1 Jøøn 3:18 - Wëël Jwøk

¹⁸ U ni therø, kärø mëër ki dhøgø jaak wala cäänö, 'ba mëërø ki ri tïïe ka adïëri.

1 Jøøn 3:18 Iomraidhean Croise

Bwøth Wøk 33:21

Køøre Wuuö Jwøk aköö, ni «Neenï, da kany mo ena buuta, ni løny jïrï ki man cuŋŋï bäät kïdi kaace;

Edhikiel 33:31

Jiy ööa baŋï kaawat man wø tïïc dhaanhe jaak, ni pïge piny nyïmï kuna wïnyge luup moï kede gena jiya, 'ba ba kïthge bäät tïïc. Geni, ge cara luup mo beyø ki dhøkge, 'ba cwïnyge caara gïï mo reyø ki møt.

Luk 7:5

kiper eni mëër ki pøø ni øt acooŋ lam marø geera eni.»

Jøøn 17:19

Ni raa yaa cïbö kur keera kiperge, nee rege cïpge kur keerge thuwø ni ge ŋäya adïëri.

Wëëlö Mana Göör Pøølli Baŋ Jø Röm 12:9

Beerra man mëërru ki mëër mo ree bäŋ atade. Männu ki gïno raac ni magu gïno beer.

Galeecia 5:13

'Ba nyïïmera, uuna cwøl nou bëëdu ni uuno pädö. 'Ba kär nou tïïya pät maru ni beeye jöö man tïïyu mo dëël ki gø. 'Ba ŋati man nø beerra man tïny ŋati man nø ki køør mëër.

Epeca 4:15

'Ba ø doo caana adïëri ni ø mëër, ni ø døøŋŋø ki yïth jammi bëët ki ri Krictø, eni na en wïth jammi bëët,

1 Thecalönika 1:3

Ni wa lääŋŋa tïïc maru nyïm Jwøø na näk Wääø, ni wø tïïyu ki køør ŋäädhe, ni uuno ööl ki køør mëër, nou bëëdö ni dëëtu you maaø ri ŋäädhe mana ŋääthu Kwääyø ma Jecu Krictø.

1 Piter 1:22

'Ba na tïme ni cwïnynyu you døøc mo tar kiper mana leŋŋu adïëri ni jït cwïnynyu ki mëëc nyïïmëëe ma adïëri, putu bëëtö nou mëër ki røgu ki cwïnynyu bäre.

1 Jøøn 2:1

Nyïïa, u ni therø, a gööra luubö man baŋu kiper nou ba bääyu. 'Ba ni näk da ŋat mo bääyö, jïïø da ŋat mo ena kurø buut Wuuö, ni beeye Jecu Krictø na beer.

1 Jøøn 3:7

U ni therø, kär dee ŋat cøøk uuni. Ŋat wø tïïc gïn mo beer, eni beer keda mar Krictø na beer.

2 Jøøn 1:1

Aana jaan acooŋ Jwøk naa määtha dhaaŋŋa näk ojierø ki nyïïe, jøøa mëëra ki geni ki ra adïëri, ni patha a keera, 'ba këël jøøa ŋäc adïëri bëët thuwø,

3 Jøøn 1:1

Aana jaan acooŋ Jwøk, naa määtha ïïni, ï na Geea, ï na nyawatwa mana mëëra ki gø ki ra adïëri.