1 Jøøn 4:9 - Wëël Jwøk

⁹ Ni beeye gïn en na nyooth mëëc Jwøk dïïø, kiper mana ö Jwøki na jääŋ Wääde na näk aciel piny kiper nøø kwøø ki køøre.

1 Jøøn 4:9 Iomraidhean Croise

Wïlöölö 22:2

Ni kö Jwøki, ni «Ennø, lwør wäädï ma Aydhak na näk aciel keere, na mëërï ki gø, ni ciï ŋööm Möria; ni cïpï gø no olämi man wø waaŋ bäät kïdi aciel mano caana jïrï røk kïte moo en kaace.»

Maak 12:6

«'Ba eni poot da wääde ma aciel, ŋata mëëre ki gø. Køøre cään, wääde manøgø ajääŋ baŋge, ni kööe, ni ‹Wääda wøørge wøørø.›

Luk 4:18

ni «Jwïëc Wuuö Jwøk ena bääta, kiper aana jiere nee luumma nyään na met caana jï jøøa can. Ni jääŋ aani nee pät mar jøøa näk otwöö køba jïge, ki døøn nyeŋ karge jï cööye, ni päda jøøa näk odïïmö,

Jøøn 10:10

'Ba kuu wø ööi kaper kwal keere, ki 'näk, ka aranya. 'Ba aani, a ööi kaper nee ge kwøwge ki kwøw mana näk adïëri.

Jøøn 14:6

Ni kö Jecu jïre, «Beeye aani na jöö, ni näga adïëri, ni näga kwøw. Ni bäŋ ŋat mo ö baŋ Wuuö ni näk eni ba ööi ka raa.

Jøøn 3:16

«Kiper Jwøk mëër ki jø piny døc, ni beeye na cïp Wääde ma aciel, kiper nee ŋato wäro jïëy ki eni ni ŋääth gø nee kwøe ki kwøw mana näk adïëri mo bäŋ cuŋŋe, nee ba ränynye.

Jøøn 3:18

'Ba ŋat wø jïëy ki eni ni ŋääth gø, bäŋ ajäla bääte këët. 'Ba ŋat wø ba jïëy ki eni ni ŋääth gø, eno nø jääl kawaane ennø, kiper na käre jïëy ni ŋääth nyeŋ O Jwøk na näk aciel.

Jøøn 5:23

kiper nee jiy bëët tïmge ni ge wøøra Wäädö, kaawat man wø wøørge Wuuö. 'Ba ŋat wø ba wøør Wäädö, Wuuö na jääŋ eni ba wøøre thuwø.

Jøøn 6:29

Ni løgi ya Jecu jïge, «Ki man jïëyu ki eni na jääŋ Jwøki ni ŋääthu gøøni beeye eni na tïï Jwøk.»

Jøøn 6:51

'Ba beeye aani na møk kwøw mana öö ki maal na ö piny. Noo dee ŋat mo cam møgøgøøni, eni okwøw na bäre bäre. 'Ba møgo cïba kiper nee jø piny kwøwge, beeye dëëra.»

Jøøn 6:57

Wuuö ni wø bëëdö ni kwøw beeye na jääŋ aani, ni kwøa en kiper Wuuö. Kaawat manøgø, ŋat wø cam aani, okwøw ki køøra.

Jøøn 8:29

'Ba eni na jääŋ aani, ena buuta. Naa käre wiiø a keera, kiper a wø tïïya gïï wø mïn yie ki ge cooth.»

Jøøn 8:42

Ni kö Jecu jïge, «Onää Jwøk beeye Wääu, u doo mëër ki aani, kiper Jwøk beeye na käla baŋe. A kär öö ki wïïa a keera, 'ba beeye eni na jääŋ aani.

Jøøn 9:3

Ni løgi ya Jecu, ni «Paa kiper ni nyenøgø obääyö, wala jøøa nywøl gø, 'ba beeye kiper nee tïïe mo Jwøk nyooth ki ree.

Wëëlö Mana Göör Pøølli Baŋ Jø Röm 8:32

?Ŋata kär män Wääde kiree, 'ba acïbe kiperø bëët, jammi bëët ba dee mëëga øøni ki eni na aciel?

Ibaru 1:5

?Kiper a nyïïatwiel maal mane na cään Jwøki ki gø, ni «Ïïna Wääda, ni ïïna tïïa ni ïïna Wääda dïcäŋi en»? Wala oköö, ni «Aano tïmö ni aana Wuuö jïre, ni tïme ni ena Wäädö jïra.»

1 Jøøn 3:16

'Ba gïna ŋääø mëër, ŋääø kaper mana ö Jecu na cïp jwïëye kiperø. Ni øøni thuwø, jwïëyø døø cïbö kiper nyïïmëëe.

1 Jøøn 4:10

'Ba mëër beeye en, ni patha øøni na mëër ki Jwøk, 'ba beeye eni na mëër ki øøni ni jääŋ Wääde nee tïme no olämi kiper raay moø.

1 Jøøn 4:16

Kiper manøgønø, ŋääø ni yøø jïëø ni Jwøk mëër ki øøni. Jwøk a mëër. Ni ŋat wø bëëdö ri mëër, bëëdö ri Jwøk, ni Jwøk wø bëëdö dëëre.

1 Jøøn 5:11

'Ba lïŋ mana køp beeye en, ni øøna mooc Jwøki ki kwøw mana näk adïëri mo bäŋ cuŋŋe, ni kwøwøgø ena ri Wääde.

1 Jøøn 5:13

A gööra luubö man baŋu, u no ojïëy ki nyeŋ O Jwøk, nee ŋäyu ni jïïu da kwøw mana näk adïëri mo bäŋ cuŋŋe.