1 Jøøn 2:13 - Wëël Jwøk

¹³ Naa göönna baŋu, u na wëëe, kiper na ŋäyu eni na nut cøøn. Naa göönna baŋu, u na wøpe, kiper na böötu ŋata raac. Naa göönna baŋu, u no obwöre, kiper na ŋäyu Wuuö.

1 Jøøn 2:13 Iomraidhean Croise

Pwöc Leec Wïc 20:29

Ajiem mar wøpe wø ööi ka ri teek dëël marge, ni ö wödö mar jø døøŋŋø ni käl ri lwaar moge.

Jool 2:28

«'Ba noo tïme na køør gïïögø, aani, Jwïëy 'moa kïtha bäät jiy bëët, ni ö wäätu ki nyïïu ni køpge dwøra, ni ö jäle mou ni läkge ki lääk, ni ö wøpe mou ni neenge jammi mo nyïm mo wø nyooth ki yi wïc.

Dhekaraya 9:17

A teeŋ kïdö mo nyïëdi ki mïërö mano tägi dëëtge! Beel mo ŋöömmögø obwöc cwøw owëëk piith ni dëëtge teek, ni ö kwøk nyïïomøki moe moa nyärö ni wëëk obwöc mään piith ni dëëtge teek.

Mathiew 11:27

«Jammi bëët onø wëëk Wära aani; ni bäŋ ŋat mo ŋäc Wäädö, 'ba beeye Wuuö keere, ni bäŋe dhaanhø mo ŋäc Wuuö, 'ba beeye Wäädö keere, ki ŋat wø met yi Wäädö ki man nyooth eni jïgø.

Mathiew 13:19

Kany wø ö dhaanhe wø wïny luum buya käl maal ni ba kwany tier gø, ŋata raac wø öö ni juth gïna näk opiith cwïnye wøk. Manøgø caala mana näk ojør thääŋ jöö.

Mathiew 13:38

Ni pwödhö beeye piny. Ni köödhi moa näk wøpe beege wäät buya käl maal. Ni luuma raac beeye wäät ŋata raac.

Mathiew 5:37

'Ba dwøl man wø caannu wär bëëde kare, nee maru jïëy wala maru kweer. 'Ba ni näk mo kööŋ meedu bääte, maneca käla baŋ ŋata raac.

Luk 10:22

«Jammi bëët onø wëëk Wära aani, ni bäŋ ŋat mo ŋäc Wäädö, 'ba beeye Wuuö keere, ni bäŋe dhaanhø mo ŋäc Wuuö, 'ba beeye Wäädö keere, ki ŋat wø met yi Wäädö ki man nyooth eni jïgø.»

Jøøn 14:7

Onää a ŋäyu, Wära dou ŋääö thuwø. 'Ba køør man ennø, tïme ni ŋäyu, ni you nø neen.»

Jøøn 14:9

Ni kö Jecu jïre, «?Aŋø, a kär bëëdö ki uuni ki kany mo bäär? ?A poot kuyï en, Pilip? Ŋat maa ee neenø, Wuuö ee nø neen. ?Aŋø ni kööï, ni ‹Nyuth wa Wuuö›?

Jøøn 16:3

'Ba gïnögø otïïcge kiper na kucge Wuuö ki aani bëët.

Jøøn 16:33

Man en a caana jïïu, nee bëët-mëër nee jootu baŋa. Uuni, gïï mo leth ojwørru yi pinyi en. 'Ba magu cwïnynyu, kiper piny yaa nø böötö.»

Jøøn 17:21

kiper nee tïmge na aciel bëët, kaawat ïïni na Wuuö ni en raa en, ni ena riï, nee tïmge thuwø ni ge ena røgø, kiper nee jø piny jïëcge naa jääŋŋa ïïni.

Jøøn 17:3

Ni man en beeye kwøw mana näk adïëri mo bäŋ cuŋŋe, niï ŋäcge, ï na näk Jwøk mana näk adïëri keere, ki Jecu Krictø na jääŋŋï.

Jøøn 8:19

'Ba kanyøgø, gena köö jïre, «?Aŋø, wäru, age eni?» Ni løgi ya Jecu, «Uuni, a kuyu, ni kuyu Wära thuwø. Onää a ŋäyu, Wära dou ŋääö thuwø.»

2 Körin 4:6

Kiper beeye Jwøk na köö, ni «Tar rienye yi muudhö,» na wëëk tar rieny yïth cwïnynyø, nee tay ajiem Jwøk ni en täärnyïm Krictø wëëk ŋäc.

1 Timöthi 5:1

Kär ŋat mo dwøŋ joogï ki luubö mo teek, 'ba köömmï kaawat mana diï wäru köömmö, ni cäännï wøpe kaamar nyïïmeru.

Tayta 2:6

Ni köömmï wøpe na enøgønø thuwø, nee dëëtge mänge ki raay.

1 Jøøn 1:1

'Ba luummi ni göörwa baŋu en, wa gööra luum kwøw, na nut cøøn wïlöölö, na wïnywa, ni neenwa gø ki nyeŋwa, ni neetwa gø, ni mulwa gø ki ceŋwa.

1 Jøøn 2:1

Nyïïa, u ni therø, a gööra luubö man baŋu kiper nou ba bääyu. 'Ba ni näk da ŋat mo bääyö, jïïø da ŋat mo ena kurø buut Wuuö, ni beeye Jecu Krictø na beer.

1 Jøøn 2:12

A göönna baŋu, u ni therø, kiper raay mou awec ki køør nyeŋŋe.

1 Jøøn 2:14

Naa göönna baŋu, u na wëëe, kiper na ŋäyu eni na nut cøøn. Naa göönna baŋu, u na wøpe, kiper na teegu, ni luum Jwøk wø bëëdö cwïnynyu, ni böötu ŋata raac.

1 Jøøn 3:12

ni ba tïmø kaamar Keen, eni na dhaanh ŋata raac na 'näk coki. ?Aperŋø na 'näk gø? Nääe kaper tïïe moe na reyø, ni ö mo coki ni becge.

1 Jøøn 4:4

U ni therø, uuna mo Jwøk, ni jwïëyögø you nø böötø. Kiper ŋat en cwïnynyu en dwøŋŋa eni ki ŋati ni en piny en.

1 Jøøn 5:18

Ni ŋääø ni ŋat mo onywøl Jwøki bäŋ wø bëëdö ni bääö, kiper mano gwøgi ya O Jwøki, ni ba guti ya ŋata raaci.

1 Jøøn 5:20

'Ba ŋääø ni O Jwøk anø öö, ni mooc øøni ka acaara ki man ŋääø ŋata näk adïëri. Ni ø ena ri ŋata näk adïëri ki køør Wääde ma Jecu Krictø. Manøgø beeye Jwøk mana näk adïëri ni näk kwøw mana näk adïëri mo bäŋ cuŋŋe.

Mana Nyooth 12:11

'Ba ena böötge ki køør rem Nyidiel ki luum Jwøk na køpge, ni per jwïëcge ba leth jïge, këël doo cööpa ri thøø.

Mana Nyooth 2:7

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam jaath kwøw, ni en yi pwötha beer mar Jwøk.»