1 Jøøn 3:16 - Wëël Jwøk

¹⁶ 'Ba gïna ŋääø mëër, ŋääø kaper mana ö Jecu na cïp jwïëye kiperø. Ni øøni thuwø, jwïëyø døø cïbö kiper nyïïmëëe.

1 Jøøn 3:16 Iomraidhean Croise

Mathiew 20:28

kaawat man bëët Wär Dhaanhø en ni kär öö nee tïnynyi, 'ba eni ööi kaper nee jø møøk tïnynye, ni cïpa jwïëye na wïïdi kiper jiy mo thööth.»

Jøøn 10:11

Aana dïkwääy mana näk adïëri. 'Ba dïkwääy mana näk adïëri jwïëye cïbe cïbö kiper dïëk.

Jøøn 10:15

kaa mana ö Wuue ni ŋäc aani, ni ŋääa Wuuö thuwø. Ni aani jwïëya cïba cïbö kiper dïëk.

Jøøn 13:34

'Ba a wëëga uuni ciik mo nyään, ni mëërru ki røgu, keda mana mëëra ki uuni, kiper nou tïmu nou mëër ki røgu thuwø.

Jøøn 3:16

«Kiper Jwøk mëër ki jø piny døc, ni beeye na cïp Wääde ma aciel, kiper nee ŋato wäro jïëy ki eni ni ŋääth gø nee kwøe ki kwøw mana näk adïëri mo bäŋ cuŋŋe, nee ba ränynye.

Moa Tïïc Nyïïatwieli 20:28

'Ba kawaane gwøgu rou, ni gwøgu pïïth bäre, pïïdha cïp Jwïëc Jwøki na en kur keere ceŋŋu ni uuna dïkuye, na acooŋ Jwøk na joode ki køør remme caammu.

Wëëlö Mana Göör Pøølli Baŋ Jø Röm 16:4

Geni, jwïëcge ataakge kiper naa kwøa, ni patha a keera ni wø pwøc Jwøk kiperge, 'ba këël acook Jwøk mo juurre bëët thuwø.

Wëëlö Mana Göör Pøølli Baŋ Jø Röm 5:8

'Ba Jwøk mëëye ee nyoodhø jïïø, kiper kanya poodø ni øøna jø raay beeye kanya thøw Krictø kiperø.

2 Körin 4:12

Kiper manøgønø, thøø tïïö dëëtwa, ni ö kwøwi ni tïïe dëëtu.

Epeca 5:2

Ni caathu jöör mëër, kaamar Krictø na mëër ki øøni ni cïp dëëre kiperø na jëëdhi mo ŋwääö ni met no olämi man wø 'näk jï Jwøk.

Epeca 5:25

U na cwøw, mëërru ki määru kaamar Krictø na mëër ka acooŋ Jwøk ni cïp dëëre kiper gø,

Pilipay 2:17

'Ba ni näk aano tïmö kaamar ogweea ni køny aani bäät jëëdhi na näk ŋäädhe maru, yia met, ni yïthø met, karøbëët.

Pilipay 2:30

Kiper eni bøtha kany mo thiinh ki thøø kiper tïï Krictø, ni taak jwïëye, kiper mana dou tïïö jïra, nee thur kare.

1 Thecalönika 2:8

'Ba kiper mana mëërwa ki uuni døc, yïthwa met ki man nywaaø luumma nyään na met mar Jwøk ki uuni na aciel. Ni patha luum Jwøk keere, 'ba këël dëëtwa kiree, kiper uuna tïmö ni peru leth jïwa døc.

Tayta 2:13

kany poodø ni ø koora kanyo gwïëth øøni na ŋäädhø, noo nëën ajiem Jwøø na dwøŋ, ni beeye Pïëmi ma Jecu Krictø,

1 Piter 1:18

Kiper ŋäyu ni uuna wïïl wøk ki yïth uutjïëthe mou ni wø bäŋ gïn duuge jïïu na kwanynyu baŋ kwäyu, nou ba wiil ka teeŋ jap wø ränynyi, teeŋ ka gwel-bïrö wala warkey.

1 Piter 2:24

'Ba eni ki dëëre raay 'moø akääre ki rïŋ dëëre bäät jaath nee ø ba bëënnø raay, 'ba nee ø bëënnø moa beyø. Ni beeye ŋwiili moe na wëëk dëëtø jöönnö.

1 Piter 3:18

Kiper Krictø thuwø athøw kiper raay yie aciel na bäre bäre, ŋata beer na thuunh jøøa reyø, kiper nee ø kïth baŋ Jwøk, ki køør mana 'näk dëëre ni cäŋi wëëk kwøw ki ri jwïëy.

1 Jøøn 2:6

'Ba ŋat wø köö ni eni bëëdö ree doo cäädhö ki jööra cääth Jecu ki yie.

1 Jøøn 2:9

'Ba ŋat wø köö ni eni ena yi tar, ni män ki coki, eni poot ena yi muudhö.

Mana Nyooth 1:5

ki baŋ Jecu Krictø, na näk lïŋi mana näk adïëri, ŋata kwøŋ duu wøk ki yi thøø, eni na wïth nyeye mo piny. Ajiem ki rööny en jïre këël na bäre bäre, ŋata mëër ki øøni, na pät øøni ki remme yïth raay moø,

Mana Nyooth 5:9

Ni wärge ki duut mo nyään, ni köge, ni «Røma ïïni ki lwør wëëlö ni japï möönne moe. Kiper ïïna 'näk, ni wïïrï kwör jiy ki remmï kiper Jwøk, jøøa käl røk tuŋi bëët, ki dhøgi, ki wïth juurre, ki yïth mïëri bëët.