1 Jøøn 2:21 - Wëël Jwøk

²¹ A ba göön baŋu ni per na adïëri kuyu, 'ba beeye kiper mana ŋäyu gø, ni ŋäyu ni bäŋ tööt ra adïëri.

1 Jøøn 2:21 Iomraidhean Croise

Pwöc Leec Wïc 1:5

Beerra man ö ŋata wïïe leerri ni cek ïthe ki geni, ni meet geni bäät mana kwanye, ni ö eni ni wø joot tiet luup ni kwänynye ki pwöc.

Jøøn 18:37

Ni kö Paylati jïre, «?Aŋø, ïïna nyeya nø?» Ni løgi ya Jecu jïre, na «Acaanï na kare ni aana nyeya. Ni beeye na nywöl a kipere, ni beeye gïna ööa piny kipere, naa køpa gïr adïëri. 'Ba jiy bëët mo wø en ra adïëri, dwøra wø leŋge leŋø.»

Jøøn 8:44

U käla ri wääu na näk anägö, nou manynya man tïïyu man wø many wääu. Eni, ena dïnääy këël ki kanya täge yie, ni bäŋ gïn manynye ra adïëri, kiper na bäŋe adïëri cwïnye. 'Ba kany wø caan tööt, eni caana gïr bëëtö mare, kiper na näk ena dïtwöt, ni beeye wää tööti.

Jeemeth 1:19

'Ba ŋäyu gïn, nyïïmera, u na mëëra ki uuni. Beerra man ö ŋati man nø ni laar luubö wïnynyö, ni ba laar cäännö, ni ba laar wëër.

2 Piter 1:12

Kiper manøgønø, yia met ki man para wïthu cooth ki gïïögø, këël na ŋäyu geni, nou cuŋŋu nou teek ra adïëri na ŋäyu.

1 Jøøn 3:19

Ni beeye gïnögø noo ŋääø gø ni ø ena ra adïëri, ni beeye noo cøm cwïnynyø nyïme,

Juut 1:5

'Ba kawaane a manynya man para wïthu, këël na näk you nø wïnynyö ni beer, ni Wuuö Jwøk na piem jiy yi ŋööm jø Ijep, jøøa näk kär jïëy ni ŋääthge acäŋ raanynyø.