1 Jøøn 1:2 - Wëël Jwøk

² 'Ba kwøw manøgø anyooth, ni neenwa gø, ni wa wø køpa gïre, ni beeye kwøw mana näk adïëri mo bäŋ cuŋŋe na køpwa jïïu ennø, kwøwa nut ki Wuuö na nyooth jïwa.

1 Jøøn 1:2 Iomraidhean Croise

Jøøn 1:18

Bäŋ dhaanhø aciel mo Jwøk ee neenø, 'ba beeye Wäädö mana näk acielø jï Jwøk na en kö Wuuö na nyooth gøøni.

Jøøn 1:4

Ni kwøw ena ree, ni kwøwøgøøni beeye na cïp tar jï jiy.

Jøøn 10:28

Ni cïpa jïge ki kwøw mana näk adïëri mo bäŋ cuŋŋe. 'Ba ge ba doo maara ränynyö, ni bäŋ ŋat mo doo gwëën ge wøk cera.

Jøøn 14:6

Ni kö Jecu jïre, «Beeye aani na jöö, ni näga adïëri, ni näga kwøw. Ni bäŋ ŋat mo ö baŋ Wuuö ni näk eni ba ööi ka raa.

Jøøn 15:27

'Ba uuni thuwø, gïra okøpu, kiper uuna bëëdö ki aani ki kanya täga.

Jøøn 16:28

A käla baŋ Wuuö møn, ni ööa piny en. 'Ba a cäŋa aay piny ni døøa baŋ Wuuö.»

Jøøn 17:3

Ni man en beeye kwøw mana näk adïëri mo bäŋ cuŋŋe, niï ŋäcge, ï na näk Jwøk mana näk adïëri keere, ki Jecu Krictø na jääŋŋï.

Jøøn 17:5

'Ba kawaane, Wuuö, jiem aani buutï ka ajiem mana kwøŋï aani jiem ki gø na pooda buutï, ni piny poot kär cwääö.

Jøøn 19:35

'Ba ŋata neen gøøni ki waŋe beeye na caan mare kiper gø, ni mana caane beeye adïëri, ni ŋääe ni eni caana adïëri, kiper nee uuni thuwø, nou jïëyu ni ŋäädhu.

Jøøn 21:14

Manøgø beeye dää nyuudhi mana ö Jecu na nyooth ree jï bääge ki køør mana tïŋi maal ki yi thøø.

Jøøn 3:13

'Ba bäŋ dhaanhø mo oci maal, 'ba beeye eni na öö ki maal, ni beeye Wär Dhaanhø.

Jøøn 7:29

'Ba aani, eni ŋääa, kiper a käla baŋe, ni beeye eni na jääŋ aani.»

Jøøn 8:38

Aani, a caana moa jooda baŋ Wära, ba uuni, u tïïya moa wïnynyu baŋ wääu.»

Moa Tïïc Nyïïatwieli 1:22

ni tägi ka ri lwøk na nyuudhi mar Jøøn, këël dïcäŋa käl Jecu dïïø ni aa maal. Dhaanhø aciel dï jøøgø doo dwätö ki øøni na aciel nee tïme na lïŋi kiper duun Jecu wøk ki yi thøø na neene.»

Moa Tïïc Nyïïatwieli 10:41

'Ba paa jï jiy bëët, 'ba beeye waani na näk ojier Jwøki na lïŋŋe, wa na cämö ni mäthwa ki eni køør duunne wøk ki yi thøø.

Moa Tïïc Nyïïatwieli 2:32

'Ba beeye Jecu manøgø na tïŋ Jwøki maal, ni gïnögø aneenwa bëët.

Moa Tïïc Nyïïatwieli 3:15

ni 'nägu ŋat wø cïp kwøw; 'ba ena tïŋ Jwøki maal ki yi thøø. Ni waani, waana lïŋŋe kiper gïnögø.

Moa Tïïc Nyïïatwieli 5:32

'Ba waana lïŋŋe kiper gïïögø, këël Jwïëc Jwøk thuwø na en kur keere na cïp Jwøki jï jø wø leŋ dwøre.»

Wëëlö Mana Göör Pøølli Baŋ Jø Röm 8:3

Kiper gïna ba maar lønyø jï ciik Jwøk ki man tïïc gø kiper mana døøyi ya dëëlli mo jääk, atïïc Jwøki kanya jääŋ Wääde kiree, ki dëël mo caala dëër dhaanhø ni da raay en, ni tïme no olämi kiper raay, ni jääl raay ri dëël.

Galeecia 4:4

'Ba na ö kanya wäŋŋi na thur kare, Jwøk Wääde ajääŋŋe, ni nywøli ya dhaage ni ciik Jwøk ena bääte,

1 Timöthi 3:16

Ajïëø møn, ni gïna näk tiere okwøŋ kan mar lam marø, dwøŋ møn. Kiper øøna jïëy, ni ena nyooth kanya tïme na dhaanhø, ni ŋunni ya Jwïëc Jwøki, ni ena neen nyïïatwiet maalli, ni nyeŋŋe okøbø dï mïëri, ni jïëc nyeŋŋe dï piny, ni kïthi maal ka ajiem.

2 Timöthi 1:10

na nyooth kawaane kiper mana joot Pïëmi marø ma Krictø Jecu, ŋata raany thøø ni käl kwøw, ni beeye kwøw mana näk adïëri mo bäŋ cuŋŋe, ni tïïc gø ni nëënö ki køør luumma nyään na met.

Tayta 1:2

kiper mana ŋääthge kwøw mana näk adïëri mo bäŋ cuŋŋe mana buuk Jwøki cøøn, eni na kuc tööt.

1 Piter 5:1

Kiper manøgønø, a köömma jaak acooŋ Jwøk ni en dïïu, ni näga jaa thuwø, na ŋata neen gïïa leth na jwør Krictø, naa nywaaga ajiem mano nyooth.

1 Jøøn 1:1

'Ba luummi ni göörwa baŋu en, wa gööra luum kwøw, na nut cøøn wïlöölö, na wïnywa, ni neenwa gø ki nyeŋwa, ni neetwa gø, ni mulwa gø ki ceŋwa.

1 Jøøn 2:25

'Ba gïna buue jïïø beeye kwøw mana näk adïëri mo bäŋ cuŋŋe.

1 Jøøn 3:5

'Ba ŋäyu ni ena ö kuna wëën raay. Ni eni bäŋ raay dëëre.

1 Jøøn 3:8

'Ba ŋat wø bëëdö ni bääö, ena mar anägö, kiper anägö wø bëëdö ni bääö ki kanya täk pinynyi. Ni beeye na ö O Jwøki nee tïïe mo anägö raanynye.

1 Jøøn 4:14

'Ba mana neenwa ni wø køpwa beeye ni Wuuö Wääde ajääŋŋe na Pïëmi mar piny.

1 Jøøn 4:2

'Ba Jwïëc Jwøk oŋäyu ki køør luummi en: Jwïëy bëët mo wø jïëy ni Jecu Krictø oöö ni da dëël beege mo Jwøk.

1 Jøøn 5:11

'Ba lïŋ mana køp beeye en, ni øøna mooc Jwøki ki kwøw mana näk adïëri mo bäŋ cuŋŋe, ni kwøwøgø ena ri Wääde.

1 Jøøn 5:13

A gööra luubö man baŋu, u no ojïëy ki nyeŋ O Jwøk, nee ŋäyu ni jïïu da kwøw mana näk adïëri mo bäŋ cuŋŋe.

1 Jøøn 5:20

'Ba ŋääø ni O Jwøk anø öö, ni mooc øøni ka acaara ki man ŋääø ŋata näk adïëri. Ni ø ena ri ŋata näk adïëri ki køør Wääde ma Jecu Krictø. Manøgø beeye Jwøk mana näk adïëri ni näk kwøw mana näk adïëri mo bäŋ cuŋŋe.