1 Jøøn 4:21 - Wëël Jwøk

²¹ 'Ba man en beeye dwøl mana jootwa baŋe, ni ŋat wø mëër ki Jwøk, doo mëër ki coki thuwø.

1 Jøøn 4:21 Iomraidhean Croise

Ciik Kiper Dïlämme 19:18

« ‹Kär kwörï coolï, ni ba bëëdï niï män ki jø pou, 'ba mëërï ki ŋat mør kaawat man wø mëërï ki dëërï. Beeye aani na Wuuö Jwøk.

Mathiew 5:43

«Awïnynyu na caani, ni ‹Ï doo mëër ki wadu, ni mänï ki nyïïmännï.›

Luk 10:37

Ni kö ŋatøgø, ni «Beeye ŋata køny gø.» Ni kö Jecu jïgø, «Ciï ni tïïï na enøgønø thuwø.»

Jøøn 15:12

«Man beeye dwøra, ni mëërru ki røgu keda mana mëëra ki uuni.

Galeecia 5:14

Kiper ciik Jwøk ki kare bäre wø thur kare ka ri luubö aciel, ni «Ï doo mëër ki ŋat mør kaawat man wø mëërï ki dëërï.»

Galeecia 5:6

'Ba ki jï jø wø en dëër Krictø Jecu, daŋ wala bäŋ daŋ bäŋ gïn tïïcge, 'ba gïn mo pere leth beeye ŋäädhe ni wø tïïö ki køør mëër.

1 Thecalönika 4:9

'Ba kiper mëër man mëërru ki nyïïmëëe, u ba many ŋat göön baŋu kipere, kiper u ki dëëtu, uuna pwöny Jwøki ki man mëërru ki røgu.

1 Piter 3:8

'Ba luubö mana dööŋ keere nø, uuni bëët, beerra man dwallu cwïnynyu na aciel, ni bëëdu ni cwïnynyu jööt, ni mëërru ki nyïïmëëe, ni cwïnynyu lïëth ki køny, nou bëëdö nou mwöl.

1 Piter 4:8

'Ba dï japøgø bëët, ŋäyu mëër man mëërru ki røgu cooth, kiper mëër beeye wø gëëŋ raay mo thööth.

1 Jøøn 2:7

Omëëya, a ba göör dwøl mo nyään baŋu, 'ba beeye dwøl mana näk oruuö cøøn na en jïïu. Ni dwøl manøgø no oruuö enø beeye luumma wïnynyu.

1 Jøøn 3:11

'Ba man beeye dwøra wïnynyu cøøn, ni ø doo mëër ki røgø,

1 Jøøn 3:14

Ŋääø ni øøna pööth wøk ki yi thøø ni cøø yi kwøw, kiper mana mëërø ki nyïïmëëe. 'Ba ŋat wø ba mëër, poot ena yi thøø.

1 Jøøn 3:18

U ni therø, kärø mëër ki dhøgø jaak wala cäänö, 'ba mëërø ki ri tïïe ka adïëri.

1 Jøøn 3:23

'Ba gïna ceme beeye en, ni jïëø ki nyeŋ Wääde ma Jecu Krictø, ni mëërø ki røgø keda mana kööm øøni.

1 Jøøn 4:11

Omëëya, nee Jwøk mëër ki øøni na enønø, ø doo mëër ki røgø thuwø.