1 Jøøn 3:15 - Wëël Jwøk

¹⁵ Ŋat wø män ki coki, ena dïnääy, ni ŋäyu ni bäŋ dïnääy mo cwïnye da kwøw mana näk adïëri mo bäŋ cuŋŋe.

1 Jøøn 3:15 Iomraidhean Croise

Wïlöölö 27:41

Køøre Icøø cwïnye ajïtö ki gïn mo raac ki Jeekap kiper gwïëth mana joode baŋ wänni; ni ö Icøø ni cääne ki cwïnye keere, ni kööe, ni «Nïr kïmmö kiper thøw wära kare aløny ni cään; kar kaaca nø, coka ma Jeekap onääa.»

Mathiew 5:28

'Ba aani, a caana gø jïïu, ni ŋat wø neen dhaagø ni ee parø ki cwïnye, onø kännö ki luk ki gø ki cwïnye.

Maak 6:19

Ni ö Eerödia ni männe ki Jøøn, ni manynya man 'näk gø. 'Ba kär løny jïre.

Jøøn 4:14

'Ba ŋato wäro mäthi ki pïïo cïba jïre, ba näk riewi këët. 'Ba pïïo cïba jïre otïmö na jøøro mo kwödö yie, mo kännö ki kwøw mana näk adïëri mo bäŋ cuŋŋe.»

Jøøn 8:44

U käla ri wääu na näk anägö, nou manynya man tïïyu man wø many wääu. Eni, ena dïnääy këël ki kanya täge yie, ni bäŋ gïn manynye ra adïëri, kiper na bäŋe adïëri cwïnye. 'Ba kany wø caan tööt, eni caana gïr bëëtö mare, kiper na näk ena dïtwöt, ni beeye wää tööti.

Moa Tïïc Nyïïatwieli 23:12

'Ba na tïme na amöölla, jø Juuth atudö ki luubö ni lamge røkge, ni ge ba cämö wala maath këël mano 'näkge Pøøl.

Moa Tïïc Nyïïatwieli 23:14

Ni cige baŋ kwääc laam ki jaae, ni köge, ni «Dëëtwa alamwa døc ni cam ba maarwa bel, këël mano 'näkwa Pøøl.

Tiet Ciik 19:11

«'Ba ni näk da dhaanhø mo män ki watge, ni møør piny nyïme, ni ö maal, ni gøøc gø, ni thøøe, ni reŋ yi pääny aciel røk päänye moi na adäk ii,

Jeemeth 1:15

Køøre gïn wø nieŋ ri gø, wø jïtö ki nyey ni nywøl raay. 'Ba kany wø døøŋ raayi, wø käla thøø.

1 Piter 1:23

Kiper uuna cäŋ nywøllø nou nyärö, nou ba nywöli ka ri kunh wø ränynyi, 'ba u nywöli ka ri kunh wø ba maar ränynyö, ki køør luum Jwøk na kwøw ni wø bëëdö na bäre bäre.

1 Jøøn 2:11

'Ba ŋat wø män ki coki ena yi muudhö ni cäädha yi muudhö, ni kany wø ci yie kuue, kiper nyeŋŋe na cøøri ya muudhe.

1 Jøøn 2:9

'Ba ŋat wø köö ni eni ena yi tar, ni män ki coki, eni poot ena yi muudhö.

Mana Nyooth 21:8

'Ba mar jøøa lwäyö, ki jøøa näk kär jïëy, ki jøøa näk ocienø, ki dïnäk jiy, ki jø käp, ki jø thïëth, ki jø wø lam juu møøk, ki tööte bëët, marge beeye ciin yi naamo liel ki maa näk jïye keec ni lïëth døc, na näk beeye thøw oen cään.»