk mou bëëdö nou tïïya gïï wø cac dëëlli, u thøw. 'Ba ni näk tïïe mo dëël you wëëk thøø ki køør Jwïëc Jwøk, uuno kwøw.

Wëëlö Mana Göör Pøølli Baŋ Jø Röm 8:33

?Aŋa noo känni ki luubö mo raac bäät jøøa jier Jwøki? Kiper beeye Jwøk wø jïëc dhaanhø ni mare beer.

1 Körin 1:30

Ni beeye eni na kïth uuni dëër Krictø Jecu, ŋata tïïc Jwøki na leec wïc marø, na näk ŋata jïëc ø kipere, ni cïp ø kur keerø na mo Jwøk, na wïïl ø wøk.

1 Körin 6:11

'Ba teeŋ bëëtö manøgø beeye bëët jø møøk dïïu na poode. 'Ba uuna lwøk, ni cïp uuni kur keeru, ni uuno jïëö ni maru beer ki nyeŋ Kwäärö ma Jecu Krictø, ki ri Jwïëc Jwøø.

2 Körin 10:5

Wa wø nyaga pïëm, ki jammi bëët mo wø thïïŋ røkge ka atöör ni ge gëëŋa jöör Jwøk ki man ŋääi. Ni peecwa acaare bëët nee dwør Krictø leŋge.

2 Körin 13:14

'Ba met yi Kwäärö ma Jecu Krictø, ki mëëc Jwøk, ki dwätö mar Jwïëc Jwøk na en kur keere en bäätu bëët.

Tiet Ciik 7:6

Gïïögø bëët dou tïïö kiper uuna jiy mo ena kur keerge jï Wuuö Jwøk na näk Jwøu. Wuuö Jwøk na näk Jwøu uuna jiere nou tïmu ni uuna thööge dï jiy bëët moa en bäät piny.

Köløcia 3:12

Kiper manøgønø, kaawat mana ö Jwøki na jier uuni, nou ena kur keeru na mo Jwøk ni uuno omëëye, bëëdu ni cwïnynyu jööt, ni yïthu bäth, nou mwöl, ni bäŋ atöör, ni cwïnynyu you cïp piny.

2 Thecalönika 2:13

'Ba nyïïmera, u na mëër Wuue ki uuni, met ec marwa ba maarwa wec ki man dwøkwa gø jï Jwøk cooth kiperu. Kiper u jiera Jwøki cøøn wïlöölö nou pieme, kaawat mana tïïc uuni nou ena kur keeru ki køør Jwïëc Jwøk, ni ŋääthu gïna näk adïëri.

2 Timöthi 2:10

Kiper manøgønø, cwïnya yaa maa ki yïth jammi bëët kiper jø Jwøk, nee pïëm man piem geni ki gø na en ri Krictø Jecu jootge thuwø, ni beeye pïëm man wø cäädhi ka ajiema näk adïëri na näk bäŋ cuŋŋe.

Tayta 1:1

Aana Pøøl na laŋ Jwøk ni näga nyïïatwiel mar Jecu Krictø, kiper nee ŋäädhe mar jøøa jier Jwøki nee cääth nyïm, ki moa dege ŋääö ra adïëri ni wø kïth jiy jöör Jwøk,

Ibaru 10:22

beerra man nyiigø kany mo cään ki cwïny ma adïëri, ni ŋäädhe päl cwïnynyø, ni cwïnynyø ojørø ni leer, ni bäŋ raay mo pär cwïnynyø ki ge, ni dëëtø olwøø ki pïï mo tøŋ.

Ibaru 11:28

Ni beeye ŋäädhe, na ö Modhe na gwøk Cäŋa Pööth Thøøe Yie, ni jør rem, kiper nee ŋata ö kuna 'näk kaai nee kaai mo jø Icriel ba gude.

Ibaru 12:24

ki baŋ Jecu na näk nyïjöö mar luumma nyään na tuut, ki baŋ remma jør, na näk meta dwøre ki dwør rem Eebel.

Ibaru 5:9

'Ba ki køør mana tïïi no othur kare, ena tïmö na tier pïëm man piem jiy ki gø mana näk adïëri na bäŋ cuŋŋe jï jø wø leŋ dwøre bëët,

1 Piter 1:14

Bëëdu ni uuno obwöre ma dïlïŋ luup, ni ba tïmu nou caatha køør gïïa reyø na nieŋ cwïnynyu køørge kanya poode ni bäŋ gïn ŋäyu.

1 Piter 1:19

'Ba u wiil ka rem Krictø na näk pere leth, na caal rem nyidiel mo bäŋ kany mo jøøŋŋi dëëre, wala kïdö mo raac.

1 Piter 1:20

Ni eno miiø kanya poode ni piny poot kär cwääö. 'Ba ena nyooth kiperu ya aŋuun nïne.

1 Piter 1:22

'Ba na tïme ni cwïnynyu you døøc mo tar kiper mana leŋŋu adïëri ni jït cwïnynyu ki mëëc nyïïmëëe ma adïëri, putu bëëtö nou mëër ki røgu ki cwïnynyu bäre.

1 Piter 2:9

'Ba uuni, uuna jiy mo ojierø, ni nägu dïlämme mo tuuŋ kwär, na jiy mo ena kur keerge, na jic Jwøk kiree, kiper nee moa beyø na tïïc ŋata cwöl uuni wøk ki yi muudhö ni kïth uuni yi taye na beer døc, nee køpu.

2 Piter 1:2

Met ec ki bëët-mëër bëëde ni päl bäätu ki man ŋäyu Jwøk døøc, ki Jecu na näk Kwääyø.

2 Jøøn 1:1

Aana jaan acooŋ Jwøk naa määtha dhaaŋŋa näk ojierø ki nyïïe, jøøa mëëra ki geni ki ra adïëri, ni patha a keera, 'ba këël jøøa ŋäc adïëri bëët thuwø,

2 Jøøn 1:13

Ïïna määth nyïï coku, dhaaŋŋa näk ojierø.

Juut 1:2

Køny, ki bëët-mëër, ki mëër pälle bäätu.