1 Jøøn 5:14 - Wëël Jwøk

¹⁴ Ni man beeye ŋäädhe man wø ŋäädhø eni ki gø, ni ni näk eni pëënynyø pëënynyö ki gïrpiny keda mano manynye, döötø wïnynye wïnynyö.

1 Jøøn 5:14 Iomraidhean Croise

1 Nyeye 3:12

ka adïëri møn, aani gïnögø tïïa tïïö ki køør luummï. Neenï, aani, a cïpö jïrï ki leec wïc, nee gïn mo beer ki gïn mo raac tïme ni ŋäyï, ni tïme ni bäŋ ŋat mo rööma ïïni ki leec wïc ki mana täge ya acääŋŋe, këël yi nyïme.

Jööp 34:28

Geni, jøøa can ki jøøa no ocaannø atïïcge nee jwöŋge dëër Jwøk kiper køny, ni ö Jwøki ni wïny oduuru marge.

Pwöc Leec Wïc 10:24

Gïn wø lwäär ŋata raaci ki gø opïï bääte, 'ba gïn wø many ŋata beerri oci jïre.

Pwöc Leec Wïc 15:29

Wuuö Jwøk kare bäär ki jø raay, 'ba eni lam mar jøøa marge beer wø di wïnynyö.

Jeremaya 33:3

ni ‹Cwøl aani, løøa løø jïrï, ni cara gïï mo døøŋŋø jïrï mo tietge ba løny joot jïrï, mo kuyï.›

Mathiew 21:22

Ni näk mo jïïu da ŋäädhe, gïn wäro pëënynyu ki lam, cøøa jïïu.»

Jøøn 11:42

Ni ŋääa ni mara wø wïnynyï wïnynyö cooth. 'Ba man, caana kaper jøøi ni cuŋŋi buuta en, kiper nee jïëcge naa jääŋŋa ïïni.»

Jøøn 14:13

Gïn wäro pëënynyu ki nyeŋŋa, otïïa, kiper nee Wuuö jïte ka ajiem ki ri Wäädö.

Jøøn 15:7

Ni näk mou bëëdö dëëra ni bëët luupa cwïnynyu, gïn wäro manynyu, pëënynyu. Otïïc jïïu.

Jøøn 16:24

'Ba kawaane poot bäŋ gïn mo you pëënynyö ki nyeŋŋa. Pëëu, ocïp jïïu, nee met ec maru kääthe.

Jøøn 9:31

Ŋääø ni Jwøk dööt jø raay bäŋ wø wïnynye. 'Ba ni näk da dhaanhø mo wø wøøra Jwøk ni tïïc mana many Jwøki, dwøre wø wïny Jwøki wïnynyö.

Epeca 3:12

eni na mooc cwïnynyø ki cer ki man ŋääø gø ni jïïø da jöö man cøø nyïm Jwøk ki køør mana ŋäädhø eni.

Ibaru 10:35

Kiper manøgønø, kär teek ŋäädhe maru wetu, kiper beeye noo känni ki gïn mo dwøŋ jïïu.

Ibaru 3:14

Kiper ø dwäti ka Krictø, ni näk gïna kwøŋø ŋääth yøø maa cwïnynyø møn këël cuŋŋe;

Ibaru 3:6

'Ba Krictø Øt Jwøk agwøe ni ena wäädö. 'Ba beeye øøni na øde, ni näk mo ø puta bëëtö ni cwïnynyø yøø maa ki mana jïëø ki gø, ni ø jeemma ŋäädhe marø.

Jeemeth 4:3

'Ba u wø pëëö møn, ni ba mëëgi uuni, kiper u pëëö ka pïëc mo patha kare, nou manynya gïïa reyø wø nieŋ cwïnynyu køørge nee yïthu mïnge.

Jeemeth 5:16

Kiper manøgønø, køpu raay mou yïthakiyu keeru, ni lämu kiperu keeru, kiper nee dëëtu wø jöönge. 'Ba lam ŋat mo beer jïre da teek mo dwøŋ døc ki man tïïc jammi ni cööpge karge.

1 Jøøn 2:28

'Ba kawaane, u ni therø, bëëdu ree, kiper kanyo ööe nee cwïnynyø dee ŋäädhe, ni ba kwalø dëëtø ki eni ni wïthø olää ki öönynye.