1 Jøøn 5:11 - Wëël Jwøk

¹¹ 'Ba lïŋ mana køp beeye en, ni øøna mooc Jwøki ki kwøw mana näk adïëri mo bäŋ cuŋŋe, ni kwøwøgø ena ri Wääde.

1 Jøøn 5:11 Iomraidhean Croise

Mathiew 25:46

«Kanyøgø jøøgø geno ci kar ajäla mo bäŋ cuŋŋe, ni ö jøøa marge beer ni cige kar kwøw mana näk adïëri na bäŋ cuŋŋe.»

Jøøn 1:19

'Ba man en beeye luumma køp Jøønni na ö jø Juuthi na jääŋge kwääc laam ki tuuŋ jø Libay møøk ki yi Jerucalem kuna pëënyge eni, ni «?Ïïna ŋa?»

Jøøn 1:4

Ni kwøw ena ree, ni kwøwøgøøni beeye na cïp tar jï jiy.

Jøøn 10:28

Ni cïpa jïge ki kwøw mana näk adïëri mo bäŋ cuŋŋe. 'Ba ge ba doo maara ränynyö, ni bäŋ ŋat mo doo gwëën ge wøk cera.

Jøøn 12:50

Ni ŋääa ni ciik mare beeye kwøw mana näk adïëri na bäŋ cuŋŋe. Kiper manøgønø, aani, gïï wø caana, wø caana keda mana køpi ya Wuue jïra.»

Jøøn 14:6

Ni kö Jecu jïre, «Beeye aani na jöö, ni näga adïëri, ni näga kwøw. Ni bäŋ ŋat mo ö baŋ Wuuö ni näk eni ba ööi ka raa.

Jøøn 19:35

'Ba ŋata neen gøøni ki waŋe beeye na caan mare kiper gø, ni mana caane beeye adïëri, ni ŋääe ni eni caana adïëri, kiper nee uuni thuwø, nou jïëyu ni ŋäädhu.

Jøøn 3:36

'Ba ŋat wø jïëy ki Wäädö ni ŋääth gø, ree da kwøw mana näk adïëri mo bäŋ cuŋŋe. 'Ba ŋat wø ba leŋ dwør Wäädö, kwøw ba dee joodø, 'ba ajäla mar Jwøk bëëdö bääte.»

Jøøn 4:36

Ŋat wø kää wø jïtö ki jammi, ni cooŋ moa no ociek kiper kwøw mana näk adïëri na bäŋ cuŋŋe, kiper nee dïpïïdhi ki dïkääy tïmge ni yïthge met bëët.

Jøøn 4:4

Ni eni doo pöödhö ki yi Cameria.

Jøøn 5:21

Kiper kaawat man wø ö Wuue wø tïŋ jøøa no othøw maal ni mooc ge ki kwøw, këël Wäädö thuwø cïpö ki kwøw jï jø wø manynye.

Jøøn 5:26

Kiper kaawat man bëët Wuue ni kwøw ena cere, Wäädö thuwø teek kwøw awii cere.

Jøøn 6:40

'Ba mana many Wära beeye en, ni ŋato wäro ŋec Wäädö ni jïëe ki eni ni ŋääth gø, jïtö ki kwøw mana näk adïëri mo bäŋ cuŋŋe. 'Ba aani, ŋatøgø otïŋa maal yi cäŋo cuŋ pinynyi yie.»

Jøøn 6:47

Adïëri møn a caana gø jïïu, ni ŋat wø jïëy ni ŋäädhe, ree da kwøw mana näk adïëri mo bäŋ cuŋŋe.

Jøøn 6:68

Ni løgi ya Cayman Piterri jïre, «?Wui Kwäärö, waano ciwa baŋ ŋa? Luum kwøw mana näk adïëri na näk bäŋ cuŋŋe ena baŋï.

Wëëlö Mana Göör Pøølli Baŋ Jø Röm 5:21

kiper nee met yi Jwøk tïme ni dwøŋŋa eni ki køør bëënynyö mano cööp ri kwøw mana näk adïëri mo bäŋ cuŋŋe ki køør Jecu Krictø na näk Kwääyø, kaawat mana ö raayi na dïïm jiy dïkwøŋ na känne ki thøø.

Wëëlö Mana Göör Pøølli Baŋ Jø Röm 6:23

Kiper gïï wø mak cer raay beeye thøø, 'ba muuy mana cïp Jwøki beeye kwøw mana näk adïëri mo bäŋ cuŋŋe ki ri Krictø Jecu na näk Kwääyø.

1 Timöthi 1:16

'Ba aana køny, a na näk wïth jø raay, kiper nee Jecu Krictø nee cwïnye na näk ee cïp piny ki kare bäre, nee nyoodhe ki raa, nee tïme na jöö jï jø wø jïëy ni ŋäätha eni kiper kwøw mana näk adïëri mo bäŋ cuŋŋe.

Tayta 1:2

kiper mana ŋääthge kwøw mana näk adïëri mo bäŋ cuŋŋe mana buuk Jwøki cøøn, eni na kuc tööt.

1 Jøøn 2:25

'Ba gïna buue jïïø beeye kwøw mana näk adïëri mo bäŋ cuŋŋe.

1 Jøøn 4:10

'Ba mëër beeye en, ni patha øøni na mëër ki Jwøk, 'ba beeye eni na mëër ki øøni ni jääŋ Wääde nee tïme no olämi kiper raay moø.

1 Jøøn 4:9

Ni beeye gïn en na nyooth mëëc Jwøk dïïø, kiper mana ö Jwøki na jääŋ Wääde na näk aciel piny kiper nøø kwøø ki køøre.

1 Jøøn 5:10

ni ŋat wø jïëy ki O Jwøk, lïŋ ena cwïnye kiree. 'Ba ŋat wø ba jïëy ki Jwøk, døøya Jwøk twöt, kiper na käre jïëy ki lïŋ mana køp Jwøki kiper Wääde.

1 Jøøn 5:20

'Ba ŋääø ni O Jwøk anø öö, ni mooc øøni ka acaara ki man ŋääø ŋata näk adïëri. Ni ø ena ri ŋata näk adïëri ki køør Wääde ma Jecu Krictø. Manøgø beeye Jwøk mana näk adïëri ni näk kwøw mana näk adïëri mo bäŋ cuŋŋe.

1 Jøøn 5:7

'Ba beeye Jwïëc Jwøk na näk lïŋi, kiper Jwïëc Jwøk beeye adïëri.

3 Jøøn 1:12

'Ba Dimitaria gïre wø caan jøw bëëti caanø; këël bëëtö mare na näk kare, wø nëënö dëëre. Naa køpa gïre thuwø, ni ŋäyï ni gïn wø køba beeye adïëri.

Juut 1:21

Ni bëënnu mëëc Jwøk, nou koora køny mar Kwääyø ma Jecu Krictø mano cööp ri kwøw mana näk adïëri mo bäŋ cuŋŋe.

Mana Nyooth 1:2

ŋata køp gïr luum Jwøk ki gïr luum adïëri mana caan Jecu Krictø, këël gïr gïïa neene bëët.

Mana Nyooth 22:1

Kanyøgøøni naam pï kwøw anyoodhe jïra, mo tøŋ døc keda wïlli, ni kwönni ka ri wäl Jwøk ge ki Nyidiel,