1 Körin 4:1 - Wëël Jwøk

¹ 'Ba man en beeye mana doo caar dhaanhe kiperwa, ni waana jø wø tïny Krictø, na näk jøøa wëëk tïïe mo Jwøk na näk ee kwøŋ kan.

1 Körin 4:1 Iomraidhean Croise

Mathiew 13:11

Ni dwøk gø jïge, ni «Beeye uuni na wëëk ŋäc tiet luup moa näk tietge okwøŋ kan kiper buya käl maal. 'Ba jø møga, tier gïnögø kär cïbö jïge nee ŋäcge.

Mathiew 24:45

«?Na a laŋŋø mane nø, ni wïïe leer mo maar ka ŋääth, ni cuumi kwääye bäät laaŋe mo wø tïïö bëët paare, nee cam marge nee wø mëëk ge kany wø näk ma kare?

Maak 4:11

Ni kööe jïge, «Beeye uuni na wëëk luumma näk tiere okwøŋ kan kiper buc Jwøk. 'Ba ki jï jøøa en wøk, jammi bëët caan kaamar leere,

Luk 1:2

ni göörge ka køør luup moa wïnyge baŋ jøøa neen gïïögø ki nyeŋge na nut dïkwøŋ kanya täk gïïögø, na køpge gø.

Luk 12:42

Ni kö Kwäärö, na «?A laŋŋø mane nø, ni wïïe leer mo maar ka ŋääth, ŋat mo doo cuum kwääye bäät laaŋe bëët paare, nee caapge wø pääŋŋe jïge kany wø näk ma kare?

Luk 8:10

ena köö, ni «Beeye uuni na wëëk ŋäc tiet luup moa näk tietge okwøŋ kan kiper buc Jwøk. 'Ba ki jï jø møga, luupögø caan kaamar leer, kiper noo neenge gø, ba jootge; ni wïnyge gø, 'ba tiere ba kwanyge.

Wëëlö Mana Göör Pøølli Baŋ Jø Röm 11:25

'Ba nyïïmera, a manynya uuni man ŋäyu gïn en na näk tiere okwøŋ kan, kiper nou ba töödu ni reegø nyeŋŋu. Kiper thäk jø Icriel møøk cwïnyge adøøc mo teek këël mano ci kwään juurre moa wäŋŋi yie.

Wëëlö Mana Göör Pøølli Baŋ Jø Röm 16:25

Pwøc en jï ŋat wø løny jïre ki man wëëk u tëënnö ki køør luumma nyään na met ni wø køba, ni beeye luum Jecu Krictø, kaawat mana nyooth ri gïna näk tiere okwøŋ kan ki kany mo bäär,

1 Körin 2:7

'Ba wa wø caana leec wï Jwøk mana kuc na näk okanø, na näk ocooŋ Jwøki ki cwïnye ni piny poot kär cwääö kiper nee ø mooc ka ajiem.

1 Körin 3:5

?Aŋø, Apøla aŋa? ?Ni Pøøl aŋa? Waana jø tïïc ni beege jøøa jïëyu ni ŋäädhu ki køørge, kaawat mana ö Wuue na pääŋ tïïe jï ŋati man nø.

1 Körin 4:13

Ni kany wø wac nyeŋwa, wa wø dwøga luup mo met. 'Ba waana tïmö kaamar juu mo wø wet jiyi bäät piny, na cït jammi bëët mo wø weti, ni beeye bëëtwa eni ennø.

1 Körin 4:2

'Ba jø wø wëëk tïïc, manynya jiy mo oŋäädhö.

2 Körin 11:23

?Gena jiy mo tïnynya Krictø? Theemma aani. Ŋääa naa cäänö kee aana bøøl. Aani, kadha öölö mara, ni kadha aani ki tööyö uut tööc. Aana pööti ki kwör pöödö mo ba kwaan, ni bødha kwör mo thööth ki thøø.

2 Körin 12:6

'Ba ni näk maa manynya man tööda, a ba doo tïmö ni aana bøøl, kiper a cara adïëri. 'Ba aani, dëëra amäna ki gø, kiper nee bäŋe ya ŋat mo caar aani ni kara dwøŋ ni kaala mo wø neene dëëra wala man wø wïnynye baŋa.

2 Körin 4:5

Kiper wa ba køp dëëtwa, 'ba wa køpa gø ni Jecu Krictø beeye Kwäärö, ni waani ki dëëtwa waana laaŋe mou kiper nyeŋ Krictø.

2 Körin 6:4

'Ba dëëtwa ewa nyoodhø ki yïth jammi bëët ni waana laaŋe mo Jwøk ki køør gïï wø leth døc wø jïënywa, teeŋ ka gïï wø pïï dëëtwa, ki caannø, ki rïm can,

Epeca 1:9

'Ba mana manynye na näk ee kwøŋ kan anyuth øøni, kaawat mana kwøŋ gø cooŋ ki cwïnye ni tïïe ka ri Krictø.

Epeca 6:19

këël kipera thuwø, naa wëënni ki jöö man jaba dhaa ki gø ni cwïnya da cer ki man køba luumma nyään na met na näk tiere okwøŋ kan,

Köløcia 2:2

Kiper a doo naa manynya geni man jïtge ki cøm cwïny, kaawat mana kuutge bëët ki mëër, nee gïna näk tiere okwøŋ Jwøki kan, na näk beeye Krictø, nee kwanyge ki pälle bäre, ni ci cwïnyge døøc,

Köløcia 4:3

Ni lämu kiperwa thuwø, kiper nee wa jäm Jwøki ki jöö man køpwa luum Jwøk ki gø, ni køpwa gïr Krictø na näk tiere okwøŋ kan, ni beeye gïn twöc aani kipere en.

1 Timöthi 3:16

Ajïëø møn, ni gïna näk tiere okwøŋ kan mar lam marø, dwøŋ møn. Kiper øøna jïëy, ni ena nyooth kanya tïme na dhaanhø, ni ŋunni ya Jwïëc Jwøki, ni ena neen nyïïatwiet maalli, ni nyeŋŋe okøbø dï mïëri, ni jïëc nyeŋŋe dï piny, ni kïthi maal ka ajiem.

1 Timöthi 3:6

'Ba eni kär näk ŋat mo kanya jïëe yie poot cään, kiper kanymør cwïnye laara jïtö ka atöör, ni päth ya ajäla kaamar anägö.

1 Timöthi 3:9

'Ba ge doo ŋäya ŋäädhe mana näk tiere okwøŋ kan piny, ni bäŋ gïn mo jäälge rege ki gø.

Tayta 1:7

'Ba ŋat wø raŋ acooŋ Jwøk, kiper mana tïme na ŋat wø tïny Jwøk, doo bäŋ ajäla ri bëëtö mare, ni paa ŋat mo koorrø, wala ŋat mo cwïnye laara ränynyö ni wëëre, wala ŋat meeye, wala wïnni, wala ŋat mo cwïnye päl kiper gïn joode.

1 Piter 4:10

Kaawat man bëëde ni ŋati man nø ojïtö ki muuy en, røgu wär køønynyu ki ge, ni uuna jø tïïc mo beyø, mo teeŋ gïï met ec mo thööth mo Jwøk owëëk uuni.