1 Jøøn 3:14 - Wëël Jwøk

¹⁴ Ŋääø ni øøna pööth wøk ki yi thøø ni cøø yi kwøw, kiper mana mëërø ki nyïïmëëe. 'Ba ŋat wø ba mëër, poot ena yi thøø.

1 Jøøn 3:14 Iomraidhean Croise

Pwöc Leec Wïc 21:16

Ŋat wø gaa wøk ni wec jöör leec wïc, ree ojwöme kar jøøa no othøw.

Mathiew 25:40

«'Ba odwøk nyeya jïge, na ‹Adïëri møn, a cäänna uuni, ni gïna tïïyu jï dhaanhø aciel mo thiinhnha kare dï moi na nyïïmera ii, gïnögø tïïyu jïra.›

Luk 15:24

Kiper wääda man en athøw, 'ba acäŋ kwøwø. Ni rwäänye, ni cäŋi jootø.› Ni mïn yïthge.

Luk 15:32

'Ba beeye gïn ma wøp ki man kwäägø ni mïn yïthø, kiper coku man en athøw, 'ba acäŋ kwøwø. Ni rwäänye, ni cäŋi jootø.› »

Luk 7:5

kiper eni mëër ki pøø ni øt acooŋ lam marø geera eni.»

Jøøn 13:35

Beeye noo ŋäyi ya jø bëëti ni uuna bääga, ni näk mou mëër ki røgu.»

Jøøn 15:12

«Man beeye dwøra, ni mëërru ki røgu keda mana mëëra ki uuni.

Jøøn 15:17

Man beeye ni caana jïïu en, ni ‹Mëërru ki røgu.›

Jøøn 5:24

Adïëri møn, a caana gø jïïu, ni ŋat wø wïny luumma ni jïëe ki eni na jääŋ aani, ree da kwøw mana näk adïëri mo bäŋ cuŋŋe. Ni eni ba doo cøøa kar ŋøl luup. 'Ba eno nø ö wøk ri thøø ni ci yi kwøw.

2 Körin 5:1

Kiper ŋäcwa ni ni näk abïl bëëtwa yie pinyi en onyaaø, jïwa da øtø baŋ Jwøk, mo ba tïïc ka ceŋ, ni beeye øtø mana näk adïëri na en maal ni wø bëëdö na bäre bäre.

Galeecia 5:22

'Ba nyïëdi mo wø ööi ki ri Jwïëc Jwøk, beege mëër, ki met ec, ki bëët-mëër, ki bäŋ jøømø, ki bäth ec, ki køny, ki ŋääth dhaanhø,

Epeca 1:15

Kiper manøgø nø, na wïnynya gøøni ni Kwäärö ma Jecu you ŋäädhö møn, nou mëër ki jø Jwøk bëët,

Epeca 2:1

'Ba Jwøk uuna tïïe nou kwøw kanya bëëdu ni uuno thøw kiper gïïa dhallu ki japa reyø na tïïyu,

Köløcia 1:4

Kiper awïnywa ni uuno jïëy ni ŋääthu Krictø Jecu, ni wïnywa mëër maru, nou mëër ki jø Jwøk bëët,

1 Thecalönika 4:9

'Ba kiper mëër man mëërru ki nyïïmëëe, u ba many ŋat göön baŋu kipere, kiper u ki dëëtu, uuna pwöny Jwøki ki man mëërru ki røgu.

Ibaru 13:1

Bëëdu nou mëër ki dëëtu ki mëëc nyïïmëëe.

1 Piter 1:22

'Ba na tïme ni cwïnynyu you døøc mo tar kiper mana leŋŋu adïëri ni jït cwïnynyu ki mëëc nyïïmëëe ma adïëri, putu bëëtö nou mëër ki røgu ki cwïnynyu bäre.

1 Piter 3:8

'Ba luubö mana dööŋ keere nø, uuni bëët, beerra man dwallu cwïnynyu na aciel, ni bëëdu ni cwïnynyu jööt, ni mëërru ki nyïïmëëe, ni cwïnynyu lïëth ki køny, nou bëëdö nou mwöl.

2 Piter 1:7

ni kuurru bëët jöör Jwøk ki mëëc nyïïmëëe, ni kuurru mëëc nyïïmëëe ki mëër.

1 Jøøn 2:3

Ni näk luup moa cem Jwøki yøø gwøø, beeye noo ŋääø gø ni eni ŋääø.

1 Jøøn 3:23

'Ba gïna ceme beeye en, ni jïëø ki nyeŋ Wääde ma Jecu Krictø, ni mëërø ki røgø keda mana kööm øøni.

1 Jøøn 4:12

Bäŋ dhaanhø mo oneen Jwøk. Ni näk mo ø mëër ki røgø, Jwøk bëëdö dëëtø, ni mëëye othur kare cwïnynyø.

1 Jøøn 5:13

A gööra luubö man baŋu, u no ojïëy ki nyeŋ O Jwøk, nee ŋäyu ni jïïu da kwøw mana näk adïëri mo bäŋ cuŋŋe.

1 Jøøn 5:2

'Ba beeye gïn en noo ŋääø gø ni ø mëër ki nyïï Jwøk, beeye man bëëdø ni ø mëër ki Jwøk ni leŋø moa ceme.