1 Jøøn 2:17 - Wëël Jwøk

¹⁷ 'Ba piny aay ki gïïe ni wø paaye. 'Ba ŋat wø tïïc mana many Jwøki wø bëëdö këël na bäre bäre.

1 Jøøn 2:17 Iomraidhean Croise

Pwöc Leec Wïc 10:25

Kany wø pööth atuunne, ŋata raac ba joot këët, 'ba ŋata beer bëëdö ni tiere okëët piny na bäre bäre.

Mathiew 21:31

?A mane nø røk obwöre moø na ariiø yøø na tïïc mana many wänni?» Ni köge, ni «Mana dïkwøŋ.» Ni kö Jecu jïge, na «Adïëri møn a cäänna uuni, ni jø ajwäk ki kääpe oci buc Jwøk nou poodi.

Mathiew 24:35

Maal ki piny opöödhi, 'ba luupa ba dak.

Mathiew 7:21

«Patha jiy bëët mo wø köö ki aani, ni ‹Kwäärö, Kwäärö,› noo døny yi buya käl maal, 'ba beeye ŋat wø tïïc mana many Wära ni en maal.

Maak 3:35

Ni ŋat wäro tïïc mana many Jwøki beeye coka ni näk mera.»

Jøøn 4:14

'Ba ŋato wäro mäthi ki pïïo cïba jïre, ba näk riewi këët. 'Ba pïïo cïba jïre otïmö na jøøro mo kwödö yie, mo kännö ki kwøw mana näk adïëri mo bäŋ cuŋŋe.»

Jøøn 6:58

'Ba møø manøgø beeye møga öö ki maal na ö piny, ni paa møga cam kwäyu ni thøwge. 'Ba ŋat wø cam møgøgøøni, okwøw na bäre bäre.»

Jøøn 7:17

Nee da dhaanhø mo caya man tïïc mana many Jwøki, eni dee ŋääö ki man näk mo pwöc man en käla baŋ Jwøk, wala caana ka wïïa a keera.

Wëëlö Mana Göör Pøølli Baŋ Jø Röm 12:2

Käru bëëdö nou caala jø pinyi en këët, 'ba tïmu nou nyärö ki køør mana døøc cwïnynyu mo nyärö, kiper nee mana many Jwøki nee ŋäyu døøc, ki gïn mo beer ma kare man wø jïëc Jwøki.

1 Körin 7:31

Ni ö jø wø ceŋge da tïïe pinyi en, ni bëëtge kede karge bäär ki gø. Kiper pinyi en aløny ni manynya ränynyö.

Köløcia 1:9

Kiper manøgø nø, ki mana täge dïcäŋa wïnywa gø yie, bäŋ dïcäŋ aciel mo ewa ŋøl wøk, ni wa ba lämö kiperu, ni wa kwaaya Jwøk nee moa many Jwøki bëët tïme ni ŋäyu ki køør leec wïc ka acaare bëët mo wø en ri Jwïëye,

Köløcia 4:12

'Ba uuna määth Epapara ŋata öö ki baŋu, na näk laŋ Krictø Jecu. Eni lääŋŋa uuni cooth ki cwïnye bäre yïth laam moe, nou cuŋŋu ni uuno thur karu, ni moa many Jwøki bëët you kwanyø na adïëri.

1 Thecalönika 4:3

Ni beeye mana many Jwøki nou tïmu nou ena kur keeru, nou tïmu ni karu bäär ki käp,

1 Thecalönika 5:18

Ni dwøgu met ec ki yïth jammi bëët. Kiper beeye mana many Jwøki jïïu ki ri Krictø Jecu.

Ibaru 10:36

Kiper manynya man magu cwïnynyu, nee mana many Jwøki tïïyu ni ci buuki jïïu.

Jeemeth 4:14

ni gïno tägi diøø kuyu. ?Kwøw maru agïnaŋø? Kiper u caala rwöc ni wø nëëni ki kany mo thiinh ni laar rwäänyö.

1 Piter 1:5

u na näk ogwøk Jwøki ki teege ki køør ŋäädhe, nee pïëm man piem u ki gø mana näk onø jiiŋŋø noo nyooth kanyo cuŋ pinynyi yie nee jootu.

1 Piter 4:2

kiper nee nïre moa no odööŋ moo beede piny, nee ba beede këët ni cwïnye onieŋ køør gïïa reyø ni wø many dhaanhe, 'ba nee bëën moa many Jwøki.