1 Körin 2:4 - Wëël Jwøk

⁴ Ni dwøra na cääna ki gø, ki dwøl mana køba, kära caanø naa møøtha uuni ki luup mo riek waŋ, 'ba Jwïëc Jwøk ki teek ee nyoodhø,

1 Körin 2:4 Iomraidhean Croise

Pwöc Leec Wïc 20:19

Ŋat wø wïdi jaak ni waya nyeŋ, wø dhäänynya luup mo okanø; kiper manøgø nø, kärï dwätö ki ŋat mo waya luup jaak.

Pwöc Leec Wïc 7:21

Dhaaŋŋøgø nyilaal acøøge ki dhøk mo beer, ni tuut gø ki leep mo pøøth.

Jeremaya 20:10

Aani, jiy mo thööth awïnynya ni ge mööŋö ki nyeŋŋa, ni «Kee ena köö, ni ‹Lwär mo dwøŋ, piny opääŋe bäre.› Jäällu eni! Beerra man jäälø eni kiree!» Këël nyïïawääta bëët moa näk yaa ŋäädhö kiree, ge manynya ränynyö mara, ni köge, ni «Kanymør wïïe di maaŋŋø, nee ø jïtö ki jöö man böötø eni ki gø, ni marø cool kwör dëëre.»

Edhikiel 13:6

Ge cäänö ki luup tööt ni da gïï mo onyoodhø jïge, ni marge adïëda jaak, ni ge köö, ni «Wuuö Jwøk aköö na ennø nø,» ni ge kär jääŋ Wuuö Jwøki. 'Ba ge poot ŋäädhö jaak ni luup moge thura karge.

Moa Tïïc Nyïïatwieli 20:27

Kiper a kär lwäyö ki man caana luup Jwøk bëët jïïu.

Moa Tïïc Nyïïatwieli 26:28

'Ba Agaripa aköö jï Pøøl, na «?Aŋø, iï caarø naa diï døøc dhaanh Krictø ki nyi kany mo thiinh en nø?»

Wëëlö Mana Göör Pøølli Baŋ Jø Röm 15:13

'Ba Jwøk ni wø cïp ŋäädhe, cwïnynyu opääŋe ki met ec mo päl ki mëër ki køør mana jïëyu, kiper nee ŋäädhe maru pälle ki køør teek Jwïëc Jwøk na en kur keere.

Wëëlö Mana Göör Pøølli Baŋ Jø Röm 15:19

ki teek mar ŋïïce ki gïï mo rëëma ec, ki køør teek Jwïëc Jwøk na en kur keere. Ni køba luumma nyään na met mar Krictø dï paac bäre, ni tägi ka yi Jerucalem këël mana këët Ilirikam.

Wëëlö Mana Göör Pøølli Baŋ Jø Röm 16:18

Kiper teeŋ jøøgø nø ba tïny Kwääyø ma Krictø, 'ba ge tïnynya yïthge, ni ge maaŋŋa wïth jø wø cwïnyge cwøk ki luup mo ŋweeth.

1 Körin 1:17

Kiper a kär jääŋ Krictø baŋ lwøk na nyuudhi, 'ba a jääŋŋe kuna køba luumma nyään na met, nee caana ni kära døønnø, kiper nee gïr jaadha no odëëdö mar Krictø nee ba bänhnhe.

1 Körin 2:1

'Ba nyïïmera, kanya ööa baŋu kuna køba luum Jwøk jïïu, a kär cäänö ki luup mo yaa døønnø, ni waŋa riek.

1 Körin 2:13

'Ba luupögø caanwa na luup mo ba pöö ka leec wïc mar dhaanhø, 'ba pöö Jwïëc Jwøk, ni wø nyooth moa näk adïëri na näk mo Jwøk jï jø wø en Jwïëc Jwøki cwïnyge.

1 Körin 4:20

Kiper buc Jwøk bäŋ wø bëën cäänö jaak, 'ba bëënna teek.

2 Körin 6:6

Ni dëëtwa ewa nyoodhø ki køør mana ciilwa ki raay, ki køør ŋäc luup, ki cïp cwïny piny, ki bäth ec, ki køør teek Jwïëc Jwøk na en kur keere, ki mëër mana näk adïëri,

Galeecia 1:10

?Aŋø, aani kawaane, a manynya man ö jiyi ni pwøcge aani, ni patha pwøc mar Jwøk? Wala, a manynya man døøya yïth jiy mo met? Onää a poot døøya yïth jiy mo met, a bäŋ doo tïmö ni aana laŋŋø mar Krictø.

Köløcia 2:4

'Ba manøgø acaana jïïu kiper nee bäŋe ya ŋat mo maaŋ wïthu ki luup mo keda beyø jaak.

1 Thecalönika 1:5

Kiper luumwa na nyään na met kär ö baŋu na luubö keere, 'ba aöö ki teek thuwø ki ri Jwïëc Jwøk na en kur keere, na caanwa na gïn mo ŋäcwa døøc. Ni ŋäyu gø ki man näk a teeŋ bëëtö mo nyïëdi na beetwa dïïu, na kønywa uuni.

1 Piter 1:12

'Ba anyooth jïge, ni ge ba tïny dëëtge, 'ba ge tïnynya uuni kanya cäänge kar kanyaca, 'ba poot na luupögø na køp jøøa caan luumma nyään na met jïïu yïth nïne moi en, ki køør Jwïëc Jwøk na en kur keere na jääŋŋi ki maal, ni beeye gïïa many cwïny nyïïatwiet maalli nee tiet gïïögø neenge.

2 Piter 1:16

Kiper kanya køpwa gïr teek Kwääyø ma Jecu Krictø ki öönynye, wa ba caath køør waac mo waac ka riek waŋ, 'ba waana lïŋŋe ma ajiem mare ewa neenø ki nyeŋwa.

2 Piter 2:18

'Ba dhøkge päŋ ka atöör jammi mo oballe jaak, ni ge maaŋŋa wïth jøøa bøth kany mo cään en, ceŋ jøøa en yïth raay, ki gïïa reyø ni wø many dëër dhaanhe.

Pïëmme 14:15

'Ba na tïme na ri ŋweer nïne, jagøgø gena köö jï cï Camcøn, ni «Many yi cwørï ka atade, kiper nee tier leer manøgø nee caane; ni näk ba tïïyï na enøgønø, ï waaŋwa waaŋø ki øt wäru bäre. ?Aŋø, wa cwøllu kaper nee wa twierru? ?Beeye per manøgø møn?»

Pïëmme 16:5

Køøre kwääri mo jø Pilitin aö baŋ nyaanøgø, ni köge jïgø, ni «Many yie ka atade, ni jootï teek mare manøgø ni dwøŋ enø ki man näk mo tiere käl kaa ŋø, këël jöö man böötwa teek mare ki gø, nee tïme ni løny jïwa ki man twöcwa eni ni caarwa gø. Køøre nø, ŋati man nø dëëtwa cïpö jïrï ki gwet-bïrö ma dïpe apaar kurciel.»