«Ni kö kwääye jïgø, na ‹Atïïyï na wøp, ïïna laŋŋø mo beer mo di ŋäädhö. Ïïna tïmö niï di ŋäädhö ki jammi mo nøk. 'Ba ennø, jammi mo thööth ocïba cerï. Ööï nee met yi kwääyï bëëde bäätï.›
«Ni kö kwääye, na ‹Atïïyï na wøp, ïïna laŋŋø mo beer mo di ŋäädhö. Ïïna tïmö niï di ŋäädhö ki jammi mo nøk. 'Ba ennø, jammi mo thööth ocïba cerï. Ööï nee met yi kwääyï bëëde bäätï.›
Ni kö Kwäärö, na «?A laŋŋø mane nø, ni wïïe leer mo maar ka ŋääth, ŋat mo doo cuum kwääye bäät laaŋe bëët paare, nee caapge wø pääŋŋe jïge kany wø näk ma kare?
Ni beeye na jääŋŋa Timöthi baŋu, na mëëra ki gø, na nyilaal mo oŋäädhö døc ki ri Wuuö, nee wïthu cäŋ parrø ki jöör bëëtö mara na en ri Krictø, kaawat man wø pööa ki gø yïth mïëri bëët ki yïth acook Jwøk bëët.
'Ba ki jïra nëëni keda gïn mo thiinh døc ni näk beeye uuni noo ŋøl mara piny wala jø møøk noo ŋøl mara piny. 'Ba këël aani ki dëëra, mara ba daa ŋøla piny.
Kiper wa ba caal jøø ni thööth yøø ni wø køp luum Jwøk kiper gwel. 'Ba waana jiy mo bäŋ atade cwïnywa, mo jiera Jwøki, ni wa cäänö ka nyeŋ Krictø nyïm Jwøk.
Waani tïï atade ni wø määnö akwierwa, ni wa ba caath jöör riek waŋ, wala ki man wiilwa luum Jwøk. 'Ba dëëtwa ewa nyoodhø jï jiy bëët nyïm Jwøk ki køør luumma näk adïëri ni wø køpwa ni wïnyö jaak.
