1 Jøøn 5:1 - Wëël Jwøk

¹ Jiy bëët mo wø jïëy ni Jecu beeye Krictø, gena nyïï Jwøk, ni jiy bëët mo wø mëër ki wuuö, ge mëër ki nyey thuwø.

1 Jøøn 5:1 Iomraidhean Croise

Mathiew 16:16

Ni dwøgi ya Cayman Piter, ni «Ïïna Krictø, O Jwøa kwøw.»

Luk 7:5

kiper eni mëër ki pøø ni øt acooŋ lam marø geera eni.»

Jøøn 1:3

Ni jammi bëët cwääc ka ree, ni bäŋ gïn mo ocwääö ri moa cwääc bëët, ni eni tøør ree.

Jøøn 15:23

'Ba ŋat wø män ki aani, män ka Wära thuwø.

Jøøn 3:3

'Ba aløk Jecu jïgø, ni kööe, na «Adïëri møn a caana gø jïrï, ni näk mo dhaanhø kär cäŋ nywøllø ni nyään, eni buc Jwøk ba dee maara joot.»

Jøøn 6:69

Ni ewa ŋäädhö ni jootwa gøøni, ni beeye ïïni na en kur keerï na näk mar Jwøk.»

Jøøn 8:42

Ni kö Jecu jïge, «Onää Jwøk beeye Wääu, u doo mëër ki aani, kiper Jwøk beeye na käla baŋe. A kär öö ki wïïa a keera, 'ba beeye eni na jääŋ aani.

Moa Tïïc Nyïïatwieli 8:36

'Ba kanya cääthge, gena pïï kany mo da pïï, ni kö ŋata näk odïnö, ni «Neenï, pïï ii. ?Agïnaŋø noo män aani ki lwøk na nyuudhi?» [

Moa Tïïc Nyïïatwieli 8:37

Ni kö Pilipi, ni «Ni näk mo ïïno jïëy ki cwïnyï bäre, ï di lwøø.» Ni dwøk gø, ni «Aana jïëy ni Jecu Krictø beeye o Jwøk.»]

Jeemeth 1:18

Ni beeye ki køør mana manynye ki wïïe keere na cwääc øøni ki køør luum adïëri nøø tïmø ni ø caala thwöth beel ri moa cwääe.

1 Piter 1:3

Pwøc en jï Jwøk, eni na Wää Kwääyø ma Jecu Krictø; kiper beeye ki køør met yie na dwøŋ na cäŋ ø nywøllø ni ø nyärö, ni jït cwïnynyø ki ŋäädhe mo kwøw ki køør duun Jecu Krictø wøk ki yi thøø.

1 Jøøn 2:10

'Ba ŋat wø mëër ki coki bëëdö yi tar, ni yie bäŋ gïn mo wëëk dhaanhø bääyö.

1 Jøøn 2:29

Ni näk ŋäyu ni mare beer, dou ŋääö ni jiy bëët mo wø tïïc gïno beer, nywøla eni.

1 Jøøn 3:14

Ŋääø ni øøna pööth wøk ki yi thøø ni cøø yi kwøw, kiper mana mëërø ki nyïïmëëe. 'Ba ŋat wø ba mëër, poot ena yi thøø.

1 Jøøn 3:17

?'Ba ni näk da ŋat mo jïre da jap piny ni neen coki ni can, ni mec waŋe ki gø, mëëc Jwøk bëëde cwïnye nidïï?

1 Jøøn 3:9

Ni bäŋe ŋat mo onywøl Jwøki mo bëëdö ni bääö, kiper bëët Jwøk ena cwïnye, ni eni ba maar bëëdö ni bääö kiper mana nywøli ya Jwøki.

1 Jøøn 4:2

'Ba Jwïëc Jwøk oŋäyu ki køør luummi en: Jwïëy bëët mo wø jïëy ni Jecu Krictø oöö ni da dëël beege mo Jwøk.

1 Jøøn 4:20

Ni näk da ŋat mo köö, na «A mëër ki Jwøk,» ni mäne ki coki, ena dïtwöt. Kiper ŋat wø ba mëër ki coki na näk ee neenø, ba løny ki man mëëre ki Jwøk na näk käre neenø.

1 Jøøn 4:7

Omëëya, beerra man mëërø ki røgø, kiper mëër a mar Jwøk. Ni ŋat wø mëër nywøla Jwøki ni ŋäc Jwøk.

1 Jøøn 5:18

Ni ŋääø ni ŋat mo onywøl Jwøki bäŋ wø bëëdö ni bääö, kiper mano gwøgi ya O Jwøki, ni ba guti ya ŋata raaci.

1 Jøøn 5:4

Kiper ŋat wø näk nywøla Jwøki, piny wø bööte böötö. 'Ba gïn wø bööt piny ki gø beeye ŋäädhe marø.

1 Jøøn 5:5

?Aŋa ni wø bööt piny? Beeye ŋat wø jïëy ni Jecu beeye O Jwøk.