1 Jøøn 2:12 - Wëël Jwøk

¹² A göönna baŋu, u ni therø, kiper raay mou awec ki køør nyeŋŋe.

1 Jøøn 2:12 Iomraidhean Croise

Jeremaya 14:7

Wui Wuuö Jwøk, këël na bëët raayi mowa ni nyootha bääyö marwa, køny waani ki køør nyeŋŋï. Waani møn, gïïa gaawa wøk ki ge thööth, ni wa bääö dëërï.

Luk 24:47

ni ö løk cwïny ki wec raac jiy ni købi ki nyeŋŋe yïth mïëri bëët, ni tägi ka yi Jerucalem.›

Luk 5:20

'Ba na ö Jecu na neen ŋäädhe marge, ena köö, ni «Nyie nyawat, raay moï awec.»

Moa Tïïc Nyïïatwieli 10:43

Ni beeye eni na gïre caan nyïïkuk Jwøki bëët, ni jiy bëët moo jïëy ki eni ni ŋääthge gø, raacge owec ki køør nyeŋŋe.»

Moa Tïïc Nyïïatwieli 13:38

Kiper manøgønø, beerra man ŋäyu gø, nyïïmera, ni beeye ŋatøgø ni køp wëën raay ki køøre jïïu en.

Moa Tïïc Nyïïatwieli 4:12

Kiper bäŋ dhaanhø mør mo doo piem jiy. Kiper bäŋ nyeŋ mør bäät piny bäre mo ocïbö dï jiy mo ø doo piemø ki køøre.»

1 Körin 6:11

'Ba teeŋ bëëtö manøgø beeye bëët jø møøk dïïu na poode. 'Ba uuna lwøk, ni cïp uuni kur keeru, ni uuno jïëö ni maru beer ki nyeŋ Kwäärö ma Jecu Krictø, ki ri Jwïëc Jwøø.

Epeca 1:7

Ni beeye ki køøre na wïïl øøni wøk ki køør remme, ni wec moa dhalø ki met yie na dwøŋ

Epeca 4:32

'Ba køønynyu røgu, ni cwïnynyu da mëër, ni wëënnu røgu kaawat mana ö Jwøki na wec raayu ki ri Krictø.

Köløcia 1:14

Ni beeye ŋata wiil øøni, ni wec raay 'moø ki køøre.

1 Jøøn 1:4

Ni luupi ii göörwa kaper nee met cwïny marwa thur kare.

1 Jøøn 1:7

'Ba ni näk mo ø cäädha yi tar, kaawat mare ni en yi tar, øøno dwätö karøbëët, ni rem Jecu na näk Wääde penya øøni yïth raay bëët.

1 Jøøn 1:9

'Ba ni näk mo ø bëëdö ni ø køpa raay moø, mare beer ni dwøre ba dak. Eni raay 'moø owiie, ni peny øøni yïth gïïa ba beyø bëët.

1 Jøøn 2:1

Nyïïa, u ni therø, a gööra luubö man baŋu kiper nou ba bääyu. 'Ba ni näk da ŋat mo bääyö, jïïø da ŋat mo ena kurø buut Wuuö, ni beeye Jecu Krictø na beer.

1 Jøøn 2:21

A ba göön baŋu ni per na adïëri kuyu, 'ba beeye kiper mana ŋäyu gø, ni ŋäyu ni bäŋ tööt ra adïëri.

1 Jøøn 2:7

Omëëya, a ba göör dwøl mo nyään baŋu, 'ba beeye dwøl mana näk oruuö cøøn na en jïïu. Ni dwøl manøgø no oruuö enø beeye luumma wïnynyu.