1 Jøøn 1:7 - Wëël Jwøk

⁷ 'Ba ni näk mo ø cäädha yi tar, kaawat mare ni en yi tar, øøno dwätö karøbëët, ni rem Jecu na näk Wääde penya øøni yïth raay bëët.

1 Jøøn 1:7 Iomraidhean Croise

Aydheea 2:5

'Ba ennø, u na nyïïkwaac Jeekap, ööu, nøø cäädhø ki yi tar mar Wuuö Jwøk.

Aydheea 33:24

'Ba kar kaaca, bäŋ ŋat mo ena Dhayan mo köö, ni «Aani dëëra da täw.» 'Ba jiy mo wø bëëdö yie raay moge di wëënnö.

Aydheea 6:7

Ni ööe ni gut dhaa ki cugö manøgø ni kööe, ni «Ka adïëri møn, dhiï anø gut gïnögø; ni ö gïïa näk iï baa bëët ni paanyi bäätï, ni ö raayi moï bëët ni wëënni.»

Amøc 3:3

?Aŋø, jiy ariiø ocääthge na aciel nidïï, ni näk mo gïr wääth kärge tuudö?

Dhekaraya 13:1

Wuuö Jwøk aköö, ni «Noo tïme na dïcäŋöca jøøro ojap jï dhi øt Deebit ki jø wø bëëdö Jerucalem kiper nee raay moge pïny wøk ni tïïc ge ni waany.»

Mathiew 6:12

ni weyï moa bacwa, keda man wø wecwa mo wø bac jø møøki dëëtwa.

Jøøn 1:29

'Ba na tïme na aruunnø man, Jøøn Jecu aneene ni ööa baŋe, ni kööe, ni «Neennu, Nyidier Jwøk ŋato wëën raay mo jø piny.

Jøøn 12:35

Ni kö Jecu jïge, ni «Tar obëëdö dïïu ki kany mo thiinh. Cäädhu kany poode ni tar bëëdö dïïu en, kiper nou ba mac muudhe. 'Ba ŋat wø cäädhi yi muudhö, kun wø ci yie kuue.

Wëëlö Mana Göör Pøølli Baŋ Jø Röm 13:12

Wäär anø pöödhö, ni cäŋ kare cään. Kiper manøgønø, beerra man wetø tïïe mo muudhö, ni røø kwöt nywïënyö mar tar.

1 Körin 6:11

'Ba teeŋ bëëtö manøgø beeye bëët jø møøk dïïu na poode. 'Ba uuna lwøk, ni cïp uuni kur keeru, ni uuno jïëö ni maru beer ki nyeŋ Kwäärö ma Jecu Krictø, ki ri Jwïëc Jwøø.

Epeca 1:7

Ni beeye ki køøre na wïïl øøni wøk ki køør remme, ni wec moa dhalø ki met yie na dwøŋ

Epeca 5:8

Kiper dïkwøŋ uuna muudhö, 'ba kawaane uuna tar ki ri Wuuö. Cäädhu ni uuna nyïï tar.

1 Timöthi 6:16

eni keere ni wø bëëdö ni ba thøw, ni wø bëëdö yi tayo näk bäŋ ŋat ci buute, eni na näk bäŋ ŋat mo oneen gø, na ba doo maara neen. Ajiem en jïre ki rööny na bäre bäre. Enøgønø.

Tayta 2:14

ŋata cïp ree kiperø, nee ø wïïl wøk yïth raay bëët, ni tïïc øøni ni ø waany na moe, na jiy mo cwïnyge ege cïp køør tïïe moa beyø.

Ibaru 9:14

a teeŋ lwøk mo nyïëdi nø noo lwøk øøni ki rem Krictø, ŋata cïp dëëre jï Jwøk ni bäŋ gïn mo jøøŋŋi ree, ni cïbe ka ri Jwïëc Jwøk ni wø bëëdö na bäre bäre, noo døøc cwïnynyø mo waany ni wiiø tïïe mo thøø ni tïnynyø Jwøa kwøw.

Jeemeth 1:17

'Ba muuce bëët moa näk othur karge wø ööi ki maal ni öge piny ki baŋ Wuuö na näk wää tarri ni wø ba dak, ni ba caal tïpö ni wø dääŋi.

1 Piter 1:19

'Ba u wiil ka rem Krictø na näk pere leth, na caal rem nyidiel mo bäŋ kany mo jøøŋŋi dëëre, wala kïdö mo raac.

1 Jøøn 1:3

'Ba gïna neenwa na wïnywa, wa køpa gø jïïu thuwø, kiper nou dwätu ki waani na aciel. 'Ba dwätö marwa, wa dwäti ka Wuuö ki Wääde ma Jecu Krictø.

1 Jøøn 1:5

'Ba man en beeye dwøl mana wïnywa baŋe ni køpwa jïïu en, ni Jwøk beeye tar, ni bäŋ kany mo cøl cwïnye bäre bäre.

1 Jøøn 5:6

'Ba eni na Jecu Krictø beeye na öö ki pïï ki remø, ni eni kär öö ki pïï keerge, 'ba beeye ki pïï ki remø.

1 Jøøn 5:8

Da lïŋŋe adäk, Jwïëc Jwøk, ki pïï, ki remø. Ni geno dwätö karge dääi.

2 Jøøn 1:4

Yia amïnnö døc na jooda nyïïï møøk ni caatha køør adïëri, keda mana ö Wuue na kööm øøni.

3 Jøøn 1:4

'Ba bäŋ met ec mo daa joodø mo kaala man këët, kany wø wïnynya gø ni nyïïa caatha køør adïëri.

Mana Nyooth 1:5

ki baŋ Jecu Krictø, na näk lïŋi mana näk adïëri, ŋata kwøŋ duu wøk ki yi thøø, eni na wïth nyeye mo piny. Ajiem ki rööny en jïre këël na bäre bäre, ŋata mëër ki øøni, na pät øøni ki remme yïth raay moø,

Mana Nyooth 12:11

'Ba ena böötge ki køør rem Nyidiel ki luum Jwøk na køpge, ni per jwïëcge ba leth jïge, këël doo cööpa ri thøø.

Mana Nyooth 7:14

Ni dwøga gø jïre, ni «Ŋäyï, kwäärö.» Ni duu gø jïra, ni «Jøøgø beege jøøa ö wøk ki yi gïna leth døc na wäŋŋi. Abïïkge apenyge ni tïïcge ge ni tar ki rem Nyidiel.