1 Jøøn 2:18 - Wëël Jwøk

¹⁸ Obwöre, man a aŋuun caa. 'Ba keda mana wïnynyu gø ni nyimän Krictø öö, kawaane jiy mo thööth mo män ki Krictø aöö. Kiper manøgønø, ŋääø nø, ni man beeye aŋuun caa.

1 Jøøn 2:18 Iomraidhean Croise

Mathiew 24:11

'Ba nyïïkuk Jwøk mo thööth mo patha adïëri rege othïïŋge ni maaŋge wïth jiy mo thööth.

Mathiew 24:24

Kiper Kricte mo patha adïëri ki nyïïkuk Jwøk mo patha adïëri, rege othïïŋge ni tïïge ki ŋïïce mo døøŋŋø ki gïï mo rëëma ec, nee wïth jiy maaŋge; këël wïth jøøa näk ojierø maaŋge maaŋŋø thuwø ni näk mo løny jïge.

Mathiew 24:5

Kiper jiy mo thööth oööi ki nyeŋŋa, ni kö ŋati man nø, ni ‹Beeye aani na Krictø.› Ni ö geni ni maaŋge wïth jiy mo thööth.

Maak 13:6

Jiy mo thööth oööi ki nyeŋŋa, ni köge, ni ‹Beeye aani na eni.› Ni ö geni ni maaŋge wïth jiy mo thööth.

Jøøn 21:5

Ni kö Jecu jïge, no «?Obwöre, jïïu da rec?» Ni løkge gø jïre, ni «Bäŋgø.»

Wëëlö Mana Göör Pøølli Baŋ Jø Röm 13:11

'Ba ŋäyu kar kany thuwø ni beeye kanya dou päy yie ki yïth niine. Kiper kar pïëm man piem øøni ki gø acäännö ni kaala kar kanya kwøŋø jïëy ni ŋäädhø.

Wëëlö Mana Göör Pøølli Baŋ Jø Röm 13:12

Wäär anø pöödhö, ni cäŋ kare cään. Kiper manøgønø, beerra man wetø tïïe mo muudhö, ni røø kwöt nywïënyö mar tar.

Ibaru 1:2

'Ba ki yïth nïne moi ii, ena cäänö ki øøni ki ri Wäädö, ŋata nyoodhe ni beeye lwiidhø mana en jammi bëët cere, ŋata ö eni thuwø na cwääc piny ki køøre,

1 Piter 1:20

Ni eno miiø kanya poode ni piny poot kär cwääö. 'Ba ena nyooth kiperu ya aŋuun nïne.

1 Piter 1:5

u na näk ogwøk Jwøki ki teege ki køør ŋäädhe, nee pïëm man piem u ki gø mana näk onø jiiŋŋø noo nyooth kanyo cuŋ pinynyi yie nee jootu.

1 Piter 4:7

'Ba aŋuun jammi bëët kare acäännö. Bëëdu ni wïthu leer, ni koorru dëëtu ni lämu.

2 Piter 2:1

'Ba da nyïïkuk Jwøk mo patha adïëri thuwø mo røkge ege thïïŋö dï jiy, kaawat mano ö dïpööye mo patha adïëri noo thïïŋge rege dïïu, jøw okäl teeŋ pwöc ränynyö baŋu ki jöö mør. Këël Kwäärö ma Jecu okwierge, ŋata ŋeew geni, ni ge käla ränynyö mo laara ö bäätge.

2 Piter 3:3

'Ba beerra man kwøŋu gïn ŋäc, ni kanyo tïme na aŋuun nïne, jø abuua oööi ni ge buuö, ni ge caatha køør gïïa reyø ni wø many cwïnyge,

1 Jøøn 2:22

?Aŋa na dïtwöt? Dïtwöt beeye ŋat wø kweer ni Jecu patha Krictø. Ŋatøgø beeye na nyimän Krictø, ŋat wø kwier Wuuö ki Wäädö.

1 Jøøn 4:1

Omëëya, kär jwïëy jïëyu bëët. 'Ba päänynyu jwïëy nee neennu nee gena mo Jwøk. Kiper nyïïkuk Jwøk mo thööth mo patha adïëri okeethø dï piny.

1 Jøøn 4:3

'Ba jwïëy bëët mo wø ba jïëc Jecu ni ööi ni da dëël, ge patha mo Jwøk. Manøgø beeye jwïëc nyimän Krictø na wïnynyu ni öö, ni enø nø ö piny ennø.

2 Jøøn 1:7

Kiper jø cwøk mo thööth okeethø dï piny, jøøa näk kär jïëy ni Jecu Krictø oöö ni da dëël. Teeŋ ŋatøgø nø, beeye dïcuuy ni ena nyimän Krictø.

Juut 1:18

Acaange jïïu, ni köge, ni «Noo tïme na aŋuun nïne da jø abuua mo öö, jøw ocaath køør gïïa reyø ni wø ba en jöör Jwøk ni wø nieŋ cwïnyge køørge.»