1 Jøøn 3:21 - Wëël Jwøk

²¹ Omëëya, ni näk cwïnynyø ba päri, Jwøk yøø ŋäädhö møn,

1 Jøøn 3:21 Iomraidhean Croise

Jööp 22:26

'Ba ka adïëri møn, yiï omïnni ki eni na en teeki jïre, ni wëëgï täärnyïmï løø maal baŋe, eni na Jwøk.

Jööp 27:6

Aani, bëëtö mara na tiir puta ka mak naa ba ö wøk yie na bäre. Cwïnya a ba jääle, këël kanyo bëëda naa poot kwøw.

Wëëlö Mana Göör Pøølli Baŋ Jø Röm 14:22

'Ba ŋäädhe marï wiiï yïthakiyu ki Jwøk. Gwïëth en jï ŋat wø bäŋ gïn jääl dëëre kiper gø kiper gïn wø jïëe.

1 Körin 4:4

Bäŋ gïn mo ŋääa mo obøth mo raa daa jäälö kipere, 'ba gïnögø a käre ŋunnö, 'ba beeye Wuuö noo ŋøl mara piny.

2 Körin 1:12

'Ba atöör marwa beeye en, kiper ŋäcwa ki cwïnywa ni waana bëëdö pinyi en ki bëëtö mana en kur keere na käl baŋ Jwøk, ni bäŋ atade yie, ni kadha bëëtö mana beetwa nyïmmu. Ni bëëtö marwa ba käl ri riek waŋ mar pinyi en, 'ba käla ri met yi Jwøk.

Epeca 3:12

eni na mooc cwïnynyø ki cer ki man ŋääø gø ni jïïø da jöö man cøø nyïm Jwøk ki køør mana ŋäädhø eni.

1 Timöthi 2:8

'Ba mana manynya nø, jiy doo lämö yïth kwörögø bëët, ni dëëtge ege cïp kur keerge, ni thaaŋge ceŋge jï Jwøk ni bäŋ gootø wala wëër.

Ibaru 10:22

beerra man nyiigø kany mo cään ki cwïny ma adïëri, ni ŋäädhe päl cwïnynyø, ni cwïnynyø ojørø ni leer, ni bäŋ raay mo pär cwïnynyø ki ge, ni dëëtø olwøø ki pïï mo tøŋ.

Ibaru 4:16

Kiper manøgønø, beerra man nyiigø buut wäl met ec ni yøø ŋäädhö, kiper nøø jïtø ki bäth ec, ni joodø met ec mano køny øøni kany wø cännø.

1 Jøøn 2:28

'Ba kawaane, u ni therø, bëëdu ree, kiper kanyo ööe nee cwïnynyø dee ŋäädhe, ni ba kwalø dëëtø ki eni ni wïthø olää ki öönynye.

1 Jøøn 2:7

Omëëya, a ba göör dwøl mo nyään baŋu, 'ba beeye dwøl mana näk oruuö cøøn na en jïïu. Ni dwøl manøgø no oruuö enø beeye luumma wïnynyu.

1 Jøøn 3:2

Omëëya, øøna nyïï Jwøk ennø. 'Ba kïdö mano bëëdø ki gø poot ba nëëni. 'Ba ŋääø ni kanyo ööe ø tïmö kaamare. Kiper eno neenø keda man wø bëëde.

1 Jøøn 3:20

kany wø ö cwïnynyø wø pärge nyïme. Kiper Jwøk dwøŋŋa eni ki cwïnynyø, ni jammi bëët ŋääe.

1 Jøøn 4:17

Ni beeye gïnögø na thur mëërri kare cwïnynyø, kiper nøø bëëdø ni cwïnynyø da ŋäädhe kiper cäŋa näk cäŋ ŋøl luup. Kiper kany bëëdø pinyi en, ø bëëdö keda manø bëëde.

1 Jøøn 5:14

Ni man beeye ŋäädhe man wø ŋäädhø eni ki gø, ni ni näk eni pëënynyø pëënynyö ki gïrpiny keda mano manynye, döötø wïnynye wïnynyö.