1 Körin 1:21 - Wëël Jwøk

²¹ 'Ba Jwøk, ki køør leec wïc mare, jø piny amäne ki man ŋäcge eni ki køør leec wïthge. 'Ba eni yie amïnnö ki man piem jø wø jïëy ni ŋääthge ki køør luum bøøl ni wø køpwa.

1 Körin 1:21 Iomraidhean Croise

Daniel 2:20

ni kööe, ni «Pwøc en ri nyeŋ Jwøk na bäre bäre, kiper leec wïc ki teek beege moe.

Mathiew 11:25

Kanyøgø Jecu aköö, ni «Ïïna pwøa, Awuuö, ï na Kwääc maal ki piny, kiper mana mänï gïï ki jøøa wïthge leer na ŋäc jammi, ni nyoothï geni jï obwöre moa mar.

Luk 10:21

'Ba yi caannøca, Jecu yie amïnnö ki ri Jwïëc Jwøk na en kur keere, ni kööe, ni «Ïïna pwøa, Awuuö, ï na Kwääc maal ki piny, kiper mana mänï gïï ki jøøa wïthge leer na ŋäc jammi, ni nyoothï geni jï obwöre moa mar. Kiper beeye mana manynyï ki met yiï, Awuuö.

Luk 12:32

«Käru lwäär, u na pïïth mo thiinh en. Kiper Wääu yie met ki man wëëk bura uuni.

Jøøn 12:31

'Ba beeye kar ŋøl luum piny en nø. Ni kawaane beeye kanyo riem kwääy pinyi wøk yie.

Wëëlö Mana Göör Pøølli Baŋ Jø Röm 1:28

'Ba na tïmge ni yïthge ba met ki man ŋäcge Jwøk, gena kwier Jwøki ni wëëk ge bëëtö ki cwïny mo raac ni wø caar gïï mo reyø, ki bëëtö mo patha kare.

Wëëlö Mana Göör Pøølli Baŋ Jø Röm 11:33

Wui, a teeŋ kwäya ŋø ni en jï Jwøk en, ki leec wïc ki ŋäc jammi bëët! A teeŋ ŋøla ŋø ni tiere ba maar kwany na en jïre, ki uutjïëthe mo tietge ba maar joot!

1 Körin 1:18

Kiper luum jaadha no odëëdö bëëdö na luum bøøl ki jï jø wø ränynyi, 'ba ki jïïø, ø wø piem, beeye teek Jwøk.

1 Körin 1:23

'Ba waani, wa wø køpa gø ni Krictø anäk bäät jaadha no odëëdö, ni wø ö jø Juuthi ni wø cwanyge tietge ki gø, ni näk luum bøøl ki jï juurre.

1 Körin 1:24

'Ba ki jï jøøa näk ocwølø, na näk jø Juuth këël jø Gïrïïk, beeye Krictø na näk teek Jwøk, ni näk leec wï Jwøk.

1 Körin 1:25

Kiper bøølø mar Jwøk, leec wïth jiy ee kaalø, ni jäk mar Jwøk teeka eni ki teek mar jiy.

1 Körin 1:27

'Ba Jwøk jiera gïïa näk bøøre dï jap piny, nee wïth moa wïthge leer lääe, ni Jwøk jiera gïïa jägö dï jap piny nee wïth moa teek lääe.

1 Körin 11:32

'Ba kany wø ö Wuue wø jääl øøni, pwönynya øøni, kiper nee ø ba jääl ki jø piny na aciel.

1 Körin 2:14

'Ba ki jï ŋat mo cwïnye ba en køør Jwøk, muuce mo Jwïëc Jwøk ba jïëe, kiper nëëni keda jap bøøl jïre, ni ba maar lønyø jïre ki man kwany geni, kiper wø joot ka cwïny mo ena køør Jwøk.

1 Körin 4:10

Waana bøøre kiper nyeŋ Krictø, 'ba uuni, wïthu leer ki kur Krictø. Wa jääk, 'ba u teek. Uuno wøørø, 'ba waano taaø.

1 Körin 6:2

?Aŋø, kuyu ni jø Jwøk beege noo ŋøl luum pinyi? ?'Ba ni näk luum pinyi beeye uuni noo ŋøl gø piny, aŋø, u doo dhällö ki man ŋøllu luup moi ni thenh thenh ii piny?

Galeecia 1:15

'Ba eni na cïp aani kur keera naa poot kär nywølø, na cwøl aani ki met ec mare,

Galeecia 4:8

Dïkwøŋ kanya poodu ni Jwøk kuyu, u bëëdö ni uuna laaŋe jï juu mo paa adïëri.

Epeca 1:9

'Ba mana manynye na näk ee kwøŋ kan anyuth øøni, kaawat mana kwøŋ gø cooŋ ki cwïnye ni tïïe ka ri Krictø.

Epeca 3:10

nee leec wï Jwøk na päl wëëk ŋäc ennø ki køør acooŋ Jwøk jï moa näk ocuumö maalø ki moa jïge da teek maalø.

Köløcia 1:19

Ni beeye eni na mïn yi Jwøki ki man bëëde ree ki dëëre bäre.

Ibaru 1:14

?Aŋø, ge paa jwïëy bëët ni wø tïny Jwøk, ni wø jääŋŋi kiper nee jø wø jïti ki pïëm man piem ge ki gø, nee bëënyge?

Ibaru 2:3

?a øøni, øøno bødhø nidïï, ni näk teeŋ pïëm man piem jiy ki gø manø ni dwøŋ enø yøø wiiø? Kiper akwøŋ Kwäärö køp, ni ö jøøa wïny dwøre ni nyoothge gø jïïø ni beeye adïëri.

Ibaru 7:25

Kiper manøgønø, løny jïre ki man køny jø wø nyänh buut Jwøk ki køøre na bäre bäre, kiper mana bëëde ni kwøw cooth, ni kwaaya Jwøk kiperge.

Jeemeth 4:4

?Nyie, u ni wø kwier luum Jwøk en, kuyu ni ŋat wø näk nyïïawäädi ki piny, mare män ki Jwøk? Kiper manøgønø, ŋat wø many piny nee tïme na nyawatge, wø tïïya ree ni ena nyimän Jwøk.

Jeemeth 5:15

'Ba lam ŋat mo cwïnye da ŋäädhe, dëër ŋata tuu owëëk jöönnö, ni ö Wuue ni tïŋ gø maal. 'Ba ni näk eno bääyö, raaye owec.

Jeemeth 5:20

wär ŋääe ni ŋat wø duu ŋat raay kare, ni mäna gø ki jööre na raac, piema jwïëc ŋatøca ki thøø, ni raay mo thööth ogëëŋe.