1 Körin 2:1 - Wëël Jwøk

¹ 'Ba nyïïmera, kanya ööa baŋu kuna køba luum Jwøk jïïu, a kär cäänö ki luup mo yaa døønnø, ni waŋa riek.

1 Körin 2:1 Iomraidhean Croise

Bwøth Wøk 4:10

'Ba Modhe aköö jï Wuuö Jwøk, ni «Wui Awuuö, a paa dhaanhø mo caan luup ŋääe, ki mana bëëda cøøn, këël man cäänï ki aani dïcäŋi en, a na näk laŋŋï; kiper aana dhaanhø mo cäänö teek jïra ni leeba ba rwäänhnhi.»

Aydheea 8:20

Beerra man cïpge ŋäädhe marge ri pwöc Wuuö Jwøk ki ciik moe. 'Ba ni näk luummögø ba tïïcge, nyootha gø ni bäŋ tar bäätge.

Moa Tïïc Nyïïatwieli 20:21

naa cäänna jø Juuth ki jø Gïrïïk bëët kiper løk cwïny baŋ Jwøk, ki ŋääth Kwääyø ma Jecu Krictø.

Moa Tïïc Nyïïatwieli 22:18

Ni neena Jecu ni kööe ki aani, ni ‹Ö maal ni laarï aa wøk ki yi Jerucalem, kiper ge ba maar jïëy ki marï na diï caanø kipera.›

Wëëlö Mana Göör Pøølli Baŋ Jø Röm 16:18

Kiper teeŋ jøøgø nø ba tïny Kwääyø ma Krictø, 'ba ge tïnynya yïthge, ni ge maaŋŋa wïth jø wø cwïnyge cwøk ki luup mo ŋweeth.

Wëëlö Mana Göör Pøølli Baŋ Jø Röm 16:25

Pwøc en jï ŋat wø løny jïre ki man wëëk u tëënnö ki køør luumma nyään na met ni wø køba, ni beeye luum Jecu Krictø, kaawat mana nyooth ri gïna näk tiere okwøŋ kan ki kany mo bäär,

1 Körin 1:17

Kiper a kär jääŋ Krictø baŋ lwøk na nyuudhi, 'ba a jääŋŋe kuna køba luumma nyään na met, nee caana ni kära døønnø, kiper nee gïr jaadha no odëëdö mar Krictø nee ba bänhnhe.

1 Körin 1:6

kaawat mana ö luumma caan kiper Krictø na kïthi cwïnynyu ni teek.

1 Körin 2:13

'Ba luupögø caanwa na luup mo ba pöö ka leec wïc mar dhaanhø, 'ba pöö Jwïëc Jwøk, ni wø nyooth moa näk adïëri na näk mo Jwøk jï jø wø en Jwïëc Jwøki cwïnyge.

1 Körin 2:4

Ni dwøra na cääna ki gø, ki dwøl mana køba, kära caanø naa møøtha uuni ki luup mo riek waŋ, 'ba Jwïëc Jwøk ki teek ee nyoodhø,

1 Körin 2:7

'Ba wa wø caana leec wï Jwøk mana kuc na näk okanø, na näk ocooŋ Jwøki ki cwïnye ni piny poot kär cwääö kiper nee ø mooc ka ajiem.

2 Körin 10:10

Kiper jø wø cäänö kipera, ni «Weeli moe yïthge da luup mo leth ni teek, 'ba dëëre kiree jääk, ni dwøre ba wïnyi ni beer.»

2 Körin 11:6

'Ba këël ni näk dwøra ba wïnyi ni beer, a paa orëëm ki ŋäc luup. Ni manøgø ewa nyoodhø jïïu ki yïth jammi bëët.

2 Thecalönika 1:10

dïcäŋo ööe noo jiemi dï jiye, noo tïm yïth jøøa ŋäädhö bëët no orëëm ki mare, kiper mana jïëyu marwa na køpwa jïïu kiper cäŋöce.

1 Timöthi 1:11

kaawat pwöc mana en ri luumma nyään na met mar Jwøø ajiem na näk ogwïëdhö na wëëk aani.

2 Timöthi 1:8

'Ba kär wïïï lääö nø, ki man nyoothï riï kiper Kwääyø, wala kipera, a na tööny eni. 'Ba lwør kurï ri gïïö ni leth yøø, kiper luumma nyään na met, ki køør teek man wø cïp Jwøki jïrï,

1 Jøøn 4:14

'Ba mana neenwa ni wø køpwa beeye ni Wuuö Wääde ajääŋŋe na Pïëmi mar piny.

Mana Nyooth 1:2

ŋata køp gïr luum Jwøk ki gïr luum adïëri mana caan Jecu Krictø, këël gïr gïïa neene bëët.

Mana Nyooth 1:9

Aana cöögu ma Jøøn na dwätö ki uuni ki nyeŋ Jecu ki ri jwør gïï mo leth, ki ri bura, ki ri mak cwïny ni teek. Aani, aana kïth ya acuulla cwøl ni Patma kiper mana køba luum Jwøk ki gïr luum adïëri mana caan Jecu.

Mana Nyooth 19:10

Kanyøgøøni aana päth tiete nee wøøra. 'Ba ena köö jïra, ni «Gïnögø kär tïïyï, kiper aana laŋŋø ki ïïni na aciel ki nyïïmeru, ni beege jø wø en gïr Jecu cwïnyge. Wøør Jwøk.» Kiper gïr Jecu wø køp beeye luup wø køp nyïïkuk Jwøki thuwø.