1 Jøøn 3:22 - Wëël Jwøk

²² ni gïn wäro pëënynyø joodø joodø baŋe, kiper man bëëdø ni ø gwøga gïïa ceme, ni ø tïïya gïï wø met yie ki ge.

1 Jøøn 3:22 Iomraidhean Croise

Jööp 22:26

'Ba ka adïëri møn, yiï omïnni ki eni na en teeki jïre, ni wëëgï täärnyïmï løø maal baŋe, eni na Jwøk.

Pwöc Leec Wïc 15:29

Wuuö Jwøk kare bäär ki jø raay, 'ba eni lam mar jøøa marge beer wø di wïnynyö.

Pwöc Leec Wïc 28:9

Ŋat wø løø ïthe wøk ki man ba wïny ciik Jwøk, këël lam mare kiree tïmö na gïn mo yi Jwøk raac ki gø.

Aydheea 1:15

Kiper manøgønø, kany wø thaaŋu ceŋŋu maal nou lämö, waŋa kana kanø ki uuni. U këël doo lämö ki lam mo dwøŋ døc, aani, ïtha ba ciia; Kiper uuna jiy mo uuno kuny piny ki rem jiy.

Jeremaya 33:3

ni ‹Cwøl aani, løøa løø jïrï, ni cara gïï mo døøŋŋø jïrï mo tietge ba løny joot jïrï, mo kuyï.›

Mathiew 17:5

'Ba kanya poode ni cäänö, pöölö mo tar anijïïm bäätge. Ni ö dwølli ki yi pööllögø, ni caana gø, ni «Man beeye Wääda na mëëra ki gø, na met yia ki mare. Wïnynyu luumme.»

Mathiew 21:22

Ni näk mo jïïu da ŋäädhe, gïn wäro pëënynyu ki lam, cøøa jïïu.»

Maak 11:24

Kiper manøgønø, a caana gø jïïu, ni gïn wäro pëënynyu ki lam wär ŋääthu ni gïnögø cøøa jïïu. 'Ba oci jïïu.

Jøøn 14:13

Gïn wäro pëënynyu ki nyeŋŋa, otïïa, kiper nee Wuuö jïte ka ajiem ki ri Wäädö.

Jøøn 15:10

'Ba ni näk luupa you gwøø, uuno bëëdö ni mëëya ena bäätu, keda mana gwøa luup Wära ni bëët mëëye bääta.

Jøøn 15:7

Ni näk mou bëëdö dëëra ni bëët luupa cwïnynyu, gïn wäro manynyu, pëënynyu. Otïïc jïïu.

Jøøn 6:29

Ni løgi ya Jecu jïge, «Ki man jïëyu ki eni na jääŋ Jwøki ni ŋääthu gøøni beeye eni na tïï Jwøk.»

Jøøn 8:29

'Ba eni na jääŋ aani, ena buuta. Naa käre wiiø a keera, kiper a wø tïïya gïï wø mïn yie ki ge cooth.»

Jøøn 9:31

Ŋääø ni Jwøk dööt jø raay bäŋ wø wïnynye. 'Ba ni näk da dhaanhø mo wø wøøra Jwøk ni tïïc mana many Jwøki, dwøre wø wïny Jwøki wïnynyö.

Moa Tïïc Nyïïatwieli 17:30

Kanya poot dhaanhe ni bäŋ gïn mo ŋääe, Jwøk abëëdö ni cwïnye ee cïp piny. 'Ba kawaane eni jiy bëët aköömme ki man løkge cwïnyge yi piny bäre.

Moa Tïïc Nyïïatwieli 20:21

naa cäänna jø Juuth ki jø Gïrïïk bëët kiper løk cwïny baŋ Jwøk, ki ŋääth Kwääyø ma Jecu Krictø.

Pilipay 4:18

'Ba aana nø jïtö ki muuce baŋu mo thööth døc, ni jäŋa ki muuce moa cïbu cer Eparödaata, na näk caala olämi man wø waaŋ ni ŋwääö ni met, man wø jïëc Jwøki ki gø, ni wø met yie ki gø.

Köløcia 1:10

nou bëëdu ki bëëtö mo beer mo rømø jï Wuuö, ni tïïyu gïï wø met yie ki geni keerge, nou kännö ki nyïëdi yïth tïïe moo beyø moo tïïyu bëët, ni meetu mana ŋäyu kiper Jwøk,

Ibaru 13:21

uuno wëëk gïïa beyø bëët, kiper nee mana manynye tïïyu, ni tïïc gïï wø met yie ki ge yïth cwïnynyø, ki ri Jecu Krictø, ŋat wø en ajiemmi jïre këël na bäre bäre. Enøgønø.

Jeemeth 1:5

'Ba ni näk da ŋat mo leec wïc mare orëëm dïïu, Jwøk wär pëënynye, ŋat wø cïpi jï jiy bëët ki cwïnye bäre ni ba pëëö, 'ba omëëk eni.

Jeemeth 4:3

'Ba u wø pëëö møn, ni ba mëëgi uuni, kiper u pëëö ka pïëc mo patha kare, nou manynya gïïa reyø wø nieŋ cwïnynyu køørge nee yïthu mïnge.

Jeemeth 5:16

Kiper manøgønø, køpu raay mou yïthakiyu keeru, ni lämu kiperu keeru, kiper nee dëëtu wø jöönge. 'Ba lam ŋat mo beer jïre da teek mo dwøŋ døc ki man tïïc jammi ni cööpge karge.

1 Jøøn 2:3

Ni näk luup moa cem Jwøki yøø gwøø, beeye noo ŋääø gø ni eni ŋääø.

1 Jøøn 5:14

Ni man beeye ŋäädhe man wø ŋäädhø eni ki gø, ni ni näk eni pëënynyø pëënynyö ki gïrpiny keda mano manynye, döötø wïnynye wïnynyö.