1 Jøøn 1:9 - Wëël Jwøk

⁹ 'Ba ni näk mo ø bëëdö ni ø køpa raay moø, mare beer ni dwøre ba dak. Eni raay 'moø owiie, ni peny øøni yïth gïïa ba beyø bëët.

1 Jøøn 1:9 Iomraidhean Croise

1 Nyeye 8:30

Beerra man wïnynyï kwac mara, a na dhaanhnhï, ki kwac mar jiyï ma jø Icriel, kany wø lämge ni nyïmge ege luu Øt Jwøk kany. Beerra man wïnynyï gø kany wø bëëdï yie maalø; beerra man wïnynyï gø møn, ni wëënnï waani.

1 Nyeye 8:47

ni näk mo ge cätö yi ŋöömö mana kïth ge yie ni ge mak ka tøŋ, ni løkge cwïnyge ni kwacge ïïni yi ŋööm jøøa mak ge ki tøŋ, ni köge, ni ‹Waana bääyö, ni nø tïïwa ki gïn mo reyø døc,›

Neemiya 1:6

Ennø, beerra man raŋï aani, ni cegï ïthï ki lam mara, a na dhaanhnhï en, ni beeye lam mara man läma ki gø nyïmï en ki dïcäŋ ki wäär, kiper jiyï ma jø Icriel, naa køpa raay moge moa bacwa dëërï; aani ki jø dhi øt kwäya waana bääyö dëërï.

Bwøth Wøk 34:7

ni beeye wø gwøk mëëye ni wø ba jøøl kiper jiy ma kum kum, ni ŋat mo obääyö, ki ŋat adhala, ki ŋat mo otïïö ki gïï mo reyø di wëënnö; 'ba ŋat raay poot ba wiie ka ajäla, ni raay moa tïïc wëëe poot di coolø dëët obwöre moge ki nyïïkwaacge, këël mano pïïe dää beenhnhe wala ŋweer beenhnhe.»

Pwöc Leec Wïc 28:13

Ŋat wø kaan bääyö mare ba bëënynyi, 'ba ŋat wø køp raay moe ni wec geni, mëëy Jwøk di joodø.

Aydheea 45:21

Køpu maru, ni caannu gø, beerra man cäännu bääte na aciel. ?Aŋa na caan gïnögø ki mana täge ya acääŋŋe ki kany mo bäär? ?Aŋa na car gïnögø cøøn? ?Aŋø, paa aani, a na Wuuö Jwøk? Bäŋ Jwøk mør këët ni näk mo paa aani keera, ni bee a na Jwøk na näk mare adïëri, na näk pïëmi. Bäŋ Jwøk mør këët, 'ba bee a keera.

Jeremaya 3:13

Mano tïïyï keere beeye ki man jïëyï raay moï, man näk mo ïïno gëëmö ki aani, a na Wuuö Jwøk, Jwøk marï, ki mana caathï køør juu moa path tiet jenni bëët moa no onigïït piny, ni dwøra kärï wïnynyö.› » Luummögø caana Wuuö Jwøki.

Jeremaya 33:8

Ni pïnya raay moge wøk, ni beege raay bëët moa bacge dëëra; ni wëënna raay moge bëët, ni beege raay moa bacge dëëra, ka ageem mana tïïcge dëëra.

Wëël Kïmmö 3:23

Ni ge bëëdö ni ge nyärö cooth ka amöölla, na adïëri mare päl.

Edhikiel 36:25

Aani, dëëtu jøra jørø ki pïï mo tøŋ ni tïmu nou waany; aani, u penya penyø yïth japa reyø bëët na enu yïthge, ki yïth kït gïï wø lammu bëët.

Edhikiel 37:23

Ge ba bëëdö ni dëëtge ege päädö këët ki juuga reyø moge ki kït gïï wø lamge, na näk ec raac ki ge, wala ki teeŋ raay moge møga bëët. Kiper aani, ge piema piemø yïth raay moge moa wara enge yïthge, ni penya geni; ni bëëtge na jiy 'moa, ni bëëda ni aana Jwøk marge.

Dhekaraya 9:9

«Wui, Dhayan, iï mïnne døc! Ni kwöŋŋï ki met ec, ni bee ï na Jerucalem! Raŋï, nyeya marï ööa baŋï, ŋat mo mare beeye adïëri, mo käära pïëm man piem jiy ki gø; eni mwöl, ni ena bäät arëën, ni beeye bäät nya arëën mana thiinh.

Mathiew 3:6

Ni lwøk geni na nyuudhi yi Naam Jördan, ni køpge raacge.

Maak 1:5

Ni ö jø mïëc Judia bëët ni öge wøk baŋe, ki jø Jerucalem bëët. Ni ö geni ni lwøgi ya eni na nyuudhi yi Naam Jördan, ni køpge raacge.

Luk 22:57

'Ba dëëre amooŋe, ni kööe, ni «Nya, eni kuua.»

Jøøn 17:25

Awuuö, ï na marï beer, këël na bëëde niï kuc pinynyi, aani ï ŋääa. Ni ŋäyi ya jøøi naa jääŋŋa ïïni.

Moa Tïïc Nyïïatwieli 19:18

Kanyøgø jøøa näk ojïëy mo thööth thuwø aö nyïm, ni ö gïïa reyø na wara tïïcge ni caange ge nyïm jiy bëët.

Wëëlö Mana Göör Pøølli Baŋ Jø Röm 3:26

Ni eni nyootha gø ennø ni eni ki dëëre ŋøl luup mare beeye adïëri, ni ŋat wø ŋääth Jecu wø jïëe jïëö ni mare beer nyïme.

1 Körin 1:9

'Ba Jwøk dwøre ba dak, ŋata cwøl uuni ki man dwätu ki wääde ma Jecu Krictø na näk Kwääyø.

1 Körin 6:11

'Ba teeŋ bëëtö manøgø beeye bëët jø møøk dïïu na poode. 'Ba uuna lwøk, ni cïp uuni kur keeru, ni uuno jïëö ni maru beer ki nyeŋ Kwäärö ma Jecu Krictø, ki ri Jwïëc Jwøø.

Epeca 5:26

kiper na acooŋ Jwøk døøc mo ena kur keere na mar Jwøk ki køør mana peny gø ki pïï ki luumme ni døøc gø mo waany,

Tiet Ciik 7:9

Kiper manøgø nø, wär ŋäyu ni Wuuö Jwøk na näk Jwøu beeye eni na Jwøk keere, ni ena Jwøk mo maar ka ŋääth; ni luumma tuude, ki mëëye ni wø ba jøøl, bëëdö ni gwøe gwøø ki yïth beenhnhe ma kume mo ba løny ki kwaan jï jø wø mëër ki eni ni wø gwøk ciik moe.

1 Timöthi 1:15

'Ba luubö man en beeye adïëri møn mo doo jïëö, ni Krictø Jecu aö piny kuna piem jø raay. 'Ba beeye aani na näk wïth jø raay.

Tayta 2:14

ŋata cïp ree kiperø, nee ø wïïl wøk yïth raay bëët, ni tïïc øøni ni ø waany na moe, na jiy mo cwïnyge ege cïp køør tïïe moa beyø.

Ibaru 10:23

Beerra man putø ŋäädhe marø mar yi nyïm mana jïëø ki gøøni maa cwïnynyø ni ø ba dääŋi. Kiper wää buuki dwøre ba dak.

Ibaru 11:11

Ni beeye ŋäädhe, na ö Ceera ki dëëre na jïte ki teek nyöödö, këël na näk eno døøŋŋø ni kare onø pöödhö, kiper na caar ŋata buŋ gø ni dwøre ba dak.

Ibaru 6:10

Kiper Jwøk ŋøl mare tiir, ni tïïe mou ba taae, ki mëër mana nyoothu kiper nyeŋŋe kanya tïnynyu jø Jwøk, kaawat man poodu nou tïïya gø enø.

1 Jøøn 1:7

'Ba ni näk mo ø cäädha yi tar, kaawat mare ni en yi tar, øøno dwätö karøbëët, ni rem Jecu na näk Wääde penya øøni yïth raay bëët.

Mana Nyooth 15:3

Ni ge wära duut Modhe, na näk laŋ Jwøk, ki duut Nyidiel, ni ge köö, ni «Ï na Kwäärö Wuuö Jwøk na en teeki jïrï, Nyeny piny bäre, tïïe moï døøŋŋø, ni beege gïï mo rëëma ec. Ni luup moï beyø ni näkge adïëri.