8 'Ba ŋat wø ba mëër, Jwøk kuue, kiper Jwøk a mëër.
'Ba ennø, nyïïmera, turu paar nø. Bëëdu ki bëëtö mana beer. Leŋŋu kwac mara. Mëërru ki røgu. 'Ba Jwø wø cïp mëër ki bëët-mëër oen buutu.
'Ba Jwøk ni wø kunyö døc, këël na bëëdø ni øøno thøw ki køør gïïa dhalø, øøna døøc mo kwøw ki Krictø na aciel ki køør mëër mare na päl na mëëre ki øøni. Kiper beeye met yi Jwøk na piem uuni.
Kiper Jwøk marø beeye maa wø räänyö.
'Ba man en beeye dwøl mana wïnywa baŋe ni køpwa jïïu en, ni Jwøk beeye tar, ni bäŋ kany mo cøl cwïnye bäre bäre.
'Ba ŋat wø köö, ni «Eni ŋääa,» ni bëëdö ni dhala gïïa ceme, ena dïtwöt, na adïëri ba en cwïnye.
'Ba ŋat wø köö ni eni ena yi tar, ni män ki coki, eni poot ena yi muudhö.
Ni beeye gïnögø noo joot jø wø näk nyïï Jwøk ki jø wø näk nyïï anägö. 'Ba ŋat wø ba tïïc gïn mo beer, ki ŋat wø ba mëër ki coki, patha mar Jwøk.
Ni bäŋe ŋat mo bëëdö dëëre ni bëëdö ni bääö. 'Ba ŋat wø bëëdö ni bääö, Krictø poot käre joodø wala ki man ŋäc gø.
Kiper manøgønø, ŋääø ni yøø jïëø ni Jwøk mëër ki øøni. Jwøk a mëër. Ni ŋat wø bëëdö ri mëër, bëëdö ri Jwøk, ni Jwøk wø bëëdö dëëre.
Omëëya, beerra man mëërø ki røgø, kiper mëër a mar Jwøk. Ni ŋat wø mëër nywøla Jwøki ni ŋäc Jwøk.
