1 Jøøn 5:7 - Wëël Jwøk

⁷ 'Ba beeye Jwïëc Jwøk na näk lïŋi, kiper Jwïëc Jwøk beeye adïëri.

1 Jøøn 5:7 Iomraidhean Croise

Aydheea 61:1

Jwïëc Kwäärö Wuuö Jwøk ena bääta, kiper Wuuö Jwøk aana jiere nee luubö mo nyään mo met caana jï jøøa can. Ni jääŋ aani nee jiy moa näk cwïnyge opädhö nee cwïnyge cøma, nee luum pät mar jøøa no omaa ki tøŋ ki jøøa no otwöö nee køba jïge,

Mathiew 17:5

'Ba kanya poode ni cäänö, pöölö mo tar anijïïm bäätge. Ni ö dwølli ki yi pööllögø, ni caana gø, ni «Man beeye Wääda na mëëra ki gø, na met yia ki mare. Wïnynyu luumme.»

Mathiew 18:16

'Ba ni näk marï ba wïnynye, lwötï ki dhaanhø aciel wala jiy ariiø, kiper nee ‹luubö tïme na kare ki køør gïna caan jiyi ariiø wala adäk moa tïïc gïnögø buutge.›

Mathiew 28:19

Kiper manøgønø, cou ni tïïyu wïth juurre mo bäät piny bëët na bääŋi 'moa, ni lwøgu geni na nyuudhi ki nyeŋ Wuuö, ki Wäädö, ki Jwïëc Jwøk na en kur keere.

Jøøn 1:1

Wïlöölö Dwøl nutö, ni Dwørøgøøni ena kanya ciel ki Jwøk, ni Dwørøgøøni beeye Jwøk.

Jøøn 10:30

Aani ki Wuuö, waana acielø.»

Jøøn 12:28

Awuuö, jiem nyeŋŋï.» Køøre dwøl aput öö ki maal, ni kööe, na «Anø jiema, ni cäŋa ka jiemmø.»

Jøøn 14:17

na näk beeye Jwïëc Jwøk ni wø nyooth adïëri, na näk jø piny ba doo maara jïëy ki gøøni. Kiper eni ba neen jø pinynyi, ni kucge gøøni. 'Ba uuni, eni ŋäyu kiper eni bëëdö ka uuni, ni eno bëëdö cwïnynyu.

Jøøn 15:26

'Ba kanyo ö Dïkunyi mano jääŋŋa baŋu ki buut Wuuö, na näk beeye Jwïëc Jwøk ni wø cïp adïëri, noo ööi ki baŋ Wuuö, gïra okøbe.

Jøøn 5:26

Kiper kaawat man bëët Wuue ni kwøw ena cere, Wäädö thuwø teek kwøw awii cere.

Jøøn 8:18

Aani, a caana mara, ni Wära na jääŋ aani wø køpa gïra.»

Jøøn 8:54

Ni løgi ya Jecu, ni «Ni näk maa pwøya dëëra, pwøc mara ba doo thura kare. 'Ba beeye Wära ni wø pwøc aani, ŋat wø gïre caannu ni beeye Jwøk maru.

Moa Tïïc Nyïïatwieli 2:33

'Ba kawaane kiper na tïŋi maal ni wëëgi ajiem bäät cwïï Jwøk, ni wëëgi Jwïëc Jwøk na en kur keere na buuk Wuue jïre, gïn neennu en ni wïnynyu en awëëk ööny bäätwa.

Moa Tïïc Nyïïatwieli 5:32

'Ba waana lïŋŋe kiper gïïögø, këël Jwïëc Jwøk thuwø na en kur keere na cïp Jwøki jï jø wø leŋ dwøre.»

2 Körin 13:14

'Ba met yi Kwäärö ma Jecu Krictø, ki mëëc Jwøk, ki dwätö mar Jwïëc Jwøk na en kur keere en bäätu bëët.

Tiet Ciik 6:4

«Wui, u na jø Icriel, wïnynyu gïn. Wuuö Jwøk na näk Jwøø beeye eni keere na Jwøk;

1 Jøøn 1:1

'Ba luummi ni göörwa baŋu en, wa gööra luum kwøw, na nut cøøn wïlöölö, na wïnywa, ni neenwa gø ki nyeŋwa, ni neetwa gø, ni mulwa gø ki ceŋwa.

1 Jøøn 5:6

'Ba eni na Jecu Krictø beeye na öö ki pïï ki remø, ni eni kär öö ki pïï keerge, 'ba beeye ki pïï ki remø.

1 Jøøn 5:8

Da lïŋŋe adäk, Jwïëc Jwøk, ki pïï, ki remø. Ni geno dwätö karge dääi.

Mana Nyooth 19:13

Ni eni käära abïï mo ocøt yi remø. 'Ba nyeŋŋa cøøri ki gø beeye Dwør Jwøk.