1 Jøøn 2:11 - Wëël Jwøk

¹¹ 'Ba ŋat wø män ki coki ena yi muudhö ni cäädha yi muudhö, ni kany wø ci yie kuue, kiper nyeŋŋe na cøøri ya muudhe.

1 Jøøn 2:11 Iomraidhean Croise

2 Camiel 13:22

'Ba Abëcëlöm aput bëëtö ni bäŋ gïn mo ee caanø ka Amnön; kiper Abëcëlöm amännö døc ka Amnön kiper mana ö Amnönni na mak coki ma Tamar ki teek ni bute ki gø na dhaagø.

Pwöc Leec Wïc 4:19

'Ba jöör bëëtö mar jøøa reyø caala bëët muudhö, ni gïï wø cwany tietge ba jootge.

Luup Dïpööy 2:14

Ŋat mo wïïe leer, jammi nëënö jïre na karge; 'ba ŋat mo wïïe bäŋ acaara, eni cäädha yi muudhö. 'Ba ajooda na aŋuun jøøgø bëët poot na aciel.

Ciik Kiper Dïlämme 19:17

« ‹Kär dee män mo magï maaø ki yi cwïnyï ki ŋat pou. Wadu wär joogï; 'ba ni näk mo ba joogï, bääyö tïmö ni marï thuwø.

Jøøn 12:35

Ni kö Jecu jïge, ni «Tar obëëdö dïïu ki kany mo thiinh. Cäädhu kany poode ni tar bëëdö dïïu en, kiper nou ba mac muudhe. 'Ba ŋat wø cäädhi yi muudhö, kun wø ci yie kuue.

Jøøn 12:40

ni «Nyeŋge awëëk Jwøki cøørø, ni tïïc cwïnyge ni teek, kiper nee ba neenge ki nyeŋge, ni ba kwanyge tier gø ki cwïnyge, nee rege ba cäŋge luu baŋa nee ge kønya.»

2 Körin 3:14

'Ba cwïnyge adøøc mo teek. Këël dïcäŋi en, kany wø kwaange luumma kwøŋ Jwøki tuut ki jiy, abïïnøca poot bëëdö kare ni kär käl wøk. Kiper beeye Krictø keere noo käli wøk ki køøre.

2 Körin 4:4

'Ba beeye jwø pinyi en na wëëk jøøa kär jïëy cøørø, nee tac luumma nyään na met mar ajiem Krictø nee ba neenge, ŋata kïte caal kït Jwøk.

Tayta 3:3

Kiper øøni ki dëëtø, øøna kwøŋ bëëtö ni øøna bøøre, na jø adhala, ni wïthø omaaŋŋø, ni øøna laaŋe jï gïïa reyø na en cwïnynyø, ki teeŋ gïïa many dëëtø bëët, ni thöörø ruun 'moø bëët ni cwïnynyø cøl ki jiy ni ø gwönö, ni jiy män ki øøni, ni ø män ki røgø.

2 Piter 1:9

'Ba ŋat wø jïre bäŋ gïïögø, ena cwør, ni neeta gïï mo kwörge cärö, ni wïïe owïl ki lwøk raay moe moa dïkwøŋ.

1 Jøøn 1:6

Ni näk mo ø köö ni øøno dwätö ki eni, ni ø poot cäädhö yi muudhö, ø caana tööt, ni ø ba bëëdö ka bëëtö mana en ra adïëri.

1 Jøøn 2:10

'Ba ŋat wø mëër ki coki bëëdö yi tar, ni yie bäŋ gïn mo wëëk dhaanhø bääyö.

1 Jøøn 2:9

'Ba ŋat wø köö ni eni ena yi tar, ni män ki coki, eni poot ena yi muudhö.

1 Jøøn 3:15

Ŋat wø män ki coki, ena dïnääy, ni ŋäyu ni bäŋ dïnääy mo cwïnye da kwøw mana näk adïëri mo bäŋ cuŋŋe.

1 Jøøn 4:20

Ni näk da ŋat mo köö, na «A mëër ki Jwøk,» ni mäne ki coki, ena dïtwöt. Kiper ŋat wø ba mëër ki coki na näk ee neenø, ba løny ki man mëëre ki Jwøk na näk käre neenø.

Mana Nyooth 3:17

Kiper ï wø köö, ni ‹Aano kwär, ni japa atïmö ni thööth, ni bäŋ gïn manynya.› Ni kuyï gø ni ïïno ränynyö, ni cwïny opädhö ki gïrï, niï can, ni ïïna cwør, niï cäädhï ka dëërï.