1 Jøøn 3:12 - Wëël Jwøk

¹² ni ba tïmø kaamar Keen, eni na dhaanh ŋata raac na 'näk coki. ?Aperŋø na 'näk gø? Nääe kaper tïïe moe na reyø, ni ö mo coki ni becge.

1 Jøøn 3:12 Iomraidhean Croise

Wïlöölö 4:25

Køøre Adam acäŋ ci baŋ cïïe ni nyööt cïïe ki nyilaal ma dïcwøø, ni cak nyeŋ gø ni Cëth; ni kö Iipi, ni «Jwøk acäŋ cïpö ki dhaanhø mør jïra na kar Eebel na 'näk Keenni.»

2 Camiel 13:22

'Ba Abëcëlöm aput bëëtö ni bäŋ gïn mo ee caanø ka Amnön; kiper Abëcëlöm amännö døc ka Amnön kiper mana ö Amnönni na mak coki ma Tamar ki teek ni bute ki gø na dhaagø.

Pwöc Leec Wïc 27:4

Wëër cïïmma tïïc gïï mo reyø ni räänyö kaamar jwïïö. ?'Ba aŋa ni maar cuŋŋö nyïm ŋat mo cwïnye okëënynyö?

Pwöc Leec Wïc 29:10

Jø wø køny rem jiy piny män ki ŋat mo mare tiir, ni ge manynya jwïëc jøøa marge thïïŋ.

Pwöc Leec Wïc 29:27

Jøøa marge beer yïthge reyø ki jø wø tïïc gïï mo reyø, ni ö jøøa reyø ni raac yïthge ki jøøa marge thïïŋ.

Mathiew 13:19

Kany wø ö dhaanhe wø wïny luum buya käl maal ni ba kwany tier gø, ŋata raac wø öö ni juth gïna näk opiith cwïnye wøk. Manøgø caala mana näk ojør thääŋ jöö.

Mathiew 13:38

Ni pwödhö beeye piny. Ni köödhi moa näk wøpe beege wäät buya käl maal. Ni luuma raac beeye wäät ŋata raac.

Mathiew 23:35

'Ba kwör rep jøøa beyø na køny piny bäät piny oduu bäätu, ni tägi ka rem Eebel na näk mare beer këël mano këët ri rem Dhekaraya o Barakia, ŋata 'nägu yaakic Øt Jwøk Mana Dwøŋ ki gïn wø cïp olämme bääte.

Mathiew 27:23

Ni dwøgi ya Paylati jïge, na «?Aŋø, agïnaŋø na raac ni ee tïïö?» 'Ba kaagønø, lwaak aput rëëdö døc ni kaala mana dïkwøŋ, ni «Eni gur bäät jaadha no odëëdö!»

Mathiew 5:37

'Ba dwøl man wø caannu wär bëëde kare, nee maru jïëy wala maru kweer. 'Ba ni näk mo kööŋ meedu bääte, maneca käla baŋ ŋata raac.

Luk 11:51

ni tägi ka rem Eebel këël mano këët ri rem Dhekaraya, ŋata nää yaakic gïn wø cïp olämme bääte ki Øt Jwøk. Adïëri møn, a cäänna uuni, ni kwöri moøgø ocool ri beenhnhi en.

Jøøn 10:32

Ni løgi ya Jecu jïge, «Aani tïïe mo thööth mo beyø mo käla baŋ Wära, anyoodha jïïu. ?A manaŋø nø dëëtge noo këëru aani kipere?»

Jøøn 8:40

'Ba kawaane u caya man 'nägu aani, ni aana ŋat maa caana adïëri jïïu mana wïnynya baŋ Jwøk. Manøgøøni patha mana tïïc Eeberammi.

Jøøn 8:41

'Ba u bëëdö nou tïïya mana tïïc wääu.» Ni köge jïre, ni «Wa kär nywølø ni waana wäät kääpe. Jïwa da wääwa aciel, na näk beeye Jwøk.»

Moa Tïïc Nyïïatwieli 7:52

?A nyikuŋ Jwøk mane na kär caar kwäyu? Geni, jøøa køp ööny ŋata mare beer kanya poode anäkge, 'ba uuni nø, ŋatøgø acïbu ceŋ nyïïmän ni 'nägu gø,

1 Thecalönika 2:14

Kiper uuni, nyïïmera, uuna tïmö ni maru röömi ki mo acook Jwøk moa en yi Judia ki nyeŋ Krictø Jecu. Kiper gïïa jwørru baŋ jø pou aciel ki moa jwørge baŋ jø Juuth,

Ibaru 11:4

Ni beeye ŋäädhe, na ö Eebelli na cïp olämi mana tïmö ni beerra eni jï Jwøk ki mar Keen, ni beeye na jïëc eni ni eni beer ki køøre, kanya ö Jwøki na jïëe ko olämme moa cïbe. 'Ba këël na thøøe, eni poot luubö ki køør ŋäädhe mare.

Ibaru 12:24

ki baŋ Jecu na näk nyïjöö mar luumma nyään na tuut, ki baŋ remma jør, na näk meta dwøre ki dwør rem Eebel.

1 Piter 4:4

'Ba yïthge othäŋŋö kawaane kiper mana ba dwätu ki geni këët ri gïïa reyø ni wø rïïŋge køørge, ni tïmge ni ge janynya uuni.

1 Jøøn 3:8

'Ba ŋat wø bëëdö ni bääö, ena mar anägö, kiper anägö wø bëëdö ni bääö ki kanya täk pinynyi. Ni beeye na ö O Jwøki nee tïïe mo anägö raanynye.

Juut 1:11

Otïmö ni raac jïge. Kiper ge caatha jöör Keen, ni cïpge dëëtge cer bääyö mar Beelam kiper nee ge jïtge ki jammi, ni thøwge ra ageem Köra.

Mana Nyooth 17:6

Ni jooda dhaaŋŋøgø no omeer ki rem jø Jwøk ki rem lïŋŋe mo Jecu. 'Ba na neena gø, yia athäŋŋö døc.