1 Jøøn 3:10 - Wëël Jwøk

¹⁰ Ni beeye gïnögø noo joot jø wø näk nyïï Jwøk ki jø wø näk nyïï anägö. 'Ba ŋat wø ba tïïc gïn mo beer, ki ŋat wø ba mëër ki coki, patha mar Jwøk.

1 Jøøn 3:10 Iomraidhean Croise

2 Camiel 13:22

'Ba Abëcëlöm aput bëëtö ni bäŋ gïn mo ee caanø ka Amnön; kiper Abëcëlöm amännö døc ka Amnön kiper mana ö Amnönni na mak coki ma Tamar ki teek ni bute ki gø na dhaagø.

Mathiew 13:38

Ni pwödhö beeye piny. Ni köödhi moa näk wøpe beege wäät buya käl maal. Ni luuma raac beeye wäät ŋata raac.

Luk 6:35

'Ba mëërru ki nyïïmännu ni tïïyu gïï mo beyø jïge, ni wëëgu ge mäyö baŋu, ni bäŋ gïn mo ŋääthu ni duua baŋu. 'Ba uuno jïti ki gïn mo dwøŋ maalø, ni tïmu na wäät Jwøa Dwøŋ ni en Maal. Kiper eni ki dëëre mëëye wø nyuthe jø wø kuc dwøk met ec, ki jø raay.

Jøøn 1:12

'Ba jøøa jïëy ki eni bëët na ŋääth nyeŋŋe, amooe ki teek ki man tïmge na nyïï Jwøk.

Jøøn 11:52

ni paa kiper paac keere, 'ba kiper nee nyïï Jwøk moa näk okeethø tiet mïëri møøk nee cooŋ kanya ciel.

Jøøn 8:44

U käla ri wääu na näk anägö, nou manynya man tïïyu man wø many wääu. Eni, ena dïnääy këël ki kanya täge yie, ni bäŋ gïn manynye ra adïëri, kiper na bäŋe adïëri cwïnye. 'Ba kany wø caan tööt, eni caana gïr bëëtö mare, kiper na näk ena dïtwöt, ni beeye wää tööti.

Jøøn 8:47

'Ba ŋat wø näk dhaanh Jwøk, wø wïnynya luup Jwøk. 'Ba kiper na ba nägu mo Jwøk, beeye ni ba wïnynyu luupe.»

Moa Tïïc Nyïïatwieli 13:10

ni kööe jïgø, ni «Ïïni, ïïna wär anägö, niï män ki moa beyø bëët, ni cwïnyï päŋ ki cwøk, ni ïïna ŋat dïwït. ?Aŋø, gïnögø ba weyï bäre bäre ki man bëëdï niï tïïya uutjïëth Wuuö moa tiir no oköömmö?

Wëëlö Mana Göör Pøølli Baŋ Jø Röm 13:8

Kär dee pïïdö mar ŋat mør bäätu, 'ba tïme ni beeye mëër keere ki man mëërru ki røgu. Kiper ŋat wø mëër ki ŋat mør, ciik Jwøk ee thöörö.

Epeca 5:1

Kiper manøgønø, ŋwaallu mar Jwøk kaamar obwöre mo di mëërö ki ge.

Köløcia 3:14

'Ba dï gïïögø bëët, ŋäyu mëër keere, ni beeye ni wø dwal jammi bëët ni thurge karge ki cwïny aciel.

1 Timöthi 1:5

'Ba tier pwöc marø beeye mëër mo käla yi cwïny mo tar, ki bëëtö ma adïëri, ki ŋäädhe ma adïëri.

1 Jøøn 2:29

Ni näk ŋäyu ni mare beer, dou ŋääö ni jiy bëët mo wø tïïc gïno beer, nywøla eni.

1 Jøøn 3:1

Neennu a mëër mo nyïëdi na wëëk Wuue øøni, ki man cwøl øøni ni øøna nyïï Jwøk, ni näk adïëri. 'Ba gïn wø ö pinynyi wø kuc øøni, beeye kiper mana kuc eni.

1 Jøøn 3:2

Omëëya, øøna nyïï Jwøk ennø. 'Ba kïdö mano bëëdø ki gø poot ba nëëni. 'Ba ŋääø ni kanyo ööe ø tïmö kaamare. Kiper eno neenø keda man wø bëëde.

1 Jøøn 4:21

'Ba man en beeye dwøl mana jootwa baŋe, ni ŋat wø mëër ki Jwøk, doo mëër ki coki thuwø.

1 Jøøn 4:6

'Ba øøni, øøna mo Jwøk. Ŋat wø ŋäc Jwøk, marø wø wïnynye wïnynyö. 'Ba ŋat wø näk patha mar Jwøk, marø bäŋ wø wïnynye. Ni beeye gïnögø ni ŋääø jwïëy moa en ra adïëri, ki moa en ri cwøk.

1 Jøøn 4:8

'Ba ŋat wø ba mëër, Jwøk kuue, kiper Jwøk a mëër.

1 Jøøn 5:19

Ŋääø ni øøna mo Jwøk, ni piny bäre ena kur ŋata raac.

1 Jøøn 5:2

'Ba beeye gïn en noo ŋääø gø ni ø mëër ki nyïï Jwøk, beeye man bëëdø ni ø mëër ki Jwøk ni leŋø moa ceme.

3 Jøøn 1:11

'Ba omëëya, kär tïï raay ŋwaalï, 'ba ŋwaal gïn wø beer. Ŋat wø tïïc gïn mo beer, ena mar Jwøk. 'Ba ŋat wø tïïc raay, Jwøk poot käre joodø.