1 Jøøn 2:5 - Wëël Jwøk

⁵ 'Ba ŋat wø gwøk luumme, ŋatøca mëëc Jwøk othur kare cwïnye na adïëri. Ni beeye gïnögø noo ŋääø gø ni ø ena dëëre.

1 Jøøn 2:5 Iomraidhean Croise

Pwöc Leec Wïc 28:7

Nyilaal man wø gwøk ciik Jwøk, gïna beer ki gïna raac ŋääe, 'ba nyilaal man wø cäädhi ki jø wärö wø duua lään wïc jï wänni.

Pwöc Leec Wïc 8:32

«'Ba ennø, obwöre, wïnynyu mara; gwïëth en jï jø wø gwøk uutjïëth tïïe 'moa.

Luup Dïpööy 8:5

Ŋat wø gwøk dwør nyeya bäŋ gïn mo leth mo tïïc dëëre, ni ŋat mo wïïe leer da caa ma kare mo ŋääe ki man tïïc gïrpiny yie ki jöö ma kare.

Edhikiel 36:27

Aani, jwïëy 'moa kïtha dëëtu ni tïïa uuni nou cäädhu køør luup 'moa ni gwøgu ciik 'moa.

Luk 11:28

'Ba aløøe ni kööe, ni «Gwïëth doo ena ri jø wø wïny luum Jwøk ni gwøkge gø.»

Jøøn 14:21

'Ba ŋat wø ŋäc luupa ni gwøk geni beeye ŋat wø mëër ki aani. 'Ba ŋat wø mëër ki aani, Wära omëëyi ki gø, ni ööa ni mëëya ki eni ni nyoodha raa jïre.»

Jøøn 14:23

Ni løgi ya Jecu jïre, ni «Ni näk mo dhaanhø mëër ki aani, luumma gwøe gwøø, ni ö Wära ni mëëye ki gø, ni öwa baŋe ni bëëtwa ki eni na aciel.

Jøøn 15:5

Beeye aani na jaath, ni uuna bäät jaath. Ŋat wø bëëdö dëëra, ni bëëda ree beeye wø känni ki nyïëdi mo thööth. Kiper bäŋ gïn mo maaru tïïc ni näk maa tøør.

Jøøn 6:56

'Ba ŋat wø cam dëëra ni maath remma beeye wø bëëdö dëëra, ni bëëda ree.

Wëëlö Mana Göör Pøølli Baŋ Jø Röm 8:1

Kiper manøgønø, kawaane bäŋ ajäla bäät jø wø en dëër Krictø Jecu.

1 Körin 1:30

Ni beeye eni na kïth uuni dëër Krictø Jecu, ŋata tïïc Jwøki na leec wïc marø, na näk ŋata jïëc ø kipere, ni cïp ø kur keerø na mo Jwøk, na wïïl ø wøk.

2 Körin 5:17

Kiper manøgønø, ni näk mo dhaanhø ena dëër Krictø, eno cwääö ni nyään. Ni ö bëëtö mana näk oruuö ni aae, ni tïm jammi bëët ni nyärö.

2 Körin 5:21

Kiper ŋata kuc raay atïïe na ŋat raay kiperø, kiper nee ø bëënynyø ki beeny Jwøk ki køøre.

Jeemeth 2:22

?Aŋø, kärï joodø ni ŋäädhe mare cäädhi ka tïïe moe na aciel, ni thur ŋäädhe mare kare ki køør gïna tïïe?

1 Jøøn 3:24

Jiy bëët mo wø gwøk gïïa ceme wø bëëdö dëëre, ni en dëëtge. Ni beeye ki køør Jwïëc Jwøk na wëëk øøni ni ŋääø gø ni eni bëëdö dëëtø.

1 Jøøn 4:17

Ni beeye gïnögø na thur mëërri kare cwïnynyø, kiper nøø bëëdø ni cwïnynyø da ŋäädhe kiper cäŋa näk cäŋ ŋøl luup. Kiper kany bëëdø pinyi en, ø bëëdö keda manø bëëde.

1 Jøøn 4:18

Bäŋ lwär ri mëër. 'Ba mëër mana näk adïëri, lwär wø rieme wøk. Kiper lwär ena kur pöödö, ni ŋat wø lwäär, mëëye paa othur kare.

1 Jøøn 5:2

'Ba beeye gïn en noo ŋääø gø ni ø mëër ki nyïï Jwøk, beeye man bëëdø ni ø mëër ki Jwøk ni leŋø moa ceme.

1 Jøøn 5:20

'Ba ŋääø ni O Jwøk anø öö, ni mooc øøni ka acaara ki man ŋääø ŋata näk adïëri. Ni ø ena ri ŋata näk adïëri ki køør Wääde ma Jecu Krictø. Manøgø beeye Jwøk mana näk adïëri ni näk kwøw mana näk adïëri mo bäŋ cuŋŋe.

2 Jøøn 1:6

'Ba mëër beeye ki man caadhø køør gïïa cem. Ni mana ceme beeye en, keda mana wïnynyu gø cøøn, nou doo caatha køør mëër.

Mana Nyooth 12:17

Kanyøgø thwörögø awëër ki dhaagø, ni ci kuna këëde ki nyïïkwaac dhaaŋŋøgø møga, jø wø gwøk gïïa cem Jwøki, ni wø køp gïr Jecu.

Mana Nyooth 14:12

Manøgø nø, manynya jïëny gïï mo leth mar jø Jwøk, jø wø gwøk gïïa cem Jwøki, ni ŋäädhe marge na en ri Jecu ege maa ni teek.