1 Jøøn 3:17 - Wëël Jwøk

¹⁷ ?'Ba ni näk da ŋat mo jïre da jap piny ni neen coki ni can, ni mec waŋe ki gø, mëëc Jwøk bëëde cwïnye nidïï?

1 Jøøn 3:17 Iomraidhean Croise

Pwöc Leec Wïc 12:10

Dhaanhø mo mare beer, wø cädö kiper bëët lääy mare, 'ba pänh cwïny mar ŋata raac beeye ki man tïïc gïn mo raac dëër lääy.

Pwöc Leec Wïc 14:31

Ŋat wø tïïc gïn mo raac dëër dhaanhø mo can, janynya Jwøk na cwääc ŋatøgø, 'ba ŋat wø nyooth mëër jï ŋata can wøøra Jwøk na cwääc ŋatøgø.

Pwöc Leec Wïc 19:17

Ŋat wø nyooth mëër ni wø cïpi jï jøøa can mooya Wuuö Jwøk; eni cun Wuuö Jwøki cunnö kiper gïna beer na tïïe.

Pwöc Leec Wïc 21:13

Ŋat wø dhïŋ ïthe ki jwøk dhaanhø mo can, eni ki dëëre ojwöŋi ni mare ba wïnynyi.

Pwöc Leec Wïc 28:9

Ŋat wø løø ïthe wøk ki man ba wïny ciik Jwøk, këël lam mare kiree tïmö na gïn mo yi Jwøk raac ki gø.

Luk 3:11

Ni løk gø jïge, «Ŋato jïre da abïïe ariiø, wär pääŋŋe ki ŋato jïre bäŋgø. Ni ö ŋato jïre da cam, ni mooc ŋato näk jïre bäŋgø thuwø na enønø.»

2 Körin 8:9

Kiper met yi Kwääyø ma Jecu Krictø ŋäyu, ni eni këël na näk mo okwär, acännö kiperu, kiper nou kwärru ki køør canne.

Ibaru 13:16

Kär tïï gïïa beyø weyu, ki nywaak gïïa en jïïu. Kiper teeŋ muuce moøgø, Jwøk yie met ki geni.

Jeemeth 2:15

'Ba ni näk cöögu ma dïcwøø wala nyakøø cäädhi ka dëëre ni bäŋ abïïe ni manynya cam,

Jeemeth 2:16

ni kö dhaanhe acielli dïïu, ni «Beer, ciï ki met ec, ïïno jäŋ ni lëënh dëërï,» ni cam ki gïïa many dëëre käre cïbö jï gø, ?agïnaŋø ni beer ri gø?

1 Jøøn 4:20

Ni näk da ŋat mo köö, na «A mëër ki Jwøk,» ni mäne ki coki, ena dïtwöt. Kiper ŋat wø ba mëër ki coki na näk ee neenø, ba løny ki man mëëre ki Jwøk na näk käre neenø.

1 Jøøn 5:1

Jiy bëët mo wø jïëy ni Jecu beeye Krictø, gena nyïï Jwøk, ni jiy bëët mo wø mëër ki wuuö, ge mëër ki nyey thuwø.