1 Körin 8:3 - Wëël Jwøk

³ 'Ba ni näk dhaanhø mëër ka Jwøk, eni ŋäc Jwøki.

1 Körin 8:3 Iomraidhean Croise

1 Nyeye 3:3

'Ba Cølöman mëër ki Wuuö Jwøk, ni eni cäädhi ka køør luup moa caan wänni ma Deebit jïre. 'Ba gïïa tïïe ni ba caana wänni beege olämme ki gïn wø waaŋ ni wø jïye ŋwääi ni met na cïbe kwör lam moa en bäät thuuri.

Dut Pwøc 1:6

kiper Wuuö Jwøk bëët jøøa beyø ŋääe, 'ba bëët jøøa reyø cäätha baŋ ränynyö.

Bwøth Wøk 33:12

Køøre Modhe aköö jï Wuuö Jwøk, ni «Neenï, ïïna köö ki aani, ni ‹Bwøth jøøgø.› 'Ba ïïni ŋato jääŋŋï ki aani kärï caanø jïra. Ni cäŋï köö ki aani thuwø, ni ‹Ï yaa nø ŋäc døc, ni yia met ki ïïni.›

Bwøth Wøk 33:17

'Ba Wuuö Jwøk aköö jï Modhe, ni «Aani gïna cäänï kipere enøgø tïïa tïïö møn; kiper yia met ki ïïni, ni ï yaa nø ŋäc cøøn.»

Jeremaya 1:5

ni «Kanya poodï niï poot kära cwääö ec, ï yaa jierø; ni kanya poodï niï poot kär nywølø, ï yaa cïp kur keere na mara, ni tïïa ïïni na nyikuŋ Jwøk kiper tiet mïëri.»

Amøc 3:2

ni «Beege uuni keeru na näk yaa jierø røk tuŋi bëët moa en bäät piny; kiper manøgø nø, aano ööi ni cunna uuni ki køør gïïa reyø bëët na tïïyu.»

Neeyam 1:7

Wuuö Jwøk beer, ni ena teek mar jiye cäŋ gïï mo leth. Jiy mo wø kan rege buute di gwøø.

Mathiew 7:23

'Ba kanyøca ocaana jïge, no ‹U kuua cøøn na bäre bäre. Daagu rou buuta, u jø wø tïïc gïï mo reyø.›

Jøøn 10:14

'Ba aani, aana dïkwääy mana näk adïëri. Ni moa näk 'moa ŋääa, ni ö 'moa ni ŋäcge aani,

Jøøn 21:17

Ni cäŋ köö ri dääge, «?Cayman o Jøøn, ï mëër ki aani?» Kanyøgø Piter cwïnye apädhö kiper na pëënynyi ya Jecu kwöre adäk, ni «?Ï mëër ki aani?» ni kööe jïgø, ni «Kwäärö, kawaane jammi bëët ŋäyï. Ni ŋäyï ki man näk maa mëër ki ïïni.» Ni kö Jecu jïre, «Piith dïëga.

Wëëlö Mana Göör Pøølli Baŋ Jø Röm 11:2

Jwøk jiye käre kwierø, jøøa kwøŋ ŋäc cøøn. ?Aŋø, gïn wø caan Wëël Jwøki kiper Ilaaja kuyu, kanya dwaalle nyïm Jwøk kiper gïna tïïc jø Icrielli?

1 Körin 13:12

'Ba kawaane jammi poot nëënö ni jïrri yi räŋi, 'ba kanyo tïme na kanyøca, dëëtø oneetø ni ø neeta nyeŋŋø. 'Ba kawaane a ŋäya mo thiinh keere, 'ba kanyøca oŋääa bäre, keda man ŋäc aani døøc en.

1 Körin 2:9

'Ba, kaawat man ii göörö en, ni «Gïï mo poot bäŋ waŋ mo oneen ge, wala ïth mo owïny ge, ni bäŋ cwïny ŋat mo odïët ge, beege gïïa jiiŋ Jwøki kiper jø wø mëër ki eni.»

Galeecia 4:9

?'Ba kawaane na tïmu ni Jwøk ŋäyu, ni doo beerra mana daa köö, ni uuna tïmö nou ŋäc Jwøki, uuna dou cäŋ døø baŋ juu moøgø nidïï, na näk jïge bäŋ teek ni bäŋ karge, ni cäŋu tïmö ni uuna laakge en?

2 Timöthi 2:19

'Ba Jwøk, mare na näk ee këël piny wø cuŋŋa kare, ni ŋïï man ena dëëre na ennø, ni «Wuuö moa näk moe ŋääe,» ni «Jiy bëët mo wø cøør nyeŋ Wuuö, raay wär kwierge.»

Jeemeth 1:12

Meta yi ŋat wø jïëny päänynyö, kiper kany wø bööt päänynyö, eno jïti ka adun kwøw mana näk obuuk Jwøki jï jø wø mëër ki eni.

Jeemeth 2:5

'Ba wïnynyu nø, nyïïmera, u na mëëra ki uuni. ?Aŋø, Jwøk ba jier jø pinyi moa can na bëëde, nee kwärge ri ŋäädhe, ni ge tïmge na lwiidhi mo bura mana näk ee buuö jï jø wø mëër ki eni?

1 Piter 1:8

'Ba u mëër ki eni, këël na käru gø neenø, ni jïëyu ni ŋääthu eni, këël na ba neennu gø, ni mïn yïthu ki met ec mo päl døc mo ba løny ki par.

1 Jøøn 4:19

Ø mëër kaper na kwøŋ mëër ki øøni.

1 Jøøn 4:7

Omëëya, beerra man mëërø ki røgø, kiper mëër a mar Jwøk. Ni ŋat wø mëër nywøla Jwøki ni ŋäc Jwøk.

Mana Nyooth 2:13

«Aani, kany bëëdï yie enø ŋääa, ni beeye kany wø bëët wäl Ceethanni yie. 'Ba nyeŋŋa iï jïëö møn, ni ŋäädhe marï mana ŋääthï aani ki gø kärï mooŋø, këël yïth nïr lïŋi mara ma Antipa ŋata näk yaa ŋäädhö, na 'näk dïïu, kanyø ni bëët Ceethanni yie enø.

Mana Nyooth 2:19

«Aani, tïïc marï ŋääa, ki mëëyï, ki ŋäädhe marï, ki tïny jø møøk, ki mak cwïny marï. Ni ŋääa ni tïïe moï moa en cään thöötha geni ki moa dïkwøŋ.

Mana Nyooth 2:9

«Aani, gïïö ni leth ni jwørï yøø ŋääa, ki cannï, 'ba ïïno kwär. Ni ŋääa gïïö ni reyø ni wø cari dëërï, ni beege jø wø köö ni gena jø Juuth, ni ge path. 'Ba gena øt acooŋa mar Ceethan.