1 Jøøn 2:1 - Wëël Jwøk

¹ Nyïïa, u ni therø, a gööra luubö man baŋu kiper nou ba bääyu. 'Ba ni näk da ŋat mo bääyö, jïïø da ŋat mo ena kurø buut Wuuö, ni beeye Jecu Krictø na beer.

1 Jøøn 2:1 Iomraidhean Croise

Edhikiel 3:21

Kany wø näk ŋat mo bëëte tiir köömmï köömmö ki man ba tïïe ki raay, ni put bëëtö møn ni ba tïïö ki raay, eni bëëdö ni kwøw kiper mana jïëc köömmö; 'ba ïïni thuwø, ï bëëdö ni bäŋ ajäla bäätï.»

Dhekaraya 9:9

«Wui, Dhayan, iï mïnne døc! Ni kwöŋŋï ki met ec, ni bee ï na Jerucalem! Raŋï, nyeya marï ööa baŋï, ŋat mo mare beeye adïëri, mo käära pïëm man piem jiy ki gø; eni mwöl, ni ena bäät arëën, ni beeye bäät nya arëën mana thiinh.

Luk 10:22

«Jammi bëët onø wëëk Wära aani, ni bäŋ ŋat mo ŋäc Wäädö, 'ba beeye Wuuö keere, ni bäŋe dhaanhø mo ŋäc Wuuö, 'ba beeye Wäädö keere, ki ŋat wø met yi Wäädö ki man nyooth eni jïgø.»

Jøøn 10:15

kaa mana ö Wuue ni ŋäc aani, ni ŋääa Wuuö thuwø. Ni aani jwïëya cïba cïbö kiper dïëk.

Jøøn 13:33

Nyïïobwöre, a poot en buutu ka kany mo thiinh. Aani, aano cayu, 'ba kanyo cøøa yie, u ba doo maara ö yie, kaawat mana caana gø jï jø Juuth. Ni beeye ni caana jïïu en.

Jøøn 14:16

'Ba Wuuö okwaa, ni mooc uuni ki Dïkunyi mør, nee bëëde ki uuni na bäre bäre,

Jøøn 14:6

Ni kö Jecu jïre, «Beeye aani na jöö, ni näga adïëri, ni näga kwøw. Ni bäŋ ŋat mo ö baŋ Wuuö ni näk eni ba ööi ka raa.

Jøøn 21:5

Ni kö Jecu jïge, no «?Obwöre, jïïu da rec?» Ni løkge gø jïre, ni «Bäŋgø.»

Jøøn 5:14

'Ba na näk køøre, ena joot Jecu yi kal mar Øt Jwøk Mana Dwøŋ ni kööe jïgø, «Neenï, dëërï anø jöönnö. Kär niï bääyö këët, kiper nee bäŋe gïn mo raac mo kaala man mo pïï dëërï.»

Jøøn 5:36

'Ba gïn wø køp gïra, dwøŋŋa eni ki mar Jøøn, kiper gïïa tïïa ki dëëtge na näk owëëk Wuue aani nee thööra, beege wø køp gïra, naa jääŋŋa Wuue.

Jøøn 6:27

Kär røgu ööllu kiper cam man wø ränynyi, 'ba tïïu kiper cam mano bëëdö, ni beeye mano këët ri kwøw mana näk adïëri mo bäŋ cuŋŋe, mano cïp Wär Dhaanhe jïïu. Kiper beeye eni na ö Jwøki na näk Wuuö na jïëe ki eni ni kïth ŋïï mare dëër gø.»

Jøøn 8:11

Ni kö dhaaŋŋøgøøni, ni «Bäŋgø, Kwäärö.» Ni kö Jecu, «Aani thuwø, ï ba jääla. Ciï nø, ni ba bääyï këët.»]

Moa Tïïc Nyïïatwieli 7:52

?A nyikuŋ Jwøk mane na kär caar kwäyu? Geni, jøøa køp ööny ŋata mare beer kanya poode anäkge, 'ba uuni nø, ŋatøgø acïbu ceŋ nyïïmän ni 'nägu gø,

Wëëlö Mana Göör Pøølli Baŋ Jø Röm 5:10

Kiper ni näk kanya poodø ni øøna jø män, øøno cäŋ dwøk kanya ciel ki Jwøk ki køør thøw Wääde, ?a kawaane nø, na cäŋø døø kanya ciel, a teeŋ pïëm mo nyïëdi noo piem øøni ki gø ki køør kwøwe?

Wëëlö Mana Göör Pøølli Baŋ Jø Röm 6:15

?Agïnaŋø nø? ?Ø doo bääö kiper mana bëënnø met yi Jwøk ni ø ba bëën ciik Jwøk këët? Ba doo løny.

Wëëlö Mana Göör Pøølli Baŋ Jø Röm 8:34

?Aŋa noo jääl dhaanhø? ?Beeye Krictø Jecu? Patha eni, kiper beeye eni na thøw, ni tïŋ maal ki yi thøø, ni en bäät cwïï Jwøk, ni wø kwääö kiperø.

1 Körin 15:34

Cäŋu wïthu caarrø, ni ba bääyu këët. Kiper jø møøk bäŋ gïn mo ŋäcge kiper Jwøk. Ni gïn caana naa lääa wïthu.

2 Körin 5:21

Kiper ŋata kuc raay atïïe na ŋat raay kiperø, kiper nee ø bëënynyø ki beeny Jwøk ki køøre.

Galeecia 4:19

U na nyïïa, cwïnya ajïtö ki gïn mo caala mäc lwaar kiperu, këël mano tïm Krictø ni ena cwïnynyu.

Epeca 2:18

Ni beeye ki køøre na jïtø ki jöö karøbëët man cøø baŋ Wuuö ki ri Jwïëc Jwøk na näk aciel.

Epeca 4:26

«Ni näk mou wëër, käru bääyö.» Ni ba wëëgu cäŋ päth piny nou poot ni uuno gootø,

1 Timöthi 2:5

Kiper beeye Jwøk aciel, ki nyïjöö aciel keere ni en yïthakic Jwøk ki jiy, ni beeye dhaanhnha näk Krictø Jecu,

1 Timöthi 3:14

'Ba yaa ŋäädhö naa laara ö baŋï. 'Ba a gööra luup moi baŋï,

Ibaru 9:24

Kiper Krictø kär døny yi kanya en kur keere mana näk tïïc ka ceŋ, man wø nyooth kanya en kur keere mana näk adïëri. 'Ba ena ci maalø kiree, ni eni cuŋŋö nyïm Jwøk ennø kiperø.

Jeemeth 1:27

'Ba lam mana näk adïëri na näk bäŋ gïn mo raac dëëre nyïm Jwøk na näk Wuuö, beeye ki man gwøk obwöre moa näk kïïe ki määr thuunhnhi ri gïï wø leth wø pïï dëëtge, ki man ö dhaanhe ni män ree ki raac piny.

Jeemeth 3:9

Ni beeye eni wø pwøø Kwäärö na näk Wääø ki gø, ni cäŋø jiy ciennø ki gø, jøøa näk ocwääö ni kïtge rööma kït Jwøk.

1 Piter 2:22

'Ba eni bäŋ raay mo ee tïïö, ni bäŋ cwøk mo owïnynyö dhee.

1 Piter 3:18

Kiper Krictø thuwø athøw kiper raay yie aciel na bäre bäre, ŋata beer na thuunh jøøa reyø, kiper nee ø kïth baŋ Jwøk, ki køør mana 'näk dëëre ni cäŋi wëëk kwøw ki ri jwïëy.

1 Jøøn 3:18

U ni therø, kärø mëër ki dhøgø jaak wala cäänö, 'ba mëërø ki ri tïïe ka adïëri.

1 Jøøn 3:5

'Ba ŋäyu ni ena ö kuna wëën raay. Ni eni bäŋ raay dëëre.

1 Jøøn 3:7

U ni therø, kär dee ŋat cøøk uuni. Ŋat wø tïïc gïn mo beer, eni beer keda mar Krictø na beer.

1 Jøøn 4:4

U ni therø, uuna mo Jwøk, ni jwïëyögø you nø böötø. Kiper ŋat en cwïnynyu en dwøŋŋa eni ki ŋati ni en piny en.

1 Jøøn 5:17

Kiper gïïa ba beyø bëët beege raay. 'Ba da raay mo ba cööp ri thøø.

1 Jøøn 5:21

U ni therø, bëëdu ni karu bäär ki gïï wø lam jaak.

3 Jøøn 1:4

'Ba bäŋ met ec mo daa joodø mo kaala man këët, kany wø wïnynya gø ni nyïïa caatha køør adïëri.