1 Jøøn 2:20 - Wëël Jwøk

²⁰ 'Ba uuni, uuna jør ŋata en kur keere na näk mar Jwøk ki maaw, ni jammi bëët ŋäyu.

1 Jøøn 2:20 Iomraidhean Croise

Pwöc Leec Wïc 28:5

Jøøa reyø tier ŋøl ma adïëri bäŋ wø ci cwïnyge, 'ba jø wø many Wuuö Jwøk tier gø wø cøøa cwïnyge bäre.

Aydheea 43:3

Kiper bee aani na Wuuö Jwøk, Jwøk marï, a na Jwø Icriel na en kur keere bee aani na pïëmï marï. Ijep anø coola karï, ni ö Kuuci ki Ceba ni nø wiila ge ki ïïni.

Aydheea 61:1

Jwïëc Kwäärö Wuuö Jwøk ena bääta, kiper Wuuö Jwøk aana jiere nee luubö mo nyään mo met caana jï jøøa can. Ni jääŋ aani nee jiy moa näk cwïnyge opädhö nee cwïnyge cøma, nee luum pät mar jøøa no omaa ki tøŋ ki jøøa no otwöö nee køba jïge,

Jeremaya 31:34

Ni këël doo bëëdö ni bäŋ ŋat pwöny watge ki coki, ni ‹Bëëdï niï ŋäya Wuuö Jwøk,› geno bëëdö naa ŋäcge bëët, ni tägi ka jiy moa kwörge therø këël jiy moa kwörge døøŋŋø; kiper gïïa bacge wiia wiiø, ni ba para wïïa ki raay moge këët.» Luummögø caana Wuuö Jwøki.

Ciik Kiper Dïlämme 7:35

Gïïögø beege gïïa cïp kur keerge jï Aran ki wääte dïcäŋa nyooth geni ki man tïnyge Wuuö Jwøk ni gena dïlämme, ni gïïögø lwørra røk olämme mo wø waaŋ ki maac jï Wuuö Jwøk.

Mathiew 13:11

Ni dwøk gø jïge, ni «Beeye uuni na wëëk ŋäc tiet luup moa näk tietge okwøŋ kan kiper buya käl maal. 'Ba jø møga, tier gïnögø kär cïbö jïge nee ŋäcge.

Maak 1:24

Ni ö eni ni put köö ki dwøl mo päl, na «?Agïnaŋø noo tïïyï ki waani, ï na Jecu nyï Nadhareth? ?Ï ööa kuna raanynyï waani? Ï ŋääa, ni ïïna ŋata en kur keere, na näk mar Jwøk.»

Luk 4:18

ni «Jwïëc Wuuö Jwøk ena bääta, kiper aana jiere nee luumma nyään na met caana jï jøøa can. Ni jääŋ aani nee pät mar jøøa näk otwöö køba jïge, ki døøn nyeŋ karge jï cööye, ni päda jøøa näk odïïmö,

Luk 4:34

ni «?Wui, ï na Jecu nyï Nadhareth, agïnaŋø noo tïïyï ki waani? ?Ï ööa kuna raanynyï waani? Ï ŋääa, ni ïïna ŋata en kur keere na näk mar Jwøk.»

Jøøn 14:26

'Ba Dïkunyi na näk Jwïëc Jwøk na en kur keere, ŋato jääŋ Wuue ki nyeŋŋa, uuno pwönynye ki jammi bëët, ni par wïthu ki jammi bëët moa kwøŋa caan jïïu.

Jøøn 16:13

'Ba kanyo ö Jwïëc Jwøki ni wø cïp adïëri, moa näk adïëri bëët onyoodhe jïïu. Kiper eni bäŋ gïn mo caane ki wïïe keere, 'ba man wäro wïnynye beeye noo caane. 'Ba japo tägi yi nyïm, ocaane jïïu.

Moa Tïïc Nyïïatwieli 10:38

ki mana ö Jwøki na jør Jecu nyï Nadhareth ki Jwïëc Jwøk na en kur keere, ni mooc gø ki teek, ki kanya cäädhe ni tïïya gïï mo beyø, ni køny jøøa näk oraany anägö bëët. Kiper Jwøk ena buute.

Moa Tïïc Nyïïatwieli 3:14

'Ba eni na näk mar Jwøk na en kur keere na mare beer akwierru, ni pëënynyu dïnääy nee cïp jïïu,

1 Körin 2:15

'Ba ŋat mo cwïnye ena køør Jwøk, tiet jammi bëët wø joode joodø, 'ba eni ki dëëre doo bäŋ ŋat mo tiir eni.

Ibaru 1:9

'Ba ï mëër ki bëëtö mo beer niï män ki raay; kiper manøgø nø, Jwøk na näk Jwøï ïïna jøre ki maar met ec, ni kaala mar nyïïawäätu.»

Ibaru 8:11

ni bäŋ ŋat mo pwöny wati wala coki, mo köö, ni ‹Beerra man ŋäyï Wuuö Jwøk,› kiper aano ŋäcge bëët, ni tägi ka jiy moa kwörge therø këël moa kwörge døøŋŋø.

1 Jøøn 2:27

'Ba uuni, jør maaw mana jootu baŋe ena cwïnynyu, ni bäŋe ŋat mo manynyu nou pwönynye, kiper jør maaw mare beeye wø pwöny uuni ki jammi bëët, ni beeye adïëri, ni patha tööt. 'Ba bëëdu ri Krictø, keda mana pwöny uuni.

1 Jøøn 4:13

Ni beeye gïn en ni ŋääø gø ni ø bëëdö dëëre, ni bëëde dëëtø, kiper mana mëëk Jwïëye øøni.

Juut 1:5

'Ba kawaane a manynya man para wïthu, këël na näk you nø wïnynyö ni beer, ni Wuuö Jwøk na piem jiy yi ŋööm jø Ijep, jøøa näk kär jïëy ni ŋääthge acäŋ raanynyø.

Mana Nyooth 3:7

«Ni göötï baŋ nyïïatwiel maal mar acooŋ Jwøk mana en yi Piladelpia, ni kööï, ni «Moi beege luup ŋata en kur keere, na näk adïëri, ni en muktään Deebit cere, ŋat wø jäbö, ni bäŋ ŋat mo dëët gø, ni wø cïëö ni bäŋ ŋat mo jap gø:

Mana Nyooth 4:8

'Ba gïïo na aŋween ni kwøw yøø ni dëëtge ogääbö ki nyeŋ ki wøk ki yïthge, man nø dëëre da bwöm abïciel. Ni wärre ki cääŋŋe duut ba cöök dhøkge, ni duut man wø wärge beeye en: «Kwäärö Jwøk na en teeki jïre, ena kur keere, ena kur keere, ena kur keere, ŋata nut cøøn, ni nut en, ni beeye eni no ööi.»