1 Jøøn 3:2 - Wëël Jwøk

² Omëëya, øøna nyïï Jwøk ennø. 'Ba kïdö mano bëëdø ki gø poot ba nëëni. 'Ba ŋääø ni kanyo ööe ø tïmö kaamare. Kiper eno neenø keda man wø bëëde.

1 Jøøn 3:2 Iomraidhean Croise

Jööp 19:26

'Ba këël køør ränynyö mar buny dëëra man, aani, Jwøk poot jooda joodø ki rïŋ dëëra man.

Aydheea 56:5

a cïpö jïge ki nyeŋ ajiem yi øtø mara ki yi kiir mara, na nyeŋ mo wïc di paayø ki gø; ni beeye nyeŋ mo kaala obwöc cwøw ko obwöc mään moa dige nywølø. Aani, nyeŋ man wø bëëdö na bäre bäre ni ba ränynyi, cïba cïbö jïge.

Milkiya 3:2

?'Ba aŋa noo løny jïre ki man jïëny gïïo tägi dïcäŋo ööe? ?Na aŋa noo cuŋŋi kanyo pïïe? Kiper eni caala maac mo twøna warkey nee tïme ni tøŋ, ni caala caabuun man wø tïïc abïï ni tar.

Mathiew 5:8

«Gwïëth en bäät jø wø cwïnyge tar, kiper Jwøk neenge neenø.

Luk 17:30

'Ba otïmö kaawat manøgø dïcäŋo nyooth Wär Dhaanhø yie.

Luk 20:36

Ni ge ba maar thøø këët, kiper ge röömi ka nyïïatwiet maal, ni gena nyïï Jwøk, na nyïï duun wøk ki yi thøø.

Jøøn 1:12

'Ba jøøa jïëy ki eni bëët na ŋääth nyeŋŋe, amooe ki teek ki man tïmge na nyïï Jwøk.

Jøøn 11:52

ni paa kiper paac keere, 'ba kiper nee nyïï Jwøk moa näk okeethø tiet mïëri møøk nee cooŋ kanya ciel.

Jøøn 17:24

Awuuö, a manynya geni thuwø, ge na cïpï jïra, nee bëëtge ki aani na aciel kanyo ena yie, na ajiem mana cïpï jïra nee neenge, kaawat mana mëërï ki aani, ki mana täge ni piny poot kär caa.

Wëëlö Mana Göör Pøølli Baŋ Jø Röm 8:16

beeye Jwïëc Jwøk kiree ni wø cäänö na aciel ki jwïëyø ni øøna nyïï Jwøk.

Wëëlö Mana Göör Pøølli Baŋ Jø Röm 8:18

Kiper yaa caarø ni gïï leth ni nut ii ba doo rømø ki man pääri ka ajiem mano nyooth jïïø.

Wëëlö Mana Göör Pøølli Baŋ Jø Röm 8:19

Kiper jammi bëët moa näk ocwääc Jwøki ge koora kanyo nyooth nyïï Jwøk yie, ni nyeŋge ege peerø.

Wëëlö Mana Göör Pøølli Baŋ Jø Röm 8:29

Kiper jøøa ŋääe cøøn, ee miiø thuwø ki man tïmge ni kïtge caala kït Wääde, kiper nee eni tïme na kaa dï nyïïmëëe mo thööth.

1 Körin 13:12

'Ba kawaane jammi poot nëënö ni jïrri yi räŋi, 'ba kanyo tïme na kanyøca, dëëtø oneetø ni ø neeta nyeŋŋø. 'Ba kawaane a ŋäya mo thiinh keere, 'ba kanyøca oŋääa bäre, keda man ŋäc aani døøc en.

1 Körin 15:49

Kaawat man bëëdø en ni ø caala ŋata käl ri ŋøøm, øøno tïmö thuwø ni ø caala ŋata käl maal.

1 Körin 2:9

'Ba, kaawat man ii göörö en, ni «Gïï mo poot bäŋ waŋ mo oneen ge, wala ïth mo owïny ge, ni bäŋ cwïny ŋat mo odïët ge, beege gïïa jiiŋ Jwøki kiper jø wø mëër ki eni.»

2 Körin 3:18

Ni øøni bëët, ø neeta ajiem Wuuö ni bäŋ abïï mo orïëp wïthø, ni øøno røø ni ø caala kïte ni øøno wëëk koor ajiem man nø ni cøøø baŋ man nø. Ni gïnögø wø ööi ka baŋ Wuuö na näk Jwïëc Jwøk.

2 Körin 4:17

Kiper gïn ni thiinh ni leth noo laar pöödhö en, jiiŋŋa waani kiper ajiem mana näk adïëri na näk bäŋ cuŋŋe na bäŋ gïn pääri ki gø.

Galeecia 3:26

Kiper uuna wäät Jwøk bëët ki køør mana ŋääthu Krictø Jecu.

Galeecia 4:6

'Ba kiper mana näk uuna wääte, Jwøk Jwïëc Wääde ajääŋŋe yïth cwïnynyø, ni wø jwöŋi na «Abba, Awuuö.»

Pilipay 3:21

ŋato wiil dëëtø moi ni reyø ii, ni tïïc ge ni caala dëëre na näk dëër ajiem, ki køør teek man wø en jïre ki man tïïc jammi bëët ni leŋa mare.

Köløcia 3:4

'Ba kanyo ö Krictø, ŋata näk kwøw marø, noo nyooth ree, uuni thuwø, dëëtu onëëni ki eni na aciel ka ajiem.

Ibaru 9:28

Kaawat manøgø thuwø Krictø na cïp yie aciel keere nee raac jiy mo thööth kääre, ocäŋ duuö, ni ba ööi kaper raay nee kääre, 'ba oööi ni piema jø wø koor eni.

2 Piter 1:4

Ni beeye køør gïï ii, na wëëk ø jape na døøŋŋø na perge leth na buue, kiper nou bøthu ki ränynyö ni en piny ni wø ööi ki køør gïïa reyø ni wø nieŋ cwïnynyi køørge, nou tïmu nou nywaaga bëët Jwøk.

1 Jøøn 2:28

'Ba kawaane, u ni therø, bëëdu ree, kiper kanyo ööe nee cwïnynyø dee ŋäädhe, ni ba kwalø dëëtø ki eni ni wïthø olää ki öönynye.

1 Jøøn 2:7

Omëëya, a ba göör dwøl mo nyään baŋu, 'ba beeye dwøl mana näk oruuö cøøn na en jïïu. Ni dwøl manøgø no oruuö enø beeye luumma wïnynyu.

1 Jøøn 3:1

Neennu a mëër mo nyïëdi na wëëk Wuue øøni, ki man cwøl øøni ni øøna nyïï Jwøk, ni näk adïëri. 'Ba gïn wø ö pinynyi wø kuc øøni, beeye kiper mana kuc eni.

1 Jøøn 3:10

Ni beeye gïnögø noo joot jø wø näk nyïï Jwøk ki jø wø näk nyïï anägö. 'Ba ŋat wø ba tïïc gïn mo beer, ki ŋat wø ba mëër ki coki, patha mar Jwøk.

1 Jøøn 3:21

Omëëya, ni näk cwïnynyø ba päri, Jwøk yøø ŋäädhö møn,

1 Jøøn 5:1

Jiy bëët mo wø jïëy ni Jecu beeye Krictø, gena nyïï Jwøk, ni jiy bëët mo wø mëër ki wuuö, ge mëër ki nyey thuwø.

Mana Nyooth 2:28

«Ni wëëga cëëy amöölla eni.

Mana Nyooth 22:4

Geni täärnyïme oneenge, ni ö nyeŋŋe ni en täärnyïmge.