1 Jøøn 4:5 - Wëël Jwøk

⁵ Gena mo piny. Kiper manøgønø, gïn wø caange, ge caana mo piny, ni ö pinynyi ni wïny marge.

1 Jøøn 4:5 Iomraidhean Croise

Jeremaya 29:8

Kiper luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni «Uuni, nyïïkuk Jwøk mou moø ni en dïïu yøø ka ajuuk mou käru cøøkge, ni kär nou wïnynya lääk moge moa met yïthu ki ge nee ge läkge ki ge,

Jeremaya 5:31

Nyïïkuk Jwøk atïmö ni køpa luup ki wïthge, ni beege luup tööt, ni ö dïlämme ni bwøthge jiy ki wïthge keerge; ni tïm yïth jiya ni met ka teeŋ gïï mo caala moøgø. ?'Ba u na jiya, agïnaŋø noo tägi dëëtu kanyo tïme na aŋuun japøgø?

Mikiya 2:11

Ni näk mo da nyikuŋ Jwøk man wø wïdi ni køpa luup tööt ki luup cwøk, mo köö, ni ‹Køøŋ omøki ki kwøŋ mo keec obëëdö ni thööth jaak,› teeŋ ŋatøgø beeye ni wø met yïthu ki gø.»

Luk 16:8

«Kanyøgø nø, kwääyögø, kwääy tïïc manøgø ni bëëte raac enø apwøe kiper mana caar wïïe. Kiper wäät pinyi en, nyeŋge reegø ki man ŋäcge dëëtge keerge ni kaala wäät tar.

Jøøn 17:14

Luummï acïba jïge, ni män pinynyi ki geni kiper na ba enge ri mo piny, kaawat mara na ba ena ri mo piny.

Jøøn 17:16

Ge ba en ri mo piny, kaawat mara na ba ena ri mo piny.

Jøøn 3:31

«Eni na öö ki maal, ena wïth jammi bëët. 'Ba eni ni en piny, beeye ŋat piny, ni jap piny beege wø caane. 'Ba eni na ö ki maal, ena wïth jammi bëët.

Jøøn 8:23

'Ba ena köö jïge, «Uuni, u käla piny, 'ba aani, a käla maalø. Uuna jø pinyi en, 'ba aani, a paa ŋat pinyi.

2 Timöthi 4:3

Kiper da kany mo öö, kanyo ö jiyi noo ba manyge pwöc ma adïëri, 'ba dëëtge omäänyge ki dïpööye moo caan gïïo mïn yïthge ki ge, kiper ïthge na jel ki man wïnyge luup mo ŋweeth.

Mana Nyooth 12:9

Ni ö thwöra dwøŋ ni lëëŋi piny. Ni beeye thwöra cääŋŋe cøøn, na cwøl na anägö ni näk Ceethan, na näk dïcuuy mar piny bäre. Ena lëëŋ piny, ni ö nyïïatwiet maalli moe ni lëëŋi piny ki eni na aciel.