1 Jøøn 5:13 - Wëël Jwøk

¹³ A gööra luubö man baŋu, u no ojïëy ki nyeŋ O Jwøk, nee ŋäyu ni jïïu da kwøw mana näk adïëri mo bäŋ cuŋŋe.

1 Jøøn 5:13 Iomraidhean Croise

Jøøn 1:12

'Ba jøøa jïëy ki eni bëët na ŋääth nyeŋŋe, amooe ki teek ki man tïmge na nyïï Jwøk.

Jøøn 2:23

'Ba kanya en Jecu yi Jerucalem ya ajwöm-cam cäŋ Cäŋa Pööth Thøøe Yie, jiy mo thööth ajïëy ki nyeŋŋe ni ŋääthge gøøni, kanya jootge ŋïïce moa tïïe.

Jøøn 20:31

'Ba moi göör kaper nou jïëyu ni Jecu beeye na Krictø ni näk O Jwøk, kiper nee u jïëyu ki eni ni ŋääthu gø, nou jïtu ki kwøw ki nyeŋŋe.

Jøøn 21:24

'Ba bääŋ manøca beeye ni caan mare en kiper gïïögøøni, ni beeye ni göör gïï ii. Ni ŋääø ni mana caane, adïëri.

Jøøn 3:18

'Ba ŋat wø jïëy ki eni ni ŋääth gø, bäŋ ajäla bääte këët. 'Ba ŋat wø ba jïëy ki eni ni ŋääth gø, eno nø jääl kawaane ennø, kiper na käre jïëy ni ŋääth nyeŋ O Jwøk na näk aciel.

Jøøn 5:24

Adïëri møn, a caana gø jïïu, ni ŋat wø wïny luumma ni jïëe ki eni na jääŋ aani, ree da kwøw mana näk adïëri mo bäŋ cuŋŋe. Ni eni ba doo cøøa kar ŋøl luup. 'Ba eno nø ö wøk ri thøø ni ci yi kwøw.

Moa Tïïc Nyïïatwieli 3:16

'Ba beeye Jecu manøgø ki ŋäädhe na en ri nyeŋŋe na wëëk ŋati tëënnö ni neennu en ni ŋäyu. Ni beeye ŋäädhe mana öö ki ri Jecu na wëëk dëër ŋati døø kare na bäre nyïmmu bëët.

Moa Tïïc Nyïïatwieli 4:12

Kiper bäŋ dhaanhø mør mo doo piem jiy. Kiper bäŋ nyeŋ mør bäät piny bäre mo ocïbö dï jiy mo ø doo piemø ki køøre.»

2 Körin 5:1

Kiper ŋäcwa ni ni näk abïl bëëtwa yie pinyi en onyaaø, jïwa da øtø baŋ Jwøk, mo ba tïïc ka ceŋ, ni beeye øtø mana näk adïëri na en maal ni wø bëëdö na bäre bäre.

Galeecia 4:6

'Ba kiper mana näk uuna wääte, Jwøk Jwïëc Wääde ajääŋŋe yïth cwïnynyø, ni wø jwöŋi na «Abba, Awuuö.»

1 Piter 5:12

'Ba beeye Cilbana na cöögö mo yaa ŋäädhö ni cïba wëëlli ni ciek na gööra baŋu en cere, naa köömma uuni naa køpa gø jïïu, ni man beeye met yi Jwøk na näk adïëri. Bëëdu nou teek ri gø.

1 Jøøn 1:4

Ni luupi ii göörwa kaper nee met cwïny marwa thur kare.

1 Jøøn 2:1

Nyïïa, u ni therø, a gööra luubö man baŋu kiper nou ba bääyu. 'Ba ni näk da ŋat mo bääyö, jïïø da ŋat mo ena kurø buut Wuuö, ni beeye Jecu Krictø na beer.

1 Jøøn 2:21

A ba göön baŋu ni per na adïëri kuyu, 'ba beeye kiper mana ŋäyu gø, ni ŋäyu ni bäŋ tööt ra adïëri.

1 Jøøn 2:25

'Ba gïna buue jïïø beeye kwøw mana näk adïëri mo bäŋ cuŋŋe.

1 Jøøn 2:26

A gööra luubö man baŋu kiper jøøa doo cøøk uuni.

1 Jøøn 3:23

'Ba gïna ceme beeye en, ni jïëø ki nyeŋ Wääde ma Jecu Krictø, ni mëërø ki røgø keda mana kööm øøni.

1 Jøøn 4:9

Ni beeye gïn en na nyooth mëëc Jwøk dïïø, kiper mana ö Jwøki na jääŋ Wääde na näk aciel piny kiper nøø kwøø ki køøre.

1 Jøøn 5:10

ni ŋat wø jïëy ki O Jwøk, lïŋ ena cwïnye kiree. 'Ba ŋat wø ba jïëy ki Jwøk, døøya Jwøk twöt, kiper na käre jïëy ki lïŋ mana køp Jwøki kiper Wääde.

1 Jøøn 5:11

'Ba lïŋ mana køp beeye en, ni øøna mooc Jwøki ki kwøw mana näk adïëri mo bäŋ cuŋŋe, ni kwøwøgø ena ri Wääde.

1 Jøøn 5:20

'Ba ŋääø ni O Jwøk anø öö, ni mooc øøni ka acaara ki man ŋääø ŋata näk adïëri. Ni ø ena ri ŋata näk adïëri ki køør Wääde ma Jecu Krictø. Manøgø beeye Jwøk mana näk adïëri ni näk kwøw mana näk adïëri mo bäŋ cuŋŋe.