1 Jøøn 4:1 - Wëël Jwøk

¹ Omëëya, kär jwïëy jïëyu bëët. 'Ba päänynyu jwïëy nee neennu nee gena mo Jwøk. Kiper nyïïkuk Jwøk mo thööth mo patha adïëri okeethø dï piny.

1 Jøøn 4:1 Iomraidhean Croise

1 Nyeye 13:18

Køøre nyikuŋ Jwøk mana näk jaal acäänö ki wïïe keere ni kööe jïgø, ni «Aani, aana nyikuŋ Jwøk mo caala ïïni thuwø, ni da luum Wuuö Jwøk mo ocaan nyïïatwiel maalli jïra, ni kööe, ni ‹Ciï ni duuï eni paarï, nee cäme nee mäthe ki pïï.› » 'Ba nyikuŋ Jwøk manøgø, mare cwøk.

Pwöc Leec Wïc 14:15

Ŋat ma acaara mare thiinh jammi bëët wø di jïëö, 'ba ŋat mo waŋe riek kany wø ci yie wø di caarø.

Jeremaya 14:14

Ni kö Wuuö Jwøki jïra, ni «Nyïïkuk Jwøk moøgø, luup mo wø køpge ki nyeŋŋa, køpge ka wïthge, ni beege luup tööt. Geni, ge ba jääŋŋa aani, ni ge ba köömma aani, naa kär cäänö ki geni. 'Ba ge køpa luup tööt ki køør lääk moge, ki luup adïëda mo bäŋ gïn kønyge, ki cwøk mo käla wïthge keerge.

Jeremaya 23:16

Man beeye mana caan Wuuö Jwøki, Jwø wïth jammi bëët, ena köö, ni «Kär nou wïnynya luup nyïïkuk Jwøk moø ni køp luup yøø jïïu. Geni, ge pääŋa cwïnynyu jaak ki luup ŋäädhe mo oballe; luup moøgø ni carge yøø käla wïthge keerge, ni patha moa cur dhi Wuuö Jwøk.

Jeremaya 5:31

Nyïïkuk Jwøk atïmö ni køpa luup ki wïthge, ni beege luup tööt, ni ö dïlämme ni bwøthge jiy ki wïthge keerge; ni tïm yïth jiya ni met ka teeŋ gïï mo caala moøgø. ?'Ba u na jiya, agïnaŋø noo tägi dëëtu kanyo tïme na aŋuun japøgø?

Maak 13:21

'Ba kanyøca ni näk da ŋat mo köö ki uuni, ni ‹Neennu, Krictø en›, wala ‹Neennu, eni ice›, kär nou jïëy ki gø.

Luk 12:57

«?Aŋø nø, ni ba ŋøllu mano beer ki dëëtu keeru?

Luk 21:8

Ni kööe, ni «Gwøgu rou, nee wïthu ba maaŋŋi. Kiper jiy mo thööth oööi ki nyeŋŋa, ni köge, ni ‹Beeye aani na eni,› ni ‹Kanya wäŋŋi acäännö.› Kär nou cøøa køørge.

Moa Tïïc Nyïïatwieli 17:11

'Ba jø Juuth moøgø theemma geni ki moa en Thecalönika, kiper gena laar jïëy ki luum Jwøk, ni bëëtge ni ge raŋŋa luup moa en yïth weet Jwøk cooth ki man näk mo luupögø adïëri.

Moa Tïïc Nyïïatwieli 20:29

Kiper ŋääa, ni køøra noo aaa, orude mo reyø døc ööa dïïu ni ba wecge pïïth.

1 Körin 12:10

'Ba ŋat mør wø wëëga tïïc tïïe mo rëëma ec. Ni ö ŋat mørri ni wëëgi køp dwør Jwøk. 'Ba ŋat mør wø wëëga teek ki man ŋec juu. Ni ö ŋat mørri ni wëëgi caan teeŋ dhøgi møøk. 'Ba ŋat mør wø wëëga teek ki man dwøk tiet luup dhøgi ma teeŋi.

1 Körin 14:29

Wär nyïïkuk Jwøk ariiø wala adägö køpge dwør Jwøk, ni ö jiyi møga ni cekge ïthge ki gïïo caan.

1 Thecalönika 5:20

Ni ba taagu jiy mo køpa dwør Jwøk.

1 Thecalönika 5:21

'Ba jammi bëët wär päänynyu, ni magu gïno beer.

2 Thecalönika 2:2

kiper nee wïthu ba wïïrge, wala cwïnynyu pärö, ni bëët keda gïn mo wïnynyu ka ri Jwïëc Jwøk, wala luubö mør mo you wïnynyö, wala wëëlö mo caan ni ööi ki baŋwa, ni caana gø, ni Cäŋ Kwäärö anø öö.

1 Timöthi 4:1

'Ba kawaane, ocaan Jwïëc Jwøki møn ni noo tïm kar aŋuun piny ni cään, jø møøk ŋäädhe marge owecge ki køør mano cekge ïthge jï juuk atade ki pwöc anäge,

2 Timöthi 3:13

'Ba jøøa reyø, ki jø wø cwöö, rääö marge otïmö no okadhø døc, ni gena jø cwøk ni ge cøøga rege.

2 Piter 2:1

'Ba da nyïïkuk Jwøk mo patha adïëri thuwø mo røkge ege thïïŋö dï jiy, kaawat mano ö dïpööye mo patha adïëri noo thïïŋge rege dïïu, jøw okäl teeŋ pwöc ränynyö baŋu ki jöö mør. Këël Kwäärö ma Jecu okwierge, ŋata ŋeew geni, ni ge käla ränynyö mo laara ö bäätge.

1 Jøøn 2:18

Obwöre, man a aŋuun caa. 'Ba keda mana wïnynyu gø ni nyimän Krictø öö, kawaane jiy mo thööth mo män ki Krictø aöö. Kiper manøgønø, ŋääø nø, ni man beeye aŋuun caa.

1 Jøøn 2:7

Omëëya, a ba göör dwøl mo nyään baŋu, 'ba beeye dwøl mana näk oruuö cøøn na en jïïu. Ni dwøl manøgø no oruuö enø beeye luumma wïnynyu.

2 Jøøn 1:7

Kiper jø cwøk mo thööth okeethø dï piny, jøøa näk kär jïëy ni Jecu Krictø oöö ni da dëël. Teeŋ ŋatøgø nø, beeye dïcuuy ni ena nyimän Krictø.

3 Jøøn 1:11

'Ba omëëya, kär tïï raay ŋwaalï, 'ba ŋwaal gïn wø beer. Ŋat wø tïïc gïn mo beer, ena mar Jwøk. 'Ba ŋat wø tïïc raay, Jwøk poot käre joodø.

Mana Nyooth 2:2

«Aani, tïïe moï ŋääa, ki öölö marï, ni cwïnyï iï maa, niï ba maar jïëy ki jø raay. 'Ba jøøa døøc dëëtge nyïïatwieli ni ge patha nyïïatwieli, gena päänynyï, ni jootï geni ni marge tööt.