1 Jøøn 2:28 - Wëël Jwøk

²⁸ 'Ba kawaane, u ni therø, bëëdu ree, kiper kanyo ööe nee cwïnynyø dee ŋäädhe, ni ba kwalø dëëtø ki eni ni wïthø olää ki öönynye.

1 Jøøn 2:28 Iomraidhean Croise

Aydheea 25:9

'Ba dïcäŋeca, jiy oköö, «Raŋŋu, man beeye Jwøk marø mana koorø nee ø pieme. Man beeye Wuuö Jwøk mana koorø; beerra man kanynyø ni mïn yïthø ki pïëm mare mana piem øøni ki gø.»

Aydheea 45:17

'Ba Icriel onø piem Wuuö Jwøki, ki pïëm mo bäŋ cuŋŋe. Eni wïïe ba lääy ni waŋe ba tïmö ni law këët ki yïth cwiiri bëët na bäre bäre.

Milkiya 3:2

?'Ba aŋa noo løny jïre ki man jïëny gïïo tägi dïcäŋo ööe? ?Na aŋa noo cuŋŋi kanyo pïïe? Kiper eni caala maac mo twøna warkey nee tïme ni tøŋ, ni caala caabuun man wø tïïc abïï ni tar.

Milkiya 4:5

«'Ba kanyo poode ni dïcäŋ mara, a na Wuuö Jwøk, poot kär öö, ni beeye dïcäŋo täk gïïa døøŋŋø yie, noo lwäärö ki gø, nyikugö mara ma Ilaaja ojääŋŋa baŋu.

Mathiew 16:27

Kiper Wär Dhaanhø öö ki nyïïatwiet maal moe ka ajiem wänni. Kanyøgønø, jiy bëët ocunne ki køør gïïa tïïcge.

Mathiew 16:28

Adïëri møn, acaana gø jïïu, ni da jø møøk mo cuŋŋö kany en, mo thøø ba jootge, ni Wär Dhaanhø poot kärge neenø ni öö ki bura mare.»

Maak 8:38

'Ba ŋato wäro wïïe laay ki nyeŋŋa, ki luupa, dï beenhnhø man ni wø kwier luum Jwøk, na jø raay en, Wär Dhaanhø wïïe olaay ki gø thuwø, kanyo ööe ki nyïïatwiet maal moa en kur keerge ka ajiem wänni.»

Luk 17:30

'Ba otïmö kaawat manøgø dïcäŋo nyooth Wär Dhaanhø yie.

Wëëlö Mana Göör Pøølli Baŋ Jø Röm 9:33

kaawat mana gööri, ni «Neennu, akïtha kïdi yi Dhayan, na kïdi mano cwany tiet jiy, na kïnno wëëk ge päänhnhö. 'Ba ŋato jïëy ki eni ni ŋääth gø, wïïe ba lääy.»

1 Körin 1:7

Ni tïme ni bäŋ muuy mar Jwøk mo tøør jïïu, kany poodu nou koora Kwääyø ma Jecu Krictø noo nyoodhi,

1 Körin 15:23

'Ba tïŋ maal ki yi thøø da kare kiper jiy bëët. Dïkwøŋ beeye Krictø na bwödhö ki tïŋ maal, 'ba kanyo ö Krictø, beeye kar jøøa en dëëre ki man tïŋ ge maal.

Epeca 3:12

eni na mooc cwïnynyø ki cer ki man ŋääø gø ni jïïø da jöö man cøø nyïm Jwøk ki køør mana ŋäädhø eni.

Köløcia 3:4

'Ba kanyo ö Krictø, ŋata näk kwøw marø, noo nyooth ree, uuni thuwø, dëëtu onëëni ki eni na aciel ka ajiem.

1 Thecalönika 2:19

?Kiper agïnaŋø noo ŋääthwa? ?Na agïnaŋø noo mïn cwïnywa kipere? ?Na a rööny mane noo töötwa kipere nyïm Kwääyø ma Jecu, kanyo ööe? ?Aŋø, patha uuni?

1 Thecalönika 3:13

Kiper manøgønø nee cwïnynyu tïïe ni ba jøøŋŋi ni ena kur keerge nyïm Jwøø na näk Wääø, yi cäŋo ö Kwääyø ma Jecu ki jiye bëët.

1 Thecalönika 5:23

'Ba Jwøk ki dëëre, ni wø cïp bëët-mëër, uuno tïïe nou ena kur keeru ki karu bäre, ni ö jwïëyu, ki kwøw maru, ki dëëtu, ni bëëtge na karge ni bäŋ ajäla røkge, kanyo ö Kwääyø ma Jecu Krictø.

1 Timöthi 6:14

ki man gwøgï mana cem Jwøki na kare, nee bäŋe ŋat jøøŋ gø këël mano neen Kwääyø ma Jecu Krictø.

2 Timöthi 4:8

'Ba køør man nø, Kwäärö, ŋata näk ŋøl mare adïëri, adun wø cïp jï jøøa beyø na kan kipera, omëëk aani dïcäŋöca. 'Ba ba mëëk a keera, 'ba omëëk jiy bëët mo wø mëër ki öönynye.

Tayta 2:13

kany poodø ni ø koora kanyo gwïëth øøni na ŋäädhø, noo nëën ajiem Jwøø na dwøŋ, ni beeye Pïëmi ma Jecu Krictø,

Ibaru 9:28

Kaawat manøgø thuwø Krictø na cïp yie aciel keere nee raac jiy mo thööth kääre, ocäŋ duuö, ni ba ööi kaper raay nee kääre, 'ba oööi ni piema jø wø koor eni.

1 Piter 1:7

kiper manøgønø, nee ŋäädhe maru na näk adïëri na pere letha eni ki warkey ni wø päänynyi ki maac këël na ŋääi ni ränynyö, nee känne ki pwøc, ka ajiem, ki wödö yi cäŋo nyooth Jecu Krictø yie.

1 Piter 5:4

'Ba kanyo nyooth Kwääy dïkwääye, uuno jïti ka adun ajiem man wø ba jøøl.

1 Jøøn 2:1

Nyïïa, u ni therø, a gööra luubö man baŋu kiper nou ba bääyu. 'Ba ni näk da ŋat mo bääyö, jïïø da ŋat mo ena kurø buut Wuuö, ni beeye Jecu Krictø na beer.

1 Jøøn 3:2

Omëëya, øøna nyïï Jwøk ennø. 'Ba kïdö mano bëëdø ki gø poot ba nëëni. 'Ba ŋääø ni kanyo ööe ø tïmö kaamare. Kiper eno neenø keda man wø bëëde.

1 Jøøn 3:21

Omëëya, ni näk cwïnynyø ba päri, Jwøk yøø ŋäädhö møn,

1 Jøøn 4:17

Ni beeye gïnögø na thur mëërri kare cwïnynyø, kiper nøø bëëdø ni cwïnynyø da ŋäädhe kiper cäŋa näk cäŋ ŋøl luup. Kiper kany bëëdø pinyi en, ø bëëdö keda manø bëëde.

1 Jøøn 5:14

Ni man beeye ŋäädhe man wø ŋäädhø eni ki gø, ni ni näk eni pëënynyø pëënynyö ki gïrpiny keda mano manynye, döötø wïnynye wïnynyö.

Mana Nyooth 1:7

Neennu! Eni öö ki yïth pøøl, ni ö nyeŋŋi bëët ni neenge eni, ki jiy bëët moa mooc dëëre ki ŋwiili. Ni ö jø pinynyi bëët ni kïmge ki gïre. Ni beeye kare, na enønø.