1 Jøøn 2:16 - Wëël Jwøk

¹⁶ Kiper jammi bëët mo en piny ii, teeŋ ka gïï wø par dëëlli, ki mo wø par nyeŋŋi, ki ŋääth jap piny, gïïögø patha mo Wuuö, 'ba gena mo piny.

1 Jøøn 2:16 Iomraidhean Croise

Wïlöölö 3:6

'Ba kanya ö dhaage na neen jaath na gïn mo orømø ki cam, ni nëëni na gïn mo mïërö ki nyeŋŋe, na jaath mo beer mo døøya waŋ dhaanhø mo riek, ena lwötö ri nyi gø ni cam gø, ni mëëk mør cwøre thuwø; ni ö cwøre ni cam gø.

Wïlöölö 6:2

jiy moa näk wäät Jwøk, nyïï jiy møga ajootge ni mïërö, ni ö ŋati man nø ni lwør mana jiere jaak, ni nywømge dëëtge.

Jööp 31:1

«Aani nyeŋŋa amäna ki man neena nyakøø ni cwïnya pärö ki gø.

Pwöc Leec Wïc 27:20

Kaawat man wø bëët kar bëët jwïëc jøøa no othøw ni ba jäŋ ki jiy, waŋ dhaanhø thuwø ba jäŋ ki jap bäät piny.

Pwöc Leec Wïc 6:25

Kär cwïnyï lämmö ki wøp mare, ni ba tuut ïïni ki waŋe;

Daniel 4:30

ena köö, na «?Aŋø, man paa beeye Babiløn na dwøŋ na geera, ni beeye kar bëët nyec na geera ki teek mara na dwøŋ, na gïr ajiem mar dööŋ kar mara, a na nyeya?»

Kwään Jiy 11:34

Køøre nyeŋ kaace acwøl ni Kibïröth-Ataba, na näk tiere beeye Bwöc-Päl-Cwïny, kiper beeye kanya koony jiy yie moa cwïnyge päl kiper cam.

Kwään Jiy 11:4

'Ba wïth juurre ma teeŋi moa en dï jø Icriel, cwïnyge atïmö ni päl kiper cam; ni ö jø Icrielli thuwø ni cäŋge jwøk, ni köge, «?Aŋa noo cïpi jïwa ki rïŋö mo camwa?

Mathiew 4:8

'Ba kanyøgø, ena cäŋ anägö kïth bäät kïdi mo bäär døc ni nyuth gø buc piny bëët ki beenyge.

Mathiew 5:28

'Ba aani, a caana gø jïïu, ni ŋat wø neen dhaagø ni ee parø ki cwïnye, onø kännö ki luk ki gø ki cwïnye.

Luk 4:5

Ni kïthi ya anägö maal bäät kïdi ni nyuth gø buc piny bëët ki nyi kany mo thiinh,

Wëëlö Mana Göör Pøølli Baŋ Jø Röm 13:14

'Ba dëëtu wär cïpu jï Kwäärö ma Jecu Krictø, ni ba wëënnu dëël ki jöö man tïïc gïï wø manynye.

1 Körin 10:6

'Ba kawaane gïïögø beege nyuuthe kiperø, ni köömma øøni nøø ba manynyø raay kaawat mana tïïcge.

Galeecia 5:17

Kiper gïï wø cac dëëlli män ki gïï wø many Jwïëc Jwøki. Ni ö Jwïëc Jwøki ni mäne ki gïï wø many dëëlli. Kiper gïïögø män ki rege, ni ge mäna uuni ki mana dou tïïö.

Galeecia 5:24

'Ba jøøa näk mo Krictø Jecu, gïï wø many dëëlli agurge bäät jaadha no odëëdö, ki jape na reyø wø caye.

Epeca 2:3

'Ba gïïögø bëët, øøna kwøŋ bëëtö yïthge na bëënnø japa reyø na many cwïnynyø, na caadhø køør gïï wø many dëëlli ki cwïny, ni bëëdø ni øøna jø raay kaamar jøw bëët, ni wëëc Jwøk ena bäätø.

Tayta 2:12

ni wø pwöny øøni ni wiiø gïïa ba en jöör Jwøk ki gïïa reyø ni wø many cwïnynyø, nee ø bëëdø ni dëëtø yøø mänö ki raay, ni marø beer, ni bëëtö marø pinyi en ena jöör Jwøk,

Tayta 3:3

Kiper øøni ki dëëtø, øøna kwøŋ bëëtö ni øøna bøøre, na jø adhala, ni wïthø omaaŋŋø, ni øøna laaŋe jï gïïa reyø na en cwïnynyø, ki teeŋ gïïa many dëëtø bëët, ni thöörø ruun 'moø bëët ni cwïnynyø cøl ki jiy ni ø gwönö, ni jiy män ki øøni, ni ø män ki røgø.

Jeemeth 3:15

'Ba acaayøgøøni patha teeŋ man wø ööi ki maal, 'ba beeye mar piny na ba en jöör Jwøk, 'ba beeye mar anägö.

Jeemeth 4:16

'Ba maru atïmö na atöör ni bäŋ gïn mo ŋäyu. 'Ba teeŋ atöör manøgø bäre raac.

Jøcua 7:21

Aani, ki røk jammi moa twier bëët, kanya jooda abïï mo mïërö mo tïïca paana cwøl ni Cinaar, ki warkey ma lwøŋŋø ma rumme ma pïërabïïc mar rumi mana cwøl ni cekel, ki gwel-bïrö ma rumme ma dïpe ariiø mar rumi mana cwøl ni cekel, cwïnya atïmö ni päl ki ge ni lwøra geni. 'Ba ennø, gïïögø okoony piny yo oduŋkaara mana näk mara, ni gwel-bïrö beeye ni en ya aŋuudi piny tiet gïïögø bëët.»

1 Piter 1:14

Bëëdu ni uuno obwöre ma dïlïŋ luup, ni ba tïmu nou caatha køør gïïa reyø na nieŋ cwïnynyu køørge kanya poode ni bäŋ gïn ŋäyu.

1 Piter 2:11

U na mëëra ki uuni, a kwaya uuni, kiper mana näk uuna wëëlle nou path yi pinyi en, bëëdu ni karu bäär ki gïïa reyø wø many dëëlli ni wø këëdi ki jwïëyu.

2 Piter 2:10

Ni kadha jø wø rïïŋi køør gïïa reyø ni wø nieŋ cwïnynyi køørge røk, ni wø taak teek Jwøk. 'Ba kiper na bäŋe gïn mo wøørge ni cwïnyge teek, ge ba lwäär ki man janyge moa jïge da ajiem maalø.

2 Piter 2:18

'Ba dhøkge päŋ ka atöör jammi mo oballe jaak, ni ge maaŋŋa wïth jøøa bøth kany mo cään en, ceŋ jøøa en yïth raay, ki gïïa reyø ni wø many dëër dhaanhe.