Ïïni, ïïna cïpö ki cam jïge mo ööi ki maal kiper käc marge, ni wëëgï pïï kwön wøk ki yi kïdi jïge kiper riew marge. Ïïni, acaanï jïge nee dønyge yi ŋöömö nee lwørge na marge, ni beeye ŋöömma kööŋï kipere ni cïpï cïbö jïge.
Ni ö jwïëy moï na beyø ni bëëde bäätge ni pwönynya geni, ni ö møø marï mana cwøl ni meena ni kärï gø paanyø dhøkge, ni mooyï geni ki pïï kiper riew marge.
'Ba jø Icriel abëëdö ni cama meena ki cwiiri ma pïëraŋween këël mana pïïcge yi ŋöömma bëët jiyi yie. Ni putge bëëtö ni ge cama gø këël mana pïïcge keew mar ŋööm jø Keenan.
Kanyøgø Wuuö Jwøk aköö jï Modhe, ni «Ennø, muunni wëëga pänhnhö ki maal kaamar køth kiperu. Køøre jiy ocii ni cooŋge muunni moøgø kanya ciel mo orømø kiper dïcäŋ man nø cooth. Gïnögø tïïa tïïö naa päänynya geni ki man näk mo ge cäädhi ka køør ciik 'moa wala jïge bäyö.
'Ba uuna pwönynye nou näk käci, ni cäŋ u caammø ki møga cwøl ni meena, ni beeye cam mo kuyu dïkwøŋ ni kuc kwäyu thuwø. Gïnögø atïïe kiper nee ŋäyu ni dhaanhø ba doo kwøw ka cam keere, 'ba eni wø kwøw ka luup bëët mo wø ööi ki dhi Jwøk.
